أمسية شعريه في( باريس نجد )تستحق التغطيه والمتابعة.

[مي العقيلي]

السلام عليكم ورحمة الله وبركاته

اسعد الله اوقاتكم بالخير والمسرة..


في ليلة ماتعه وفي محافظة اشتهرت منذ القديم بالعلم والأدب وتميزت بالشعر محافظه حباها الله بكثير من معالم الجمال ,, أقيمت أمسية لشعراء شباب من منطقه القصيم بالتحديد (عنيزه)
وكما تعودنا من غرابيل وأهل غرابيل احتضانهم للشعر واهله ودوما يكون لهم السبق بتغطيات أمسيات رائعه ودعمهم اللا محدود للشعر باسمي اشكر جميع الاخوان هنا وعلى رأسهم الاستاذ / سعد العتيبي رعاه الله


هنا شذرات وقطوف من تلك الأمسية

أحببت ان تشاركوني الاستمتاع بمطر شعري عذب وجزل
بالفعل تمنيت أن أكون حـاضره للأمسية
أكتب عنها في غرابيل حتى لانتهم بالانحياز لديرة عن أخرى وحتى لايعتب علينا شعراء منطقه القصيم الحبيبة,,

أقيمت الأمسية مركز صالح بن صالح الاجتماعي وذلك
يوم الثلاثاء الماضي 7/11/1427هـ على شرف محافظ محافظة عنيزة المكلف: المهندس/مساعد بن يحي السليم
أمسية شعرية لشعراء شباب من عنيزه وهم:
الشاعر / محمد بن ماطر العوني
الشاعر / ماجد بن سليمان العليّان
الشاعر / عبدالعزيز بن محمد الدرع

ويدير الأمسية الأستاذ الشاعر / إبراهيم بن عبدالعزيز الفوزان وهو شاعر فصيح ونبطي له العديد من القصائد المنشوره وديوان تحت الطبع.. حسب ماوصلني..

.......
قطوف من الأمسية..
......



لا يلام الشاعر عندما يتغنى بموطن عاش وتربى فيه وموطن بجماله يثير حفيظة الشّعار...

بدأ الأمسية
الشاعر/ محمد بن ماطر العوني المطيري وكان بحق فارس تلك الليلة:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الليل توه يزين وطاب من غمه=والشعر توه دخل باحساس واعجوبه
تقول جسمي عليل وطاب من سمه= من شفت منهي من العشاق محبوبه
ماكني الاصغير شاف حضن امه =ويوم حضنته دخلت بنص غيبوبه
تدرون شاللي حصل والناس منصمه= والليل عقب المعاصي واعلنت توبه
غنا الغضى لي وصفق وادي الرمه= وردد ورا هالنخل سامري ومسحوبه
سلام ياعنيزة هل المجد والقمة =وسلام ياعنيزة اهل العلم ورتوبه
سلام ياعنيزة التاريخ والأمة= وسلام ياعنيزة اهل الطيب وطيوبه
وسلام ياعنيزة اللي للكرم جمه= وسلام ياناره اللي دوم مشبوبه
وسلام ياديرة(ن) بالشعر مهتمه =وسلام يالشعر محفوظه ومكتوبه
وسلام ياعنيزة اول شي بالرمه= فيك الاوائل حقيقه ماهي كذوبه
سلام ياربعنا وسلام يعمه =للحاضره والبوادي وكل من جوبه
هذي عنيزه ولاتنباع بالخمه= وان غطرفن الصبايا الموت نشدوبه
باريس نجد وبرلينه وروممه = إلا بعد شامه وبيروت مندوبه
سلام يامساعد بن سليم من ثمه =يقولها شاعر والناس ضجوبه
وان كان ياعنيزه الشعار ملتمه =عزالله اني انا شاعرك هالنوبه
وان طاب ليل القصيد ولابرد دمه =والله لاخليه بين يديك لعبوبه[/poem]


