ريان بلال.....وصحافة الهلال

[وجود رغم عدم الوجود]

منذ فترة ليست بالبسيطه والنصر مُمحارب من اعلام لا هم له الا النيل والتشكيك والكذب والزيف
وهذا امر ليس بغريب ..
فالنصر وكما يعلم الكل ولا استثني من الكل احد ..هو الفارس الحقيقي للبطولات المحليه وهو منبع النجوم وهو اسطورة عشق جماهيري لا مقارنة له ولندع كل من يريد ان يحتج مع احتجاجه فالوسيلة الوحيده لهم هي الزعيق
وبما ان النصر هو الرقم الصعب في الرياضة السعوديه والخليجيه ولا استثني العربيه
هكذا نُسلّم بأن النصر هو رقم واحد على اقل تقدير خليجياً
ومن المعلوم لدى العقلاء ان مقياس النجاح في الغالب يقاس بكثرة الاعداء
ونعلم ان التحكيم سلاح وعانى منه النصر كثيراً
ونعلم ان الاتحاد السعودي سلطه وعانى النصر كثيراً من قراراته
وندرك ان الصحافة وسيلة وكانت وسيلة حرب سخرها القائمون في وجه النصر

وهاؤلاء الثلاثه هم اقوى واعتى الاعداء في الرياضه بل انه من الصعب ان يواجه اي نادي في العالم سلاح واحد من هذه الاسلحه فينجو
فما بالكم وهي جميعاً موجهة في وجه النصر العالمي
انهكت جسده وانهكت جسد منتخبنا بتأوهات نصرنا الفارس الاول والدعامة الاولى لهذا المنتخب حتى غدى حصولنا على المركز الثاني في كأس اسيا للمنتخبات انجازاً بعدما وضعنا ماجد على هرم البطوله ولن اتجه لهذا الاتجاه فالطريق متفرع والحديث يطول

اعود لأتحدث عن الصحف المعادية للعالمي ومن المعروف ان عدو النصر واحد وهو المسيّر الحقيقي لقرارات الاتحاد السعودي والحكام برئاسة ابناء هذا النادي والصحف برئاسة افراد باعوا ذممهم مقابل المال ولعل الحمادي مثال حي لهذه الاقلام (المتطرفه)

وكلنا نعلم من هو هذا العدو الاوحد المتغطرس
كلنا نعلم انه ذاك النادي العاصمي الذي ذاق من ويلات اقدام نجوم النصر القدامى الذل والمهانه حتى غدى كابوساً يغزوا ادق تفاصيل احلامهم الزائفه

انه الهلال وكلنا موقنون بهذا الواقع وهل يظهر في الظلام الا الهلال!!!!

كلنا تابعنا قضية اللاعب ريان بلال وما اثاره الاعلام الهلالي من مشاكل كادت ان تؤدي للتفرقة بين افراد البيت الاحدي باكاذيب واهية واخبار مكذوبة
استمرت الحرب في هذا الجانب بتصاريح تسوقها اقلامهم المدفوعة الثمن
وعشنا اضحوكة قصتهم الواهية التي نفتها وبكل حياديه جريدة المصداقيه جريدة (الرياضي) التي كانت تراقب القضية مع ارفاق صور وخطابات رسميه
وانتهت القضية وفاز الصادقون بثقتنا وزاد يقيننا في اكاذيب الكاذبين يقينا

والان بدأت اخبارهم تتلاطم هنا وهنا تارة ارثر جورج واخرى صالح الداؤود واخريات واخريات
لاهدف لهم الا التشكيك في نهوض الفارس الاول
وتشكيكهم هنا اطفاء لنار خوفهم التي اكلت يابس مشاعرهم واخضرها
ولكن هيهات هيهات فالعالمي آت آت




..................



نبارك للانجازات وجود اسم ماجد احمد عبدالله ضمن اكبرها
ونبارك لماجد حب جمهور الشمس والجمهور العربي والاسيوي كافه
ونبارك له كره ذاك الجمهور ..جمهور الزيف والكذب والخداع

فكره الحاقد ...حسد
والحسد لا يكون الا للعظماء او ان صح التعبير للأفضل




................



