ملتقى شعراء وشاعرات الزعيم للدعم الفنّي والمعنوي

[وجــــدان]

السلام عليكم ورحمة الله وبركاته

كيفكم يازعماء ويازعيمات ؟

اقترب موعد الحسم لبطولة درع دوري المحترفين والبطوله بحول الله زرقاء

وحبيت يكون هذا الموضوع بخصوص ماقاله وسيقوله شعراء وشاعرات الزعيم في هلالهم من قصائد قديمه أو جديده حتى نشاهد ابداعاتهم في مكان واحد

كدعم ومسانده لنادينا الغالي لين يظفر بالبطوله الجديده بحول الله من أمام العميد

ولذلك اوجه النداء لشعراء وشاعرات الزعيم أمثال

الزعيم أبوعبدالرحمن

الزعيم نياف العتيبي

الزعيم ماجد نصار

الزعيمه النوري

الزعيم أحمد السكران

الزعيم عواد العلي

الزعيم حامد الروقي

الزعيم ظهير أيمن

واعذروني لو نسيت أحد أو ماعرفت ميوله

واتمنى من الجميع المشاركه ومن بعض الناس مايجون يخربون

ماتقصد أمل وعنود القصيد أبدن ههههههههههه

والبدايه بتكون من عندي

قصائد للزعيم ولاعبيه في مناسبات مختلفه ،،،،،

1


كل النوادي في بلادي كبيره=بس الهلال يفوقها بالزعامه
زعيم من مبطي ولافيه غيره=وماينبغا للشي هذا فهامه
سيطر بتاريخه على المستديره=فرض على كل الخصوم احترامه
ومع احترامي للوجيه السفيره=يبقى الزعيم أوضح وأشهر علامه
وهذي بطولات الهلال الكثيره=تشهد على فنّه وعالي مقامه
وتشهد جماهير الزعيم الغفيره=شعبيته طالت حدود الغمامه
ياكم كسبنا الكاس في كل ديره=يوم ان غيره مقتنع بالسلامه


يتبع

[وجــــدان]

2


أزرق على أبيض ياهلا بالهلالي=فوزك غمر كل القلوب بجماله
عالي مكانك في سما الفن عالي=معنى الزعامه مايجي بالسهاله
فوزك بطعم السكّر اليوم حالي=والنصر شاف الوضع فوق احتماله
سلّم لفنّك والفضا صار خالي=إلا من نجوم الهلال وهلاله
مبروك من قلبي على كل غالي=مبروك وأكثر للهلال ورجاله

[وجــــدان]

3

وهذي في اعتزال الاسطوره سامي الجابر


ان غاب سامي يحضر ألفين سامي=ماينضب هلال الفرح والبطولات
ياسام 6 لو تموت الأسامي=مامات ذكرك يا احمر العين مامات
ضاري على الهدّات والكف دامي=مرمى خصومك به كثير العلامات
ياذيب يامدمي الكبود الضوامي=رايتك بيضا ياخويّ المنصّات
ياما حسمت القول واللعب حامي=ياجابر بفنّك من اللعب عثرات
سامي بفّنك وبتعاملك سامي=من أول أيامك وحتى النهايات
تستاهل اليونايتد في الختامي=ويستاهل هلال الفرح والبطولات

[وجــــدان]

4


أشوف بعض العرب بالفوز منحشره=وقامت تعذرب بتاريخي وعثراتي
أنا زعيم النوادي ما اقبل الخشره=زعامتي تاج صولاتي وجولاتي
في كل موسم أجدّد للفخر نشره=تعال نحسب سوا كم هي بطولاتي
عشره وعشره وعشره فوقها عشره=وستة بطولات بالله منهو سواتي
أخذت لبّ الزمان وطاحت القشره=تركتها للبقيّه تاخذ فتاتي
من كثر الأفراح صارت بيننا عشره=الحزن ماله طريق لسيل عبراتي
واللي بيشره وجا في خاطره يشره=يشره على الوقت لايبكي ولايحاتي
وأقول للنصر موعدنا بعد عشره=ويلّه من ألحين نحسبها بطولاتي

[وجــــدان]

