[align=center]من اوائل
ماكتبت .. ارشيفيه عانقت الثلاث سنوات
كما هي .. بدون تعديل
تقبلوها بما بها..
ولاتحرموها من نقدكم[/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مثل الغريب..اللي رجا شوف الآوطان = حُـبّ .. الوطن عايش بروحه ودمّه
.
عايش وحيد وغربته طالت أزمان = يصبر سنين .. وصبره اللي يسمّه
.
يسأل عن أهله والحبايب والآقران = ولا فيهم اللي شال حزنه وهمّه
.
يذكر بيوم انه سكن بين جيران = وحاول يقول اللي بقلبه بفمّه
.
قالو أبوك مْن الوجع مات يافلان = عجزنا حتى عند قبره نلمّه
.
وأخوانك أقفو مع زمنهم لهم شان = كل ٍ يدوّر عن شؤون ٍ تهمّه
.
ماباقي وسط البيت ياكود جدران = وعجوز مع صورة ولدها تضمّه
.
في عينها تلقى للأوجاع عنوان = هذي ترى اللي مانساها هي أمّه
.
واللي يبيها وحبّها سر واعلان = كانت تداري بس من شان همّه
.
حاول يشيل الهم وينسى الذي كان = لكن عطر هالناس باقي يشمّه
.
محروم مثلي حتى من كلمة إنسان = لا ماخذا من غربته غير ذمّه[/poem]
رد مع اقتباس
المشاركة الأصلية كتبت بواسطة مشعل ابن سعود