الشاعر/عبد العزيز الدرع تغنى بعنيزه قائلاً:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعروسه نجد ياارض الجدود= ياقصيدة خافق(ن) فيك ارتمى
المحبة ماتبي حلف وعهود=ساكنه في قلب شاعرك بعمى
مارضى في غير حبك ياعنود=حبك بقلبي وراثه وانتمى
كيف بوصف عشق ممسوح الحدود= نابت(ن) في داخل أعماقي نمى
ماقويت البعد ياعطر الورود=ياعنيزة ارضك بعيني سما[/poem]

وهذا مطلع قصيدة غزليه له ... نشرت في مدرات شعبية في صحيفة الجزيرة.....
زارتني عيونك على هجعة الليل وقضيت باقي الليل بعيونك


وبعدها أكمل
الشاعر/ماجد العليان التغني بالفاتنة عنيزه وكان مما قال:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

لاتزعلين ولابيوم(ن)تصدين وانتي بحياتك ماكسبتي معيبه
حيث مقدارك على الراس والعين=تستاهلين وماتبين ابشريبه
متمركزه بالقلب مع فارس الزين =ياما اخذنا منك مانستطيبه
ياما اخذنا والقضا واجب الدين= عشقن قوي مدت حبيب لحبيبه
نفرح الا جونا ضيوف(ن) ميامين= وانتي تكونين لضيوفك لببيبه
ياديرتي فوقك وتحتك ملايين=من ذكرهم عود الغضى فاح طيبه
هذي عنيزه مشبعه كل مسكين=ولا على الزوار دايم رحيبه
للخير سباقه في كل الميادين=يارب ترويها بهطل الربيبه[/poem]

وبعدها ألقى المبدع والجزل الشاعر محمد ماطر قصيده غزليه من أروع ماقيل في الغزل ..وهنا شيء من أبياتها....

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بين البحر والبيد والشمس والنود=والليل وهلاله وكتلة سواده
عج ومطر غيم وملافيح وبرود=وذنوب عبدن منقطع للعبادة
وبرقن سحابه ينتفض جيش وجنود=اسند مطرها للهلاك القياده
وسوت تحالف في مواثيق وعهود=والليل صاخب والسهر في بلادة
قل للذي عني نشد وانت منشود=القلب بيته والنواظر مهاده
ياصاحبي قله وانا لك كما الطود=وازهل مغبات الزمن واشتداده
ومادمت حي ومدام هالراس موجودلاتكترث في هالزمان وسراده
والكلمه اللي قلتها لك لها رود=خله يفسرها بحسب اعتقاده
الضامي اللي ماملت عينه عدود=غيرك ولو يسعى الضمى في بياده
واصلك لو دونك مسافات وحدود=لو دونك اصحاب السمو والسعاده[/poem]

شاعر اظنكم تراهنون على شاعريته وجزالته
وعلى ان لهذا الشاعر الشاب مستقبل شعري باهر
وباعتقادي انه مكسب للشعر الشعبي لو استمر على هذا النهج وهذه القوة والجزالة..
وهذا أيضا شيء مما قاله:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تموت قلوبنا لحظه وتحيى فالقلوب أحزان=ونرجع مثل ماكنا نعيش هموم ماضينا
عبث فينا الزمان اللي وفيناله وفجأه خان=نشيل هموم خلق الله ولاحدن شال مافينا[/poem]


ألقى بعدها الشاعر/ الدرع قصيده غزليه ... نشرت في مدرات شعبية في صحيفة الجزيرة..... مطلعها:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
زارتني عيونك على هجعة الليل=وقضيت باقي الليل بعيونك[/poem]



وأيضا الشاعر/ العليّان ألقى قصيدة غزليه منها :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كله سبب مودع القلب مكلوم=واسم على قلبي مدق السهام
ولا رضى الا يخليبي ضروم=نارن موقدها حشام كرام
هذي حالتي وانت السبب وانت ملزوم= تاصل حبيبن ذاق كاس الحمام[/poem]