5

وهذي كانت بمناسبة فوزه العام بالدوري غصبن عن الاتحاد

ههههههههههه


ناقتي ياناقتي ولازعيم الا الهلال=وصّليني غايتي من ورا ذيك النجوم
وصليني ديرة الفنّ والسحر الحلال=للزعيم اللي بشوفته تنزاح الهموم
موقعه كبد السما مابها شك وجدال=مايداري طلّته لاعجاج ولاغيوم
هو صحيح اللي جرى البارحه أو هو خيال=انشدوا من ناطح الموج وازرى لايعوم
انشدوا عشّاق الاتي وزيدوا في السؤال=منهو اللي لاغدا الدرع في الملعب يزوم
منهو اللي من زمان الزعيم ولايزال=منهو اللي في سما المجد صاحي ماينوم
حاولوا كم حاولوا طيحته لكن محال=عادتك يالحر الأشقر تجي وقت اللزوم
مسكنك عالي الشواهيق في روس الجبال=ماعليك من الصبخ ماعليك من الرخوم
المنصّه ماتبي غيرنا وقت النزال=يوم الاتي ضاعت دروس لعبه والعلوم
ناقتي ياناقتي روّحي يمّ الهلال=موقعه كبد السما فوق هذيك النجوم

الشكر لكل من سيمر ويشارك

هذا ثاني موضوع لي بالرياضي الأول حذفه خالد الله يوفقه

هههههههههه

أتمنى هذا يسلم من النقل والحذف

تحيتي للكل

[أبوعبدالرحمن]

صح لسانك يا وجدان

وصراحة نبي نفتح قسم خاص لشعراء الزعيم في غرابيل مهو موضوع واحد

وهذي مشاركتي معاكم اليوم

وبجيب لكم باقي القصايد


هلالي زعيمٍ في شموله /// والا من بغى شيٍ ينوله
وقدامنا كاس البطولة /// نبيها يا ابو فيصل نبيها

ترى الكاس ما يصعب علينا /// نحبه وهو منا وفينا
ولا مرة بلحظة بكينا /// نبيها يا ابو فيصل نبيها

هلالي ويا مجمل فنونه /// جنونه ويا محلى جنونه
ويصعب على اللي يلحقونه /// نبيها يا ابو فيصل نبيها

عن المجد ما يقوى يباعد /// بالإخلاص وبجهد السواعد
يقوده لنا ابن مساعد ///نبيها يا ابو فيصل نبيها


زعيم الذهب ما أكبر غلاته /// نحبه وتعجبنا صفاته
ولا إنجاز مرة يوم فاته /// نبيها يا ابو فيصل نبيها

ومن شجّع الموج هلالي /// بلا شك راسه دوم عالي
خذا المجد من أول وتالي /// نبيها يا ابو فيصل نبيها

[محمد الدغيري]

صح لسانك نجودي
والله يوفق الأنديه للأصلح
والهلال نادي منظم يستحق البطولات الأربع الداخليه كامله
وكلنا معه في مشواره القاري مع اشقائه الاتحاد,الشباب,الاتفاق
ولك الحق الفخر والتفخر بمعشوقك نادي الهلال
.

.

تحيه عطره
محمد الدغيري

[خــــالـــــد]

على القوّة .. !!

صحت ألسنتكم

ننتظر قدوم الأمواج الزرقاء

[ThAmErOnA]

صححححححححح

وجدان وابو عبدالرحمن

بس لا تحتفلون الحين لان القلوب بهالايام تقول طربق طربق

خلوا الدوري يخلص!!

[بسمة العشاق]

أنا بعد

ما عندي قصيد

بس اسجل حضوري و تواجدي كهلالية أكييييييييييييييييييييييي ييييييد

[❤فدآك❤كلي❤]

يسلم بؤك ويسلم لسان كل شاعر يكتب في الزعيم

اتمنى ان يثبت هالموضوع في اعلى المنتدى

خصوصا ان جماهير الزعيم لا تفارق الفرح والذهب والاحتفال
لذا من الصعب ان نعود للصفحات بعد كل شهر ومع كل بطوله بحثا عن الموضوع