قربت اشراقة شمس نصرنا العالمي
وقريباً ومع اشراقتها ستغيب كائنات الظلام
حتى وان قاومت اشعت الشمس وبقيت فوجودها كان في الليل بلا معنى فكيك سيكون والشمس فاضحة لهم ومرهقة لمحاجرهم

(انصحهم بالاختفاء)






ودمتم بخير وعافيه

[خــــالـــــد]

وجود رغم عدم الوجود
ـــــــــــــــــــــــــ ــــــ
حيّ الله النصراوي ..

كل مرّة أحاول أهضم لك أي موضوع .. ولكن للأسف !! أنت تكرهني في النصر

مع إني أتعاطف معهم كثير ..

لكن خلني اطقطق عليك ماوراي شي وأنا أخوك ..

منذ فترة ليست بالبسيطه والنصر مُمحارب من اعلام لا هم له الا النيل والتشكيك والكذب والزيف
الإعلام
الاتحاد السعودي
الحكام

يازمان العجايب وش بقى ما ( حاربكم ) !! ههههههههههههه
ياخي حدّث العاقل بم يعقل يا عاقل ..
وش الإعلام اللي ضدكم ؟؟؟؟؟
مو معناة إذا كتب شيء عن النصر .. تقول ضدنا !!
ياخي الهلال فيه مقالات وأخبار ( مع ) الهلال لكن في نفس الوقت تأثره عليه سلباً ويمكن فشل التعاقدات من الأخبار ومن الصحفيين اللي يطلعون الإشاعات على النادي كل يوم .. وكأن مافيه نادي إلا الهلال ...
أما قضية ريان .. فما أعتقد أنه لاعب يستاهل توجيه الإعلام له عشان تفشل الصفقة أو تنجح لاعب عادي جداً جداً جداً ...
سويت من الحبة قبّة عشان بعض الحقائق طلعت ؟؟
بعدين قضية آرثر .. إذا تبي تعرف هل الخبر اللي طلع صحيح ولا لا .... شف هل إدارة النصر دفعت مستحقاته ولا لا ؟؟؟
أما قضية الداوود .. تابع القضية !!

بعدين ألحين لو فرضنا مثلاً ...
إن الإعلام محاب النصر .. الهلال كـ فريق وش دخله ؟؟
وش دخلنا كـ جماهير تتكلم على نادينا ؟؟
ياخي شوي من العقل لو سمحت



المهم خلنا نرجع لـ سطورك الذهبية <<< مثل لون النصر


هو الفارس الحقيقي للبطولات المحليه وهو منبع النجوم وهو اسطورة عشق جماهيري
النصر هو الفارس ولا الدمعة ؟؟
ههههههههههههههههههههههههه ه

فارس ويييييييييين ياعمي
فارس على أندية الدرجة الأولى مثلاً ؟؟
بالله فسّر لي كلمة فارس البطولة .. هل هو أكثر الأندية حصولاً على البطولات ؟ لا
حتى مع حسبتكم الأخير اللي فيها بطولة تركي بن ناصر .. وبطولة شارع الوشم .. وبطولة التأهل لدرجة الأولى ههههههههه صارت كلها على بعض 33 بطولة
فرق بين فارسك اللي تقول والزعيم ( 15 بطولة ) فارس مييييييييييييييييييييين ؟؟
أقول اسحب كلامك .. يافارس غرابيل هههههههههههههههه



وبما ان النصر هو الرقم الصعب في الرياضة السعوديه والخليجيه ولا استثني العربيه
لو عندك واسطة في الاتصالات أعطوك رقم سهل ... خخخخ :نأ:
الرقم الصعب بعدد البطولات ؟؟
الرقم الصعب لـ تفريخ النجوم ؟؟
الرقم الصعب في ايش بالضبط
ماني عارف بصراحة .. رقم صعب على ايش ... !! يمكن الرقم الصعب في إن النصر دخل موسوعة قينيس للأرقام القياسية هو النادي اللي صار له 4 كباتن في مباراة وحدة .. صح كلامي ؟؟ ولا الرقم الصعب في غيابه عن المنصات لـ 10 سنوات ؟
ولا الرقم الصعب في التعاقد مع ريان بلال ...
أقنعني ياااخي



هكذا نُسلّم بأن النصر هو رقم واحد على اقل تقدير خليجياً
نسلّم : عليكم السلام ههههههههه
عرفنا ياخي إن النصر أحسن فريق في العالم
بس ليش ؟؟؟ هنا السؤال ياخي :مزون:



ومن المعلوم لدى العقلاء ان مقياس النجاح في الغالب يقاس بكثرة الاعداء
إن كان على كثرة الأعداء .. فالهلال هو من له أكثر اعداء
كل الأندية ضده .. الجمهور يا يكون هلالي ولا ضد الهلال ... مافيه أحد يتعاطف معنا ياخي لو سنة بس تكفى الله يرحم والديكم .. ارأفوا بنا !!