وهذا أيضا مما قــاله العليّان:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا الطيبه بشوش وجه ومزحته للقريبين=رزين عقل وماتكلف حصوله
هذا الرجل لاقالوا الناس صنفين=هذا الرجل لاشال متنه حموله[/poem]

الجدير بالذكر ان الأستاذ / الفوزان
ذكر مقولة للأستاذ مؤلف كتاب اتجاهات الشعر المعاصر في نجد الأستاذ/حسن الهويمل عندما كتب عن الشعر في نجد ... أتعجب الكثرة الكاثرة في أعداد الشعراءفي عنيزه ... هنيئاً لعنيزة بشّعارها وهنيئا للشعر بمثل هؤلاء المبدعين
ومن هنا ومن غرابيل نقول لكل شعراء عنيزة بالتوفيق والى الأمام.
كما لايفوتني أن انوه الى أن الأمسيه ستعرض على قناة الساحه المتخصصه بالشعر...

ختاماً..

أرجوا ان يعذرني إخواني الشعراء والمهتمين بالشعر والمتذوقين له من عنيزة والقصيم عامة على التقصير ..
كما أتمنى من شعراء غرابيل الا يبخلوا بارائهم وقريبا ستسعد غرابيل باحتضان هؤلاء الشباب ,,, ونحن بانتظار الابداع ..

دمتم جميعا بخير,,

[خــــالـــــد]

[align=center]
مي العقيلي

الله يعطيك العافية أختي

تغطية رائعة جداً

سلمت يمينك على الطرح

والله يقويّك

[/align]

[مشعل الشايقي]

حياك حياك


ربي يسعدك على هذا النقل الوافي


وليتنا من ضمن الحضور


يسلم قلبك وغاليك


تحياتي

[المملوووحة]

الله الله

أمسيه وبعنيزه فدييييييييييييييييييييييي تها ديرتي ومسقط راس الوالد


يابعدهم ياوخيتي مي فيك الخيررررررررر جعل راسك يسلم


وماقصرررررررررررررررررررر رررررتي << استمتعت جدا بالقراءه وماتتخيلين شكثر فرحت بهالتغطيه ونااااااااااااااسه اول مره اشوف شي عن القصيم بشعر غرابيل
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الليل توه يزين وطاب مـن غمـه=والشعر توه دخل باحساس واعجوبه
تقول جسمي عليل وطاب من سمه=من شفت منهي من العشاق محبوبه
ماكني الاصغير شاف حضن امـه=ويوم حضنته دخلت بنص غيبوبـه
تدرون شاللي حصل والناس منصمه=والليل عقب المعاصي واعلنت توبه
غنا الغضى لي وصفق وادي الرمه=وردد ورا هالنخل سامري ومسحوبه
سلام ياعنيزة هل المجـد والقمـة=وسلام ياعنيزة اهل العلم ورتوبـه
سـلام ياعنيـزة التاريـخ والأمـوسلام ياعنيزة اهل الطيب وطيوبه
وسلام ياعنيزة اللي للكـرم جمـه=وسلام يانـاره اللـي دوم مشبوبـه
وسلام ياديرة(ن) بالشعـر مهتمـه=وسلام يالشعر محفوظـه ومكتوبـه
وسلام ياعنيزة اول شـي بالرمـه=فيك الاوائل حقيقه ماهـي كذوبـه
سـلام ياربعنـا وسـلام يعـمـه=للحاضره والبوادي وكل من جوبـه
هـذي عنيـزه ولاتنبـاع بالخمـه=وان غطرفن الصبايا الموت نشدوبه
باريـس نجـد وبرلينـه وروممـه=إلا بعد شامـه وبيـروت مندوبـه
سلام يامساعد بن سليم مـن ثمـه=يقولها شاعـر والنـاس ضجوبـه
وان كان ياعنيـزه الشعـار ملتمـه=عزالله اني انـا شاعـرك هالنوبـه
وان طاب ليل القصيد ولابرد دمـه=والله لاخليـه بيـن يديـك لعبوبـه [/poem]^
^
^
الله الله عز الله انه كفى ووفى ابن ماطر صح لساااااااااااااااااااااان ه



