كل ٍ عارف ٍ سوقه,,,,,,,

[سعد السبيل]

مرحبا أحبتي

الحقيقة أنني وجدت نفسي هنا في غرابيل

أكثر من غيره

وكم أخجلني تواضعكم

وهذه الحفاوه التي وجدتها

تفوح صدقاوصفاءا

وبودي أن أقدم لكم كل ما أملك

دفعة واحدة وأعتبرذلك قليل بحقكم

وهنا أجدد لقائي بكم بهذه المتواضعه


في عالم الشعر كل ٍ عارف ٍ سوقه=ولاكل قاف ٍ صدى صوته ينشطني

واليوم غنيت قاف ٍ زان طاروقه=هيضني اللي كتب عبدالله العطني

ترجم شعوره بلفظ ٍ عالي ذوقه=وفي كل حرف ٍ مع الأشواق رابطني

جذبني برقة إسلوبه ومنطوقه=وأحيا بي إحساس من مده ملابطني

وتجددت نارشوقي من لظى شوقه=وهوبماصابني ماهوب صافطني

العام رجواي طير ٍ هف بسبوقه=سالي وكل ٍ على سلواي غابطني

واليوم قلب المعنى عادت فتوقه=وأشغلت بالي وهاجوسي مورطني

إشتقت للي عن الخفرات مفروقه=بين الحرير الطبيعي فرق والقطني

من بعدها ماخفق قلبي لمخلوقه=أعيش بأوهام والطيف متسلطني

من صغرنا مانعرف الغي وطروقه=ومن بد الأطفال بيديها تغلمطني

وتطورت لهفة العاشق لمعشوقه=وتبرقعت وإمنعوها لاتخالطني

وأصبح هواها شريك الدم بعروقه=هيمن على الفكر وبدرسي مصقطني

حب ٍ شريف ٍ يصون الجار وحقوقه=لازعلت أزعل وضحكتها تبسطي

ثم إفترقنا بلاغدر ٍ ولابوقه=لكن قلبي على الواقع مغالطني

ياموصل الخط مأجور ٍ من العوقه=إسلم وسلم على عبدالله العطني


تحياتي

أبوسبيل

[راكان بن بدن السبيعي]

سعد بن سبيّل




الله الله



على الجزاله وأهلها




صح لسانك مليووووون



طاروق لايبدع فيه إلا الكبار أمثالك


لله درّك



شرّفتنا بهذه النادره الله يشرّف مقدارك



من صغرنا مانعـرف الغـي وطروقـه=ومـن بـد الأطفـال بيديـهـا تغلمطـنـي

وتطـورت لهفـة العـاشـق لمعشـوقـه=وتبـرقـعـت وإمنـعـوهـا لاتخـالـطـنـي

وأصبح هواهـا شريـك الـدم بعروقـه=هيمن على الفكر وبدرسي مصقطني




يا سلام على الحب النزيه








تحياتي لك

أخوك / راكان محمد



"

[عبدالله العلي]

صح لسانك ملايين يابو سبيل




قصيده رائعه وابداعيه



قافيه متميزه وقصيده متناسقه




لله درك اخي الكريم ...

[ديمة الشوق]

السلام عليكم


اخى العزيز سعد السبيل


صح لساانك ولا هنت


اختك ديمة الشوق

[فيصل بن راجس]

وتبـرقـعـت وإمنـعـوهـا لاتخـالـطـنـي

وأصبح هواهـا شريـك الـدم بعروقـه
هيمن على الفكر وبدرسي مصقطني

حب ٍ شريف ٍ يصون الجار وحقوقـه
لازعلـت أزعـل وضحكتهـا تبسـطـي

ثـــم إفـتـرقـنـا بــلاغــدر ٍ ولابــوقــه
لكـن قلـبـي عـلـى الـواقـع مغالطـنـي

ياموصل الخـط مأجـور ٍ مـن العوقـه
إسلـم وسلـم علـى عـبـدالله العطـنـي



صحححححححححححححححح لسااااااااااااااااااااااا نك


قصيدة في منتهى البداااااااااااااااااااع



والجمال و الجزاله من شاااااااااااااعر



غني عن التعريف مثل بن سبيل




سجل عجابي 00 طال عمرك




00 فيصل بن راجس

00

00

[فالح الشلوي]

صح الله قلبك وفكرك يابو سبيل




جزله من راس جزل




ولمسات مبدع وقافيه مميزه تعكس شاعريه سعد



تقبل تحياتي وفائق اعجابي بما تكتب دوما ً


اخوك



فالخ الشلوي

[شيخ اااالشباب]

جذبـنـي بـرقـة إسلـوبـه ومنـطـوقـه
وأحيا بي إحساس من مده ملابطني

وتجددت نارشوقي مـن لظـى شوقـه
وهوبماصابـنـي مـاهـوب صافطـنـي

العـام رجـواي طيـر ٍ هــف بسبـوقـه
سالي وكـل ٍ علـى سلـواي غابطنـي

واليـوم قلـب المعنـى عـادت فتـوقـه
وأشغلت بالي وهاجوسـي مورطنـي




ابو سبيل



ياسلام ياسلام



فن والله فن



وراس ٍ جزل مايجي منه الا الجزل والله



بيض الله وجهك يالذيب

وصح الله لسانك على قصيدتك


اخوك


ماجد ابن حباب

[عبدالرحمن الدوسري]