تسلم الانامل وفالكم الزعااااااااامه كلكم


فداك كلي

[نياف العتيبي]

http://www.alnaif-n.com/images/eg/yas3.gif

[نياف العتيبي]

زعيم نصف الارض حاضر وموجود
في كل يوم محقـق ٍ لـه بطولـه
محسود في عرش البطولات محسود
زعيم نصف الارض محـدٍ يطولـه
يجود بالملعـب وجمهـوره يجـود
لايق عليـه الفـوز كـل ٍ يقولـه
لاغاب لو فتـره يقولـون مفقـود
واليا حضر جميعهـم صفقـوا لـه
يوم إن بعض الناس ماحصلوا فـود
ماغير دمع العيـن زايـد هطولـه
عشر ٍ عجاف وهقوتي جاين الـزود
باقي علـى تدبيلهـا ربـع تولـه
والله ليبط النصر يرعى بـه الـدود
حتيش لـو فـازوا علينـا بجولـه
ماني بمتعالي علـى نايـف الجـود
رب ٍ كريـم وكـل خلقـه لجولـه
لكن سنام الطيب راعيـه موجـود
زعيم نصـف الارض كـل ٍ يقولـه

[وجــــدان]

الزعيم أبوعبدالرحمن

صح لسانك مليووووون وننتظر باقي قصايدك الزرقاء

وانا من رأيك في الإقتراح

هههههههههههههههههههه

تحيتي لك

[وجــــدان]

صح لسانك نجودي
والله يوفق الأنديه للأصلح
والهلال نادي منظم يستحق البطولات الأربع الداخليه كامله
وكلنا معه في مشواره القاري مع اشقائه الاتحاد,الشباب,الاتفاق
ولك الحق الفخر والتفخر بمعشوقك نادي الهلال
.
.

تحيه عطره
محمد الدغيري

صح بدنك يامحمد

ومدري والله من وين جبت نجودي هذي لكن جلّ من لايسهو

ويعطيك العافيه على مرورك

لاهنت يالدفيري

تحيتي لك

[عوادالعلي]

لبيه ياشاعرة الزعماء
صح لسانك ولسان الزعماء
وساعود مرارآ وتكرارآ والآن المتوفر ابيات بمناسبة اعتزال سامي الجابر


ميولي جزء من ذاتي واحبه مثل حب الذات=رفعت الراس بهلالي ونجمي سامي الجابر
توارى نجمنا سامي فقدنا جابر العثرات=شعور الحزن يفضحني مع اني دايم اكابر
اخاف اقوم بالواجب وابدل ضحكتي عبرات=اردد له وداعيه واعاتب حظي الغابر
عجبت من اسمه الثاني ولو غير مع اللهجات=سمعت معلقآ مصري نطقها سامي القابر
واقول لنفسي اظنه مع الاثنين له وقفات=عرفته جابر وقابر واكدها وانا خابر
من اليابان جابليو قبل ماتوصل الركلات=طموح الحاسب الالي غدابه نجمنا العابر
يبون الكاس واسقاهم مرار الغبن بالكاسات=حضورك غير ياكابتن يعز ويقطع الدابر

[ابو شامه]

الله يوفق شاعرات الزعيم لهن كل الحب والاحترام

[صالح المرزوق]

بسم الله ..
موضوع راااائع يا وجدان .. :مزون: والله لا يحرمنا من الزعيم
وان شاء الله نتبادل التبريكات بعد أربع جولات غصب عن بعض ناس خخخخخخخ :مزون:
هذي قصيدة بمناسبة اعتزال سامي دئلت
[ لابوها كورة من بعد روحة الذيب ] (( قصيدة الوداع ))

