اسعد الله مسائكم ومع زوال الارتباطات اضع هذه المتواضعه بين ايديكم
على امل الرضا فقط
[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
الشعر مايرفع مقام ٍ ولاساس = لازاد قدر... ولانقص في مقامى
ضرب ٍ من الحكمه وعقد ٍ من الماس = يرو ى ظما ذوق ٍ على العذب ظامى
الدين وسلوم العرب خير نبراس = منها نعرف اللى حلال وحرامي
سبحانه اللى خالق أشكال و اجناس = من كثر اساميهــا تشيب الاسامى
من لاضبط سمته وهرجه بمقياس = يطيح من عين الحشام الكرامي
تصدف مع المطفوق مرات الارماس = لكنها رميـــه ومن غير رامي
لاهيب من موقف وطارى وهوجاس = جرة ذهيب بعثرتها المظامي
كنز القناعه عز والعرق دساس = ومن يحترم نفسه لقى الاحترامي
واخر علومى هب فالقلب نسناس = مال بمعاليقي وفاز بغرامي
شقحا ً بميدان اللزز تاخذ الكاس = لاجات فى المحفل تنال الوسامى
ترعى لها جو ٍ خلا مابه اوناس = ماداج فيه شعيل هدف السنامي
عود ٍ عليها نايف الطول مياس = تو استوى طلعــه وحان الصرامي
واجهتها صدفه وانا العام عساس = من يومها ماذقت حلو المنامي
صارت وانا صاحى طوارى ووسواس = ون نمت جانى طيفها فالحلامي
سلمتها سيفي مع الدرع والطاس = ثم السواري والفشق والحزامي
وعطيتها عهد الولا ماحيا الراس = باهواه لين الدود يرعي عظامي
بنت ٍ عليها قلب وشعوراحساس = تعجز على و صفه حروف الكلامى
بحضورها ماعاد للغيد مجلاس = مثل النجوم ان بان بدر التمامي
حورية ٍ فالارض تحيا مع الناس = ويزيدها حسن وجمـــال اللثامى
تعطي خفوقي نبض وشعورى انفاس = وأترجمــه شعر ٍ عفيف ٍ وسامى
من بيت عز وبيت اماره ونوماس = أهل المهار متيهين الجهــامي
مالى نصيب ٍ فيه مدقوق الالعاس = ماغير طاروق العنا والهيامي
حال الرجا من دونها واقبل الياس = وشى ورى الاجناب صعب المرامي[/poem]
رد مع اقتباس
المشاركة الأصلية كتبت بواسطة محمد السليس