ونعلم ان التحكيم سلاح وعانى منه النصر كثيراً
والله إني عارف إنك بتكتب عن التحكيم هههههههههههههههه
لكن ما يخالف .. التحكيم سلاح هل مصرّح ولا لا ؟؟
شبعنا من الشماعة هذي .. اللي في كل مباراة تتكلمون عن التحكيم وما أدراك مالتحكيم ..
ياخي النصر الموسم الماضي ما انقذه إلا التحكيم ... ولا كان المفروض تتابعون مبارياتكم في العصر مع أندية الدرجة الأولى ... نسينا ما كلينا ؟؟!
على العموم ... التحكيم مهوب مجال حديثنا هنا .. لو بغيت نفتح صفحة جديدة لا مانع .. !! يالله




ونعلم ان الاتحاد السعودي سلطه وعانى النصر كثيراً من قراراته
الله يالدنيا ..
خير يعملون شر يلقون .. :نأ:
من جد إنكم مافيكم فايدة .. يساعدكم الاتحاد السعودي .. ويفزع لكم !! ويرشحكم ..
ألحين الموسم الماضي أعطاكم استثناءات أول مرة نسمع فيها وجاي تتكلم في الاتحاد السعودي؟ ياخي حنا اللي مفروض نتكلم فيه مهوب أنتم .. سوالفنا معهم كثيرة !!
شكلك تبي تطبق القاعدة اللي تقول ( واجه الصياح بالصياح تسلم )
يا وجودك رغم عدم الوجود ...
تعرف مشكلتكم وين يالنصراويين ؟
مشكلتكم مع أنفسكم والله
إن مالقيتوا أحد .. اتجهتوا لـ رؤوساء ناديكم .. وجبتوا طاري الهلال !! أو اعضاء الشرف ما تخلون أحد في حالكم ..
ههههههههههههههههههه

ليش ما تقول إن هذي الصور أكبر فضيحة على ناديكم !! وعلى جمهوركم
http://www.l22l.com/l22l-up-1/963791f9dc.jpg
أفا بس أفا !!
وش تعليق على الصورة هذي يا وجود

(( الحمد لله إني هلالي ))




وندرك ان الصحافة وسيلة وكانت وسيلة حرب سخرها القائمون في وجه النصر
لكم في الرياضي خير دليل ...
تبي اللي تكذب وتفتري على الهلال ؟!
يعني اللي ضد الهلال هو الصح ووصاحب المصداقية .. صح ؟!
ياااخي وش أسوي لكم ياخي ؟؟
ههههههههههههههههههههههههه هه
<< مقهور



وهاؤلاء الثلاثه هم اقوى واعتى الاعداء في الرياضه بل انه من الصعب ان يواجه اي نادي في العالم سلاح واحد من هذه الاسلحه فينجو
كل الثلاثة معكم في الموسم الماضي .. !!
من وين الحرب ؟؟
من وين مصدرها يالزين ؟؟
أقول ياليت تكتب لي وأنت مقتنع بكلامك .. مو بس سرد كلام تعودنا سماعه بدون فايدة
ترى أقدر أحوّر كلامك هذا وأخليه للهلال .. وبالإثباتات أما أنت اسمح لي ماعندك إثباتات
والتعبير بالكلام سهل جداً
ياليت تكلمت عن القضية اللي تبغى تقولها .. وسلامتك !!


