اللي ما تابعوا الجزء الأول دقوا هنا بشويش لا ينكسر الرابط
الجزء الثاني من قصه الشات>>>>> الشاة والله انت
اعزائى المشاهدين >>> احسن يا إيمان بنوره
ننصحكم اذا كنتم ماقريتم الجزء الاول
تمسكون فرامل وتوقفون هنا لازم
ثم تدقون ريوس وترجعون تقرونه
مع العلم انه يمنع التدخين>>> شيشه مافيه مشكله
ونوماَ هنيئاَ لاطفالكم>>>> صار زواج ذا ...اقول عطنا القصه بس
البدايه :-
بعدما قعدت أفكر >>>> من زين ذا المخ بعد
وافكر >>> من النوع اللي ترتفع حرارته إذا فكراكثر من دقيقه
وافكر.. وافكر..وافكر>>> على وزن تدوم وتدوم وتدوم
انا وش اسوي مع ذا البنت
جاني واحد من الشيبان..
قلت خلني افضفض له واشاوره>>>> احد يشاور شايب في مثل هالموضوع؟؟؟
بعد ما قلت له السالفه انتفض >>> زعل
وارعد وازبد>>> طلع سحابه ذا ماهو صديق
وقال بوجه متجهم >>>> يذكرني بعسيب والفصحى حقته
حرام.... حرام...
من يزني بالفي درهمٍ ... يزنى بأهله ولو بربع الدرهم
قلت ياخوي انت شايفني منزل هدومي وداخل عليها في الغرفه
قال اجل هي ماهي موجوده هنا
قلت بزعل لا
قال نصيحتي لك اتركها احسن لك
وعرفني عليها؟؟؟؟؟؟؟
المهم طلع وانتم بكرامه و جزمتي تلحقه >>>> انا ناقص.. توي لاقي اختها
رحت الدوام وجلست مع صديقي المجرم الحجازي
دايم يتفلسف على ويقول
انا العب بالبيضه والحجر>>> يدلعونه في الدوام ( الدجاجه)
قال تبغى رايي قلت اجل راي خالتك
قال بخبث \ كل فطير .. وطير
قلت وش قالوا لك عني غراب>>>> مافهم معناها الا بعدين
قلت خلني اروح افطر لوحدي لأن مالي خلق اشوف احد
رحت لمطعم العجمي
والقالك ذاك السوري الحمر
وجهه كنه بزر توه طالع من رحم امه >>> الله يسد نفسك على هالتشبيه
المهم جاب الطلب
وقلت له اجلس
قال ممنوع .. قلت ماعليش... محتاجك ابيك >>> احلى يامغربل الرويشد
وجلس عندي
قلت تبي الصراحه
قال \ اسلم ولا يسلم ردي العزايم>>> قويه صح
المهم علمته بالسالفه قال \ شوف خيو
قلت اهرج>>> مافيه تناسق
قال\ شوف البنت اول خيو
إزا وشا( وجهها) منيح خليك معا واذا مانو منيح سيبا
قلت شورٍ طيب من وجه طيب
وارجع للدوام والقى فلسطيني جاي يراجع
واعلمه بالسالفه
قال هسع هاظ وقته يارجل
العالم عم تكتل في بعض وانت عم تحب>>> ضاع وجهه
قلت والله انك صادق
قم قم .. قم اطلع برا
والله ماتخلص معاملتك لين تثبتون براطم ياسر عرفات
المهم مابقى من جامعه الدول العربيه الا ابو مصير
واكلم صديقى المصري حكمت>>> امه دايم تشوف اسم المصري تقول اثرك تكلم بنات يالفاسد
واعلمه بالسالفه
المهم ضحك ابو حكوم وقال بئولك أيه
قلت ائول
قال ياعم ابسط>>> تكفينا بسطة الرهيبه
ياعم عيش حياتك
اديها ميه ( مويه) تديلك طراوة
قلت شايفني مكيف صحراوي
وسكرت السماعه
المهم قررت قرار غريب وعجيب>>> القذافي على غفله
قررت اني ما اقرر شي>>>> لعبت في مخي ..كيف تجي؟؟؟
قررت اني اترك هالموضوع للايام
ماسمعتوا الشاعر يوم يقول:
دع الايام تفعل ماتشاء ...وطب نفساً اذا حكم القضاء
قلت اللي كاتبه الله بيصير
ومع نهايه الدوام
حشرني واحد من العيال في المكتب
وقال حبيبي ابي الكمبيوتر حقك
قلت اوكيه يالله اعطيك اياه
تدرون ليه ما مانعت
قلت اترك النت فترة يمكن البنت تنسى
وانا بعد أسلى عنها وانسى وينتهى الموضوع ببساطه
وعطيته الجهاز>>>> مبروك ... متى الزواج ان شاء الله
قعد شهر لين رجعه لي >>ماينعطى وجه خويه
شهر كامل مر على كان شبه طبيعي صح اشتاق احيانا.. بس كنت مستحمل .