من جد يخوني التعبير هنالايسعني الا أن اقول

ربي يحفظك اختي مي ويبارك بجهودك

واتمنى زيك نسعد بشعراء من القصيم

ولاتحسبونها عنصريه بل هو حب لموطنن انتمي اليه واعشقه كعشقي لأبي..!

دمتم جميعا بود....

[مقعد الدغيلبي]

تسلمين على النقل المميز والموفق
وتشكرين على جهودك المبذوله في خدمة
التراث والموروث الشعبي
وتقبلي تحياااااااااااااتي

[مهدي بن مسفر الحبابي]

الأخت مي العقيلي

تسلمين على المجهود الجبار والمميز

تغطيه رايعه وجميله

صح لسان الشعراء وبالتوفيق

لك فائق احترامي وتقديري

[زايد الروقي]

مي



كفيتي و وفيتي



و عنيزه مهما كتب فيها تظل باريس نجد لا تفيها القصايد حقها و القصيم عمومً بلاد رائعه و اهلها اروع



اشكرك اختي على النقل


دمتي بخير



.......

[سعودعبدالله]

مي العقيلي


مجهود جبار تشكرين عليه


بيض الله وجهك



امسيه جزله وشعار جزلين ويستحقوون الثناء


لك كل التقدير يا مي

[نـــادر]

ماقصرتي يا مي


وصحت قلوب الشعراء

محمد بن ماطر العوني
ماجد بن سليمان العليّان
عبدالعزيز بن محمد الدرع

واسماء نتمنى أن نرى نتاج قلمها على صفحات غرابيل

[منصور الحربي]

مساءك سكر :


الغالية مي العقيلي :

.

.

.

شكرا على النقل . . والله مشتاق لعنيزة . . لأهل عنيزة وعلى رأسهم والدتي . . !!

ياليت إذا فيه أمسية ثانية تبلغينا قبلها بفترة لعلنا نقدر نحضرها . .

تحياتي لك ..

[سـعـد الحويماني]

مشكوره اختي مي


والله يعطيك العافيه


امسيه مميزه وشعراء مميزين

[مشاعر حالمه]

مي العقيلي

تغطية جدا رااااائعه يالغاليه

لاهنتي فديتج وقواج الله

تحيتي لج / مشاعر _ عزوة ابوها

[ليــن القســا]

أشكرك عزيزتي على نقل هذه المقتطفات ..من أمسية ( باريس نجد )
وليست هذه الأمسيات بجديدة على منطقة القصيم ..فلقد احتضنت أمسيات لشعراء كبار ..
مثل ( السامر , والمنادي , وحامد زيد ,وياسر التويجري ...وسليمان المانع ...وغيرهم مما لاتحضرني أسماؤهم الآن
ومن الشاعرات ( بنت أبوها ,والراسية ,وبدر البدور ,وأغراب )
لا عدمنا هذا العطاء .. عزيزتي
ودمت بخير ..

[أبوعبدالرحمن]

مي العقيلي


الله يعطيك العافية اختي

نقل ولا أروع

وكاننا كنا في قلب الحدث


صحت قلوب الشعراء

ويسعدنا ان نجد حرفهم معنا في غرابيل


تحيتي لكِ

[أمل عبدالعزيز]

,
,
,
,
مي العقيلي

أختي الغالية

نقل أكثر من رائع لأمسية كانت ذات رونق خاص بنكهة ليالي القصيم


لكِ أعذب تحية على النقل الرائع والكتابة الأروع...
.