حتى غدى حصولنا على المركز الثاني في كأس اسيا للمنتخبات انجازاً بعدما وضعنا ماجد على هرم البطوله ولن اتجه لهذا الاتجاه فالطريق متفرع والحديث يطول
شفت إن موضوعك كله " خرطي "
هل الإنجازات تنسب إلى لاعب معين .. ولا لـ الكابتن !؟ ولا لأن ماجد مهاجم ؟؟!هههههههههههههههههههههه� �هههههههههههههه أفا يا وجود .. أجل هذا تفكيرك ونظرتك ؟!
ياخي إذا تنسبها لمهاجم ..
بقولك سامي ساهم في 4 مرات تأهل للمونديال .. أما ماجدك لم يتأهل إلا مرة ولم يشارك إلا في دقائق معدودة ... !!
بقولك إن سامي كان مهاجم المنتخب في بطولة آسيا 96

تبي تنسبها لـ كابتن ؟؟؟
84 كان الكابتن صالح النعيمة
88 كان الكابتن صالح النعيمة برضه
96 كان الكابتن يوسف الثنيان

في عهد ماجد .. كان منتخبنا يعج بلاعبي الوسط !! اللي كانوا يموّلون ماجد في كل هجمة
وكان يوسف أبرزهم .. ومع ذلك ماجد كان يضيع كثييييييييييير ما يضيعها أفشل لاعب الآن... لكن ما ننكر نجومية ماجد ..!! أما تنسب إنجازات منتخبنا له .. لااااااااااااا

إن كان تبي حسبتها كذا .. تراها ضدك يعني اسحبها أحسن لك !! خخخخ



اعود لأتحدث عن الصحف المعادية للعالمي ومن المعروف ان عدو النصر واحد وهو المسيّر الحقيقي لقرارات الاتحاد السعودي والحكام برئاسة ابناء هذا النادي والصحف برئاسة افراد باعوا ذممهم مقابل المال ولعل الحمادي مثال حي لهذه الاقلام (المتطرفه)
وماذا تسمّي نشرة الرياضي ؟؟ والكتاب أمثال أبو هداية وطقّته ..
وماذا تسمّي جستنيه ؟!! << تعرف سالفة البلوي يوم طقه في الملعب ولا ماتعرفها ؟!
وماذا تسمّي أحمد الشعلان ؟! << ماودي نعيد فضيحته ههههههههههه
مشكلتكم تمشون على قادعة إن لم تكن معي فأنت ضدي ..
على الأقل الكتاب الهلاليين .. يكتب مرة عن الهلال ومرة عن الدوري .. يعني منوّع !!
المشكلة الكتاب اللي ذكرتهم فوق .. لازم يكون الهلال طرف في كتاباتهم ليه ؟؟؟؟
من المحارب ياوجود ؟؟؟
ياخي التناقض مهوب زين .. والاقتناع بالشيء تراه زين ... واللي يكتب شي وهو مهوب مقتنع فيه تراها مشكلة !!
راجع نفسك يالزين وبتعرف إني اكتب من منطق وواقع ..
يالبى قلبه الحمّادي .. بنظري أنه أفضل صحافي وكاتب عندنا .. لأنه يتكلم بصدق وبواقع !! أما البقيّة هش نش


كلنا نعلم انه ذاك النادي العاصمي الذي ذاق من ويلات اقدام نجوم النصر القدامى الذل والمهانه حتى غدى كابوساً يغزوا ادق تفاصيل احلامهم الزائفه
أوب أوب أوب أوب ذل ومهانة ؟؟
أجل الكورة صار فيها ذل ومهانة عشان فريقك فاز ولا سجل كوبري ؟؟
ياخي عمر الغامدي يوم توّه في بداياته سجّل عليكم هدف كوبري ..
إن كنت بتتكلم عن عدد الفوز .. النصر متقدم على الهلال بـ فارق مباراة بس !!!!
وفي السنوات الأخيرة النصر مافاز على الهلال ..
إن كنت بتسوي هذي مذلة ومهانة .. والله انها مصيبة من جد !!

أها مادريت إنك تبكي على الأطلال .. أجل القدامى هاه هههههههههههههههههه
ياحبني لك .

ماقلتي لي يالمملوح ... على ايش قاهرينا ؟
بطولاتكم أكثر .. إنجازاتكم أكثر ولا ايش بالضبط ؟



انه الهلال وكلنا موقنون بهذا الواقع وهل يظهر في الظلام الا الهلال!!!!
أجل الهلال هو النادي العاصمي ؟؟؟
راح بالي على انه الشباب ولا الرياض ههههههههههههههههه
يمكن تشوف إنجازاتك عليهم .. اما على الزعيم قوووية شوووي ولا عاد تعودها
على فكرة ترى الهلال .. يعكس نور الشمس !! هههههههههههههههههههههه
يعني إن كانكم شيون طلعنا مثلكم شيون ..
النصر مهوب الشمس ؟؟؟ هاهاهاهاهاهاهاها