بعد شهر دخلت على النت
اول مارحت للمنتدى اللي انا اشركتها فيه واخترت اسمها اللي تشارك به
مالقيتها كاتبه شي جديد
رحت لردودها
لقيت رد لها على موضوع ( ليش اخترت اسمك اللي في المنتدى)
قريت ردها
والله تزلزل كياني
وهز اركاني >>> لاتطيح
وحسيت اني اجحفت بحق هالمسكينه
حسيت اني ارتكبت بكل عفويه خطأ كبير
حسيت في داخل أعماقي اني مجرم>>>> واسمه شارون بعد......يستاهل
تدرون وش كاتبه:-
بالنسبه لاسمي
ماهو انا اللي اخترته
اللي اختاره لي
انسان عزيز على قلبي جدا
اعز على من نفسى
افكر فيه كل يوم
له فترة غايب
خايفه يكون صاير له شي
كل يوم ابكي
واقول يارب
ترجعه لي بالسلامه
يارب
ترجعه لي بالسلامه
يارب
ترجعه لي بالسلامه)
انا صعقت لما قريت الرد
انهرت وقتها
جلست ربع ساعه مادري ويني فيه>>> والله لو انك راكب في طيارة جد يم يم
ثم رحت بسرعه للماسنجر مالقيتها
وفتحت الرسايل
لقيتها كلها منها
البدايه... حب
ثم ....سؤال
ثم... عتب
ثم ... بكاء
ثم ... رجاوي وتجريح احيانا
انا تحجرت الدمعه بعيوني
لحظتها ودي اني اكون عندها
اضمها في حضني
وابوس رأسها
واعتذر منها
من جد انا حسيت ان شارون حليل مقارنه بي
لحظتها ارتفعت سرعه حبها في قلبي لين تعدت 120 وقام راسي يقول طن..طن..طن..>>>> اشوى ان مافيه تفتيش
قعدت اسبوع ماتطلع عالماسنجر
اسبوع ياجماعه كنه سنه
كنه عمر كامل
كل دقيقه افتح الماسنجر
وكل ثانيه ارسل لها رساله
اسبوع طويل جداَ
اسبوع باح فيه مكنوني
وفاضت فيه شجوني
وبكت فيه عيوني
تصدقون ماسامحت نفسي
من جد فكرت في حاجات سوداء>>> بس خاف يموت
اسبوع عايش فيه ولا ني عايش
سبحان الله قعدت معها اكثر من شهر كنها دقيقه وذاك الاسبوع كنه مليون سنه
وصدق الشاعر>>> ياخوي الشعراء ذولي منسمين من وين يجيبون هالكلام
يقول مرت سنين بالسرور وبالرضا
....... .... فكأنها من قصرها اياااام
ثم ابتدت ايام هجر بعدها
..... فكأنها من طولها اعواااام
صرت زي المجنون .. كل واحد اشتكي له
وفي الليل اقول
واعيني اللي نومها ماهناها
...........لامن تساوى الليل جاها بلاها
قامت تصب الدمع من جور مابها
......... عبايرٍ حرق خدودي سناها
شكيت همي للجبال العظيمه
........ ولكن ونين القلب كسر صفاها
وشكيت همي للبحور العميقه
..........وساعه سمعت ونتي جف ماها
رحت اشتكي للشمس من جور مابي
..........والشمس غابت من خلاها ف خلاها
رحت اشتكي للنجوم السواهر
.......النجوم غابت وشكوتي في مبتداها
وبعد اسبوع
في يوم نمت بدري
وصحيت زي الجني الازرق الساعه 2 الليل
ودخلت على النت
وفجأه>>> على طاري فجأةيقولون فيه حوطي توه متعلم كلمه فجأه دخل بقاله يبي يتفلسف قال بالله عطني واحد بيبسي ..وفجأه .. ميرندا>>>>> ياسامج هذا وقت نكت
المهم فتحت النت
وش تتوقعون
مالقيتها زي العادة
والله وارجع انوم
ولا جاني نوم
بس جالس افكر فيها
واهوجس فيها
وارجع عالنت
والقاها
ماصدقت والله واشهق ذيك شهقه قعد صدري يعورني اسبوع منها
واكلمها وهي ماترد ...
وانا اكتب وهي ماترد
قلت عيوني وش فيك ماتردين
قالت قاعده ابكي
والله تعبت بعدين اكمل لكم السالفه
اكمل لكم بعدين
ماعندي توقيع 
رد مع اقتباس
