رجـــــال أنا يابــنت من ظهر رجـــال
ماذل لك نفســي لو أنك حيــــــاتـي
ماأرضى تهينيني ولاأرضى بـــــالأذلال
لو كان في بعدك يجيــــني ممــــاتــي
لاعـــــاش حـب يمتـطي راس رجـــــال
ولا عــــاش راعيه ان رضـي بالسكـاتي
حــرام لو تعـــطي مع حبك المـــــال
تبقى الكرامه عنــدي أكبر غــــــلاتي
يابنت أنا ماني من اللي على البـــــال
عزيز نفس وعزتي وســـــــــط ذاتي
أموت شامخ تنضرب فيني أمثــــال
ولاحيـــاة(ن) لاجل أحقق مـنـــــــاتي
ياما حملت من الزمن حمل وأثقــــال
وياما كتــبت بهاالزمن ذكريــــــاتي
غيبي عن عيوني وطيري ياالأمـــال
دامه صــــفاتك تختلف عن صفــــــاتي
والله لقطع صورتك وأرمي الشــــال
وألعنه طـــيفك لو يجــي في مبــــــاتي
روحي وانا لي راس مرفوع مامــــال
ولي قلب شامخ مارضــــــــي بالشماتـــي
روحي عسى الله يستر الروح والحال
روحي ولــكن لاتنــــــاســي وصــــــاتي
حبل الكرامه مايجي مثله حـــــــبال
ا اذا انقطع وايــــش لي ببــاقي حـــــياتي