ازيكو عاملين ايه ؟؟
اول ماسجلت بالمنتدى كنت اخش الغربله ارد على المواضيع الرايقه 5 او 6 ردود واطلع بكل هدوء وكتبت موضوع ولقى اقبال من الجمهور وهذا شجعني شوي وبتلت على نفس طريقتي وفي يوم جتني رسالة ترشيح للاشراف من الأخ سعود ومن فش فاشه وطلبت من سعود يمهلني كم يوم عشان التزم بكلمتي لو وافقت فيما بعد وقال مايخالف من حقك بس خلال الكم يوم هذي ابغاك تدربين راسك باقسام المنتدى كلها عشان تتعرفين عليها وتردين وتكونين معروفه للكل قلت له بس كذا ابشرررررررررررررررر بسيطه هذي ,,,,,, وبدت رحلتي باقسام المنتدى واي دمعة حزن لا لا لا
من فين ابدا من فين وتذكرت ان العنود عزمتني مره على موضوع لها بالتصاميم قلت اسير على العنود واشوف قسم التصاميم ورحت هناك وفتحت كم موضوع وحسيت العالم اللي هناك غيرررررررر مصطلحات اول مره اسمع فيها دمج صور وفرشتين وثلاث فرش وفلاتر وبلاتر وخرابيط مافهمت منها ولاشي احييييه وش هالوهقه يعني اذا برد عليهم لازم اكون زيهم واقول زيهم او شكلي بيكون غلط بينهم وكل اللي سويته هناك اني شحذت توقيع من العنود الله يوفقها وماقصرت جعلني ماابكيها سوت توقيع ياخذ العقل بس مامداني احطه ههههههههههههههههههههههههه هههههههه وقفوا الصور بالتواقيع ,,,, ولقيت موضوع لمشاعر حالمه الله يسامحها تقول طالعوا الصوره شوفوا وش بيتغير واقعد حول ربع ساعه اطالع الصوره وماتغير شيء فيها وارجع بعد كم يوم بشوف واثرها تقصد ان الخط جديد واول مره تستخدمه وانا على بالي بتتغير الصوره او بتنقلب صوره ثانيه ههههههههههه قلت لنفسي اطلعي يابنت بكرامتك قبل مايبهذلونها المصممين
بعدها رحت لقسم الشعر النبطي وفتحت كم قصيده وجلست اقرا وانا من جنبها بس اقرا الردود عشان اقلدهم ولقيت الشغله بسيطه كلها عبارتين او ثلاث عبارات صح لسانك ,,,,,, جزله من جزل ,,,,, صح كلك ,,,, وبس بعدين جيت اكتب صح لسانك قلت والله فشيله الرجال كاتب 30 بيت بمعدل 1000 كلمه وعاصر عمره عصر فيها وانا اجي اكتب صح لسانك كلمتين بس ,,,, قلت طيب بكتب جزله من جزل 3 كلمات احسن من ثنتين بس خفت اغلط في الكلمه بدال ما اكتب جزله اكتب شيء ثاني وانا مفهيه واتشوت من المنتدى كله عشان حرف ,,, وفرضاً اني كتبت جزله وهي ماهيب جزله وش موقفي من بقية الشعراء بالله ههههههههه وبعدين اكثرهم حاطين صورهم ويخوفون احس الواحد متصور ومخبي ورا ظهره مشعاب او عجرا وجاهز للمشاكل ,,,, قلت يابنت تشجعي وجيت برد على قصيده توها جديده لواحد جديد شكله المهم اخبر اني كنت بالنبطي وشوي الا انا بكتاب وشعراء المستقبل ورجعت للقصيده الا اخونا فايز شايلها وحاذفها لشعراء المستقبل وانا معها ههههههههههههههههههه قلت اييييه هذا من اولها شاتوني قبل ما ارد وشلون لو رديت اجل ؟؟؟؟ ,,, وانحشت من القسم
:زعلان:
رحت للمحاوره وحسيت اني داخله ميدان معركه وكل شاعر متخبي ورا طعس ومعاه ار بي جي يصوبها ويطلق بيتين ويرجع يتخبا والثاني نفس الشيء والجمهور الحبيب اوقد النار ياشبابها ههههههههههههههههههههههه والمشكله اكثر الضحايا من الجمهور طلقه طايشه من هنا او من هناك وهو منصرع على كمبيوتره هههههههههههههه واتذكر محمد الروقي الشاعر نزل موضوع قعدت اتابعه اسبوعين عشان بيت يسألهم عنه هو مكسور او ماهو مكسور بس ,,,,,,,, وليته ماسألهم ههههههههههههههههههههههههه ه وااااااو وش كثر تهاوشوا عليه وجا ابوعبدالرحمن وقال ياجماعه كل واحد يصلح سيارته وحصل خير ويابخت من بات مظلوم ولابات ظالم ومن عفا واصلح اجره على الله والعالم تسامحت بارقاب ,,,,,,, واوعدكم اجيب ميزان حساس مره ونوزن البيت واللي له حق بياخذه ههههههه ,,,,, وبعدها جا واحد مدري منين جا ونزل رابط صوتي وقفل ام المشكله ومدري وين راح الموضوع ومحمد الروقي حط رجله من البدايه هههههههههههههههههههه رمى البيت عليهم وانحاش وانا انفضخ قلبي اذا على بيت كل هالطقاق وين اروح انا بينهم ورررررركضه برا القسم مابغيت اسلم بعمري
:11retcher
رحت لأخبار الأعضاء وقعدت اقرا العناوين كلها مباركات بالالفيات اللي واصل 10000 مشاركه واللي واصله 18000 ماشاء الله و و و وانا كل مشاركاتي ماوصلت 530 يعني مالي وجه احارشهم حسيت انهم عيال نعمه هههههههههههههههههههههه وانا مستجده وفقيره ورازه وجهي ابارك بعد قلت يابنت بلا فشيله اطلعي لين تجمعين الف وبعدها تعالي انتي ووجهك وادبكي معهم
بعدها شديت الرحال لقسم الخواطر وحين وصلت الى هناك انصهرت كل افراحي ببوتقة الصبر المر فقتلت احلامي على قارعة السوبر ماركت وشريت ايسكريم وباونتي وطلعت هههههههههههههههههه ياجماعه قسم الخواطر فيه اقلام قد ما اقول مبدعه اتعب ولكن احس انهم شايلين هموم الدنيا اول مادخلت بغيت اقول احسن الله عزاكم ههههههههههههههههه وكلهم كلههههههههم يشتكون من شيء اللي هاجرها حبيبها واللي منحاشه حبيبته واللي يحلم بطيف حبيبته واللي مدري وش يبي يعني بعض الخواطر اقعد اقراها من تحت لفوق ومن فوق لتحت نفس الشيء مافهمت منها ولاحرف مدري وش يبغا كاتبها او وش اللي يوجعه بالضبط وانا بطبيعتي ردودي احب يكون فيها طبع مرح بس خفت استخف دمي معاهم ويجي مشرف القسم وياخذني باذني زي افلام كرتون ويشوتني مع باب القسم ويقفل الباب وراي فاخذتها براسي وشت نقسي برا القسم لين اتعلم كيف ارد عليهم
يتبع قريبا ً <<<<<<<< ياشينك انتي ويتبع حقتك ذي
كلمه صغينونه ,,,,,,,,
اتمنى من كل شخص ورد اسمه ان يتقبل الدعابه وهو موضوع لرسم ابتسامه صافيه على وجيهكم الحلوه ,,,,
وعلى قولة اهداب ترى السالفه مزح لاياتي واحدن صاك الطبلون ويزعل علي هههههههههههههههههههههه
فتكو بعافيه
اختكم /// النجلاء