كلنا تابعنا قضية اللاعب ريان بلال وما اثاره الاعلام الهلالي من مشاكل كادت ان تؤدي للتفرقة بين افراد البيت الاحدي باكاذيب واهية واخبار مكذوبة
أجل تبون تلعبون على أحد ؟؟
تبون تاخذون اللاعب ببلاش ؟؟
ههههههههههههههههههههههههه هههههههههههههههههههههه
الله يهديك بس
عطوا الرجال فلوسه وخذوا اللي تبون لو بغيتوا النادي كله وفوقه حبّة رااااس
إن كان رئيس نادي بيتأثر من كلام صحف والله أنه غبي ولا يستاهل يصير رئيس نادي ... صح ولا لا ؟؟؟؟
لا يكون رؤسائكم كذا .. علّمنا عشان نكون واضحين معك في النقاش <<< هو فيه نقاش أصلاً ؟؟



استمرت الحرب في هذا الجانب بتصاريح تسوقها اقلامهم المدفوعة الثمن
ذكرتني بالصحّاف وتصاريحه الحلوة هههههههههه



وعشنا اضحوكة قصتهم الواهية التي نفتها وبكل حياديه جريدة المصداقيه جريدة (الرياضي) التي كانت تراقب القضية مع ارفاق صور وخطابات رسميه
ياليت تزودنا فيها يالغالي ...
عشان ندقق وراها , ممكن ؟؟!
أحد الصحف التي تدّعي أنها هلالية ... فضحت رئيس نادي بالخطابات المصوّرة .. ومازلت تشكك في مصداقيتها .. تناقض حلو يا وجود



ولكن هيهات هيهات فالعالمي آت آت
لا ياشيخ
من متى وأنت تقول هـ الكلمة ؟!
ههههههههههههههههههههههههه ههههههههه
من يوم عرفناك وأنت مزعجنا انطلاقة .. والعائد .. ومدري ايش !! والتالية المنافسة على البقاء في الدرجة الممتازة .. مع الهلال والاتحاد والأهلي ... ياحظكم !!




قربت اشراقة شمس نصرنا العالمي
الحمدلله على سلامتها
نشوف إن شاء الله وش بتسوي شمسكم !!
أخاف تغيب كعادتها


لنا لقاء قريب واسمح لي على الإطالة
ما احب هذا الاسلوب .. لكن أسلوبك ما ينفع لي !!

ننتظرك في حلقة جديدة
ـــــــــــــــــــــــــ ــــــ
أخوكـ/خالد

[دلوعة بريدة]

تابعت الموضوع وعجبني ..


لكن لاتعليق على المحتوي :)

[•.'Deem'.•]

مرحبا اخ وجود...........

لا تعليق على موضوعك ...........

لكن تعليق على كلام خاااااااالد ...........

أجل الهلال هو النادي العاصمي ؟؟؟
راح بالي على انه الشباب ولا الرياض ههههههههههههههههه
يمكن تشوف إنجازاتك عليهم .. اما على الزعيم قوووية شوووي ولا عاد تعودها

افا يخالد وثرنا طايحين من عينك مرة وحدة حنا تقارنا بالرياض .......
افا بس افا هذا ونت قلت انا هالموسم شبابي تقول كذا ..... حرام عليك والله انقهرت ......

وبيعجبكم الشباب انشاء الله وبتشوفون ..........

تحياتي.......

[TαlαL]

تسجيل حظور الموضوع جااااااااااااااااااامد :مزون:

[المملوح]

يسعد مســـاك


قبل أمس سمعت إن المويه انقطعت في ناادي النصر وقدمو شكوى على الهلال وقالو انه
هو اللي قاطعها وان المندسين منهم هم قطعو المويه على نادي الحالمي وفيه بعد خبر ان شراب محمد شريفي انسرق ومتهمين الدعيع انه سارقه...........!!
*ياناس تفضو لنصركم وشجعوه وساعدوه وبعدين دخلو الهلال في كل شي.

*بالنسبه لارثر جورج وصالح الداوود اعتقد ان فيه لجنة احتراف رافضه تسجيل اي لاعب لاي نادي مالم يلتزم بجميع المستحقات السابقه عليه(للتوضيح).