لا لا أبد لا تنبهر وش علامي = الراس من هول الخبر صابه الشيب ..!
وقْع الخبر كنه رؤوس السهامي = والا كما روس السيوف المحاديب
دفْع القصيدة يارفيقي أمامي = وانت ادرى مني يالغلا بقافية ( إيب )
العين جافت مرقدي والمنامي = والصوت بحّ وبيّح اغلى المكاتيب
والعِرق ينبض بس دون انتظامي = والرمش مايرمش يبي زود تدريب
مخ العظم صابه كساح العظامي = والجرح غائر ، الحقوا رشوا الطيب
انا اشهد اني بإعتزالك ياسامي = مثل الضرير اللي سكن بالكراديب
ياجابر العثرات اسمع كلامي = هاك الحروف اللي بلا شك أو ريب
كل الملاعب تنتفض يالعصامي = لامن حضرت وجاك مليون ترحيب
ياليتني يالذيب عنك محامي = لأقطع لسان اللي نسب يمّك العيب
عشرين عام وعدهّا بالتمامي = تهديف وانجازات وابداع وتسحيب !
عشرين عام تشيل حد الحسامي = والذيب مايهرول عبث لازم يصيب
متخيل ان البعد وشلون دامي = تيبس حناجرنا اذا شمسك تغيب
اقولها بالصوت والصوت حامي = مشكور ياللي ماتشيل العذاريب
قل للرياضه مع شديد احترامي = لابوها كورة من بعد روحة الذيب

وسلامتكم ,,
.
.
.
صالح المرزوق

[صالح المرزوق]

بسم الله ..
وهذي قصيدة أرشيفية .. للزعيم ,,

(( عشق الملايين ))

هلالنا يا ناس عشق الملايين = محد(ن) يرده لا بغى له بطوله
ما يختلف في فنه الصعب اثنين = يبدع ويمتع والجماهير حوله
جن الملاعب لاالعبوا ردوا الدين = صالوا وجالوا بين صوله وجوله
همّ الخصم لاقابله صار همين = والمستطيل يثور عرضه وطوله
من قابله مسكين مسكين مسكين = كَثــْـرت معاناته وضاعت حلوله
( إن كان ودك ترحمه اذبحه زين ) = حكمة هلالية وكلن يقوله
ترى هلال المجد يا ناس ما بين = ما بين فرحات وبطولات دولة
الفرق واضح يالربع بين شيئين= خطوة جريئة والا خطوة خجولة !
الفن ( سامي ) والسمو للسلاطين = وما كل من يبحث عن الشي ينوله
يا عشقنا الأزرق ، وسيد الميادين = أبهرتنا بالفن ، عزم ورجولة
الله رزقنا نعمة العقل والدين = والله عطانا اهلال يهوى البطولة
تلومني لو قلت ( عشق الملايين ) ؟ = تلومني لو قلت ( محدن يطوله ) ؟
وسلامتكم ,,
.
.
.
صالح المرزوق

[نياف العتيبي]

الله يوفق شاعرات الزعيم لهن كل الحب والاحترام


لاجاك ضايع وعاب الناس = ودك تصكه على خده
بوشامه انته صديع الراس=ماهو من اليوم لك مده
باقي لك الروج يالخناس =وبلوزة ٍ حيل مسوده
ولثام بين العذارى لباس = مالك بروس العرب هده

[ظهير أيمن]

إستاذتي وجدان لو القلب يحكي همس في أذان الوقت وقاله بكل فخر اموت وابقى هلالي
هذه القصيده وليدة اللحظه
اهم شئ عنووود الصيد تقراهااا ....خخخخخخخخخخخخخخخخخخخخخخخ خخخ
لكم هذه العذراء..

لو المحبه تاضح بوجه الانسان=كان الزراق بوسط وجهي يباني
اغليه واحبه وبالحيل شفقــان=اسمه تشوفه منطبع بالمحاني
ازرق على ابيض في الملاعب ليا بان=شفت الفرح يملا علي المكاني
من عانده يخسر على كل الازمان=شف النصر ماعاد له اي شاني
هذي قصيده جبتها توي الان=لجل الزعيم اجيب جزل المعاني
..