شاعرنا الكبير
ابو سبيل
الله الله على الابداع
صح لسانك وسلم فكرك
حنا في غرابيل نتشرف بوجود
شاعر كبير مثلك
لا تحرمنا من تواجدك
وقصائدك

[طيف الوله]

افرش له بصدري مع الشيح زملوق
وأحـدّد بروحـي وقلبـي نطاقـه

دم الغلا فالقلـب للـروح مدفـوق
والقلب زايد مـن عنـاه اشتياقـه

قدره على راسي رقا وأعتلا فـوق
زودٍ على حبـه ملكنـي صداقـه

والله ما غيره من الخلـق مخلـوق
أعشق وصاله وأرتشف من مذاقـه

الصمت في محراب الجمال جمال

كل الكلمات تخجل ان تقف امام كلماتك

قصيده اخرى تتوشح بالجمال الذي يسكنها فيجبرنا على الصمت والصمت فقط هنا امام هذا الابداع

صح قلبك شاعرنا المميز

[الأميرة الناعمة]

سعد السبيل

مبدع

قصيدة رائعة كروعة تواجدك بيننا

صح لسانك

:ندو:

[مُذهِلــــة]

سعد السبيل

أجدتَ شاعرنا و أبدعت في رسم تعابير هذه القصيدة


كلمات نلمس فيها صدق العبارات أوصلت لنا أفكار ومعاني هذه القصيدة

ما أجمل الأبيات عندما تخرج من قلبٍ صادق

مجاراة رائعة

ما أروع الكلمات حينما تنثر لنا خلجات القلب وعذوبة بوحه

قصيدة متميزة بكلماتها و إسلوبها

جزلة معانيك ،،، رقيقة حروفك ،،،عذبة مشاعرك

صح لسانك وسلم فكرك ودمت لنا ننتظر جديدك

تقبل مني ومن الجميع أطيب و أعذب تحية

[سعد السبيل]

أخوي الشاعر

راكان محمد

مرحبابك حتى ترضى

والله ياأخي وياأحبتي جميعا

لاأدري ماذاصابني

شرود ذهني مابعده شرود

أيعقل أنني متعمد عدم الرد

لالالالاوربي ولالأي إعتبار

(( قال كم لك مع صاحبك قال يوم وليله قال عرفت غايته ))

وأجزم أنكم عرفتم جل المعرفه محبكم بمحاسنه وعيوبه

ويبقى طيبكم وتسامحكم يغطي كل عيوبي

لن أزيد

شكرا لك أخي راكان

وشكرا لكل حرف خطته يمينك البيضاء

وشكرا لكل من شرفني في هذه المساحه

وأقول

حقكم علي

وأظنني محسود بكم كفاني الله وإياكم عين كل حاسد

والله من وراء القصد

تحياتي وتقديري

أبوسبيل

[أمل عبدالعزيز]

0
0
0

الممطر العذب الرقيق سعد بن سبيل.........

مـن بعدهـا ماخفـق قلـبـي لمخلـوقـه
أعيـش بأوهـام والطيـف متسلطـنـي

من صغرنا مانعـرف الغـي وطروقـه
ومـن بـد الأطفـال بيديـهـا تغلمطـنـي

وتطـورت لهفـة العـاشـق لمعشـوقـه
وتبـرقـعـت وإمنـعـوهـا لاتخـالـطـنـي

وأصبح هواهـا شريـك الـدم بعروقـه
هيمن على الفكر وبدرسي مصقطني

وهاأنت ذا تأتينا بمطر قلبك,,,, بفيض عواطفك ......

بذاك الهوى البعيد ......

وتلك المشاعر التى لازلت تحفظ نداوتها ورقتها على الرغم من طول مدتها........

لكنا لقلب حينما يكون صادق \ رقيق \ صافي \ مثل قلبك ياسعد فهذا ليس بمستغرب منك .........


وهناك من كتب شعوره على سطور الذكرى ... حينما فاقت روحه على غياب من يحب فقال:

انت الوحيد اللي اوده من الناس
وانت العزيز اللي على القلب غالي
لاغبت عني يومٍ أعلنت الأفـلاس
بعدك رصيدي يا منى النفس خالي
تمشي شرف ما دست في درب الأدناس
لك منزلٍ بين النجـــوم العوالي
يزها عليك من الذهب خاتم الماس
يزهـــا جمالك والدلع والدلالي
أبكتب احساسي على صفحة الياس
عساك تفهم ما يدور بخيــــالي
0
0
0
كل التقدير لك أيها العذب الرقيق .........

ودمت لنا نبضاً به تحيا روح المنتدى وأركانه.........

[المملوووحة]

هاي


ماقصرو اخواني وخواتي بالرد

ماخلو لي شي اقوله

القصيده حلووووه وتستاهل

ويعطيك الف عافيه

تسلم وتسلم قريحتك شاعرنا(سعد)

دمت لنا مبدعاااااااا

<<لايغركم الرجاجه ترا احب الشعر ومتذوقه لوه


تحياتي :كلوش:

,,المملووووووووحه,,

[سعد السبيل]

سيف الأسماء

تزداد هذه المساحه جمالا بتواجدك

تكرمت عليّ بهذه الإطلالة المضيئه

أعتز بالوصول لذائقتك الرفيعه

وسأظل تواقا لتواصلك

لك كل الشكر والتقدير

وأجمل التحايا

أبوسبيل