*وبعدين ياخي حراام عليكم وين مستحقات الخوجلي و ابراهيم ماطر ومضحي الدوسري وصالح الداوود وكفايه انكم هبلتو بموسى صايب الين ترك اللعب وغيره كثير......

*بالنسبه لموضوع ماجد ماألومكم لانه مابعد طلع بعده لاعب ينسيكم ماجد ياخي بدل ماتمجدون في الاسطوره ماجد تبرعو لحفل اعتزاله هذا اكبر دليل انكم مماطلين بحقوق رموزكم.

*بالنسبه لريان بلال حرااام عليكم والله رئيس احد ارتفع الضغط عنده قبل كم يوم والخبر بجميع الصحف بسبب مماطلة نادي النصر بسداد مستحقات النادي هذا واللاعب في البدايه ماطلتو بحقوقه لااااا ومن زين الطبايع باقي نص مليون بتسددونها اقساط عيب والله عيب تقولون ان الهلال يحفر وراكم انتم اللي تجيبون الكلام لانفسكم..

*نصيحه: إتركو عنكم الهلال وغير الهلال وألتفتو لناديكم صدقني بعدها يمكن تنافسون على المركز الثاني.

*بصراحه عجبتني كلمتك (الرقم الصعب) 10 سنوات بدون بطوله ولامنافسه وتصارعون على الهبوط وتقول لي رقم صعب حرااااااام عليك ياخي انتم تظلمون الكيان النصراوي بكلامكم خلكم واقعيين مرره وحده وصدقني ياجمهور شعاع الشمس تحصلون الخلل..


يعطيك العافيه وسعت صدري شوي على موضوعك

[أهلاوي أصيل]

الله يصلح الشأن

تحياتي للجميع

[سلطانـ,]

شف شغلت ان الاعلام محارب العالمي هذي حقيقة

طيب وين الاعلام عن قضية باسكال الي وصلت للفيفا وللمحكمة الدوليه

اما كلام الامير سعود بن ممدوح ياخالد يقصد فيه المندسين الهلاليين الي معشعشين في منتديات النصر وردو على الامير سعود من خلال موضوعه

ماكان كلام الامير موجه لجماهير النصر كان موجهه للمندسين

اما اذا انت تعتبر ان الاعب ريان بلال عادي جدآ جدآ جدآ فسرلي ليه الصحافه الهلالييه استمرت في محاولة التخريب على النصر لكي تحول مسار الاعب للهلال

اما قضية ارثر جورج قضيه عاديه جدآ جدآ جدآ واستلم حقوقه على داير مليم

والاعبين المحترفين الي سجلهم النصر استلمو حقوقهم على داير مليم وتم تسجسلهم في كشوفات النصر

بس ارجع واسألك وين الصحافه عن قضية باسكال الي وصلت الفيفا والمحكمه الدوليه

اذا كان الصحافه يهمها سمعة الكوره السعوديه

باقي الموضوع ماودي اتطرق له لاني عارف سمعت النصر وين وصلت وعارف انه زعيم زعماء اسيا

بس عندي معلومه بسيط لك ان النصر هو النادي الاوحد في تفريخ النجوم الحقيقيه مو نجوم الورق

وكلامك ان النصر غاب عشر سنوات احب اقولك ان غياب النصر عشر سنوات عن البطولات المحليه و 4 سنوات عن البطولات الخارجيه والى انت عندك فرق بين بطولت الصداقه في ابها الي مسجله للهلال وبطوله الصداقه الدوليه في دمشق الي مسجله باسم النصر والي حققها قبل اربع سنوات من امام ابطال الدوريات العربيه
وكان مشارك فيها الرجاء المغربي والوحدات الاردني وبطل سوريا وبطل لبنان وكان فيه فريق برازيلي وكمروني من ضمن الفرق وحققها النصر قبل اربع سنوات

اما الهلال غاب 13 سنه بدون محليه وخارجيه ولاحتى دخول للمربع

اذا بغيت تتكلم عن شي ناظر تاريخك اول

تحيتي للجميع

[سلطانـ,]

اضافه

من مصلحة نادي الهلال واللاعب طارق التايب دفع مبلغ المليون الذي اقره الفيفا لصالح النادي
التركي حتى لايقعا في دائرة حرمان مشاركة اللاعب المذكور مع الفريق محليآ وخارجيآ
فتعليمات الفيفا واضحة وصريحة ولا تحتاج للمماطلة والتسويف .