[قيـس]

الليث الأبيض من قديم الزماني=له صولت ن بالعز ماهيب جوله

يعني نسيتو يوم سدنا المكاني=وسامي ولد جابر يحذف نعوله

حده ولد صديق خطل اليماني=لينن عاف اللعب عرضه وطوله



بئس ماأجتمعتو عليه ..والله أني احبكم بس أكره ناديكم:مزون:

[❤فدآك❤كلي❤]

تتجدد الزعامه دائما بالمستطيل الاخضر
وتتجد زعامة الزعماء بكلماتهم الصادقه للعشق الذي لاينتهي


قلنا لكم مامن جديد وزعلتوا ......... شوفو الحقيقه كيف تصبح حقيقه


ياهيييه يامن عن فريقي سألتو ....... هذا هلال المجد .. منهو يعيقه


ماهمني مهما غلطتوا وقلتوا ......... ياحظ من كان الازرق فريقه




ارق التحايا واعذبها


فداهـ كـلـي

[نياف العتيبي]

هذي ابيات كتبتها للزعيم والزعماء والزعيماااات


اليوم يومك يازعيم البطولاااات
اليوم يومك يامسبب عناهم

تشفق على شوفتك كل المنصااات
كفتك ترجح بالبطووووله علااااااهم

حارس عرينك صقر ماهوب هيهاااات
منه الخصوووم إتضيع حتى خطااااااهم

مادام ياسر فيك تفرق علاااااامااااااااات
تشك ِ الحراسه منه لامن نواااااهم

ياياسر اسعدنا بقولين حلواااات
تقطع أمانيهم وتذهب رجااااااهم

متــّع جماهيرك بفن وحركااااااات
وسدد على المرمى وسبب شقااااااهم

اما بضربة هدّ أو سحب باكاااااااات
والآ بتدبيله تجي من سمااااااهم

يبط النصر وياااك ماشاف فرحاااات
إكسووووهـ ثوب الذل هذا جزاهم

حتى يشوف الفرق هو والمسافات
مابين راس القووووم واللي وراااهم


الناايف

[خــــالـــــد]

الزعيم يثير قريحة الشعراء .. !!

بينما شعراء النصر ( في سبات )..

[وجــــدان]

الزعماء والزعيمات

منورين الموضوع والله وصحت أرواحكم وألسنتكم

وبرجع لمشاركاتكم بس ودي أحط كم بيت

تهنئه للزعيم وجماهيره


قالوا ولي العهد واحنا على العهد=من كف ابو خالد بناخذ ثمرها
والنصر ليله هم ووسادته سهد=وعزي لجماهيرن تطاول سهرها
واللي يحب الشهد بيطير للشهد=وماللبطولة غير طلّة قمرها

تحيتي للكل

[乂 ســلـمـان 乂]

صحت السنتكم وارواحكم يازعماء

وعساكم ع القوهـ
وباذن الله ننتظر القصائد بعد الذهب

لاهنتوا جميعا

[روح الوفا]

والله لو اني شاعر لكتبت ملحمه في الهلال لكن على ما قالو
إذا لعب الهلال فاخبروني فان الفن منبعه الهلال

[نياف العتيبي]

يازعيم البطوله يازعيم البطوله
مالها فالنوادي غيرك انته زعيم

ازرق ابيض هلالي مالقى من يطوله

تستريح النوادي دام جاها الزعيم

ازرق ابيض هلالي صفقوا باركوله

ياجماهير الازرق صفقوا للزعيم


النااااااااااااااايف

[عبدالرحمن الدوسري]

ألف مبروك البطولة يالهلال 000 عادتك وأنشهد إند قدهاااااااااااااااااااااا ااااا
لك الود

[乂 ســلـمـان 乂]

مبرووووك للزعماء
مبروووك للشعراء
مبروووك لأهل الذوق والفن الابداع

الناايف صح لسانك وعلا شانك

بانتظار بقية شعراء وشاعرات الزعيم

كل الود

[❤فدآك❤كلي❤]

صباحكم ازرق بلون الزعيم

حبيت اشارك بقصيدة قرأتها للامير الشاعر / خالد بن سعود الكبير

القصيده عباره عن ابيات بسيطه جادت بها قرية الامير بعد اطلاق الحكم

لصافرة النهايه معلنة الزعيم بطلا لكأس سمو ولي العهد ...


هلالنا لو هو جريح

لعبه وفنه عال عال

يستاهل اليوم المديح

إعجاز وإنجاز وخيال

الكأس عنده يستريح

والا على غيره محال

الأندية دونه تطيح

والفوز عادة الهلال




صح لسانك يا اميرنا

فداهـ كـلـي