^
^
^

اين الصحافه عن هذا الكلام

التي جندت نفسها للنيل من النصر العالمي

[خــــالـــــد]

افا يخالد وثرنا طايحين من عينك مرة وحدة حنا تقارنا بالرياض .......
افا بس افا هذا ونت قلت انا هالموسم شبابي تقول كذا ..... حرام عليك والله انقهرت ......
تحياتي.......


ليش تفهمين خطأ ؟!
أندية الرياض كم ؟ الهلال والشباب والرياض والنصر << خليت النصر الأخير :مزون:
خليت النصر لأنه يتكلم عن فريقه .. والشباب والرياض !! أدرجتهم في السالفة لأني خليت الهلال آخر فهمي :مزون: مهو تقليل من الشباب لااا بالعكس أنا قلت اني شبابي هذا الموسم
( بعد الهلال طبعاً ) :واو:











شف شغلت ان الاعلام محارب العالمي هذي حقيقة

طيب وين الاعلام عن قضية باسكال الي وصلت للفيفا وللمحكمة الدوليه

اما كلام الامير سعود بن ممدوح ياخالد يقصد فيه المندسين الهلاليين الي معشعشين في منتديات النصر وردو على الامير سعود من خلال موضوعه

ماكان كلام الامير موجه لجماهير النصر كان موجهه للمندسين



ياخي المنتديات الهلالية مليانة من المندسين !!
سمعت يوم أحد أعضاء شرف الهلال يتكلم بكلام عضو شرفكم ؟؟!!
سمعت إن أعضاء المنتديات ( الإداريين ) والمحسوبين على المنتديات .. يتلفظون بهذه الألفاظ
أتحداااااااك


أما قضيّة باسكال ..
وش القضية يالحبيب ؟
اللي أنا أعرفه إن الهلال كان بيتعاقد معه .. والهلال ماوقع معه شيء !!
إذا عندي غير هالكلام ياليت تفيدني به ولا عليك أمر ..

-- اهتمام الصحافة من قضيّة ريان !!
فقط لأنه لاعب .. كأي لاعب في الدوري .. والصحافة الهلالية والاتحادية بشكل عام تكلمت عن هذا الموضوع وستتكلم عن مواضيع ثانية ... ما أشوف فيه اهتمام زايد


-- أما قضية التايب شبعنا من قضيتها ..
وكل يوم أقرأ جريدة ألاقي القضية موجودة إلا إذا أنت تقرأ جرايد ما أقراها أنا هذا شيء ثاني

أما التايب واثق من نفسه وإن الحق معه
وبتشوف في النهاية


:wink: باي

[乂 ســلـمـان 乂]

مـــوضـــوع تشبعنا منه كثيرا

سب في الهلال والاعلام كله هلالي وكل الناس تكرهنا

وينتهي بمدح ماجد عبدالله

ويستمر الحال حتى يعود الفارس من طعوس الثمامه اللي ضايع فيها


تحياتي للعقلاء

[سلطانـ,]

طيب ياعاقل

اخوي خالد سالفت باسكال وصلت للمحكمه الدوليه هي ومعها سالفت التايب وصلت للفيفا

لكن الصحافه ركزت على ارثر جورورج وعقود الاعبين الجدد المنضمين للنصر الي من ضمنهم ريان بلال

والحين بعد ما انها النصر كل شي ودفع المستحقات لارثر ودفع مستحقات العقود وتسجلو العيبه في كشوفات النصر

ماعاد جابت طاري الجزيزره والرياضيه بخصوص موضوع التايب الحين النادي التركي يطالب الهلال بدفع مبلغ مليون دولار ليه الصحافه ماتكتب كل يوم عن هذا الموضوع مثل ماكانت تكتب عن موضوع جورج وموضوع الاعبين الجدد الي انضمو للنصر

اما مسئلة كلام الامير كان كلامه موجهه لفئه معروف توجها من خلال المنتديات النصراويه وكان لازم يرد عليهم بنفس الاسلوب الي رد فيه الامير وصدقين العقلاء بيفهم قصد الامير في الكلام الي قاله الرساله ماعممت لجميع الجماهير النصراويه والامير قدم اعتذار في المنتدى وهذا ان دل انما يدل على حسن نيته من الاول يمكن خانه التعبير ما ادري بس الاهم انه اعتذر في نفس المنتدى

تحياتي للعقلاء :11retcher