وش نقرا بالجرايد ؟ .. .. علموني
تشتري الجريدة عشان تقراها
(المهم .. تضعها على الارض او على الطاولة ( كل واحد على راحته
وتبدأ بالصفحة الاولى .. والبعض يبدأ بالصفحة الاخيرة
( مثل ماذكرت آنفاً.. كل واحد على راحته )
وتبدأ بقراءة الجريدة
الصفحة الاولى
تهنئة الى رئيس جزر الواق واق بمناسبة ذكرى استقلال بلاده -
( حنا نعرف وين الواق واق عشان نعرف متى استقلالهم ؟ )
وزير جمهورية جزر القمر الاتحادية يزور البلاد حالياً -
ويحمل معه رسالة من رئيس بلاده
( اذا ماعرفنا مضمون الرسالة .. وش استفدنا ؟ )
اف اف
الصفحة الثانية
اخبار محلية
بدء القبول في الجامعة الفلانية .. وبدء الالتحاق بالدورة العلانية -
( واذا كان وقت نتائج الثانوية العامة لاتشتري الجريدة خير شر )
: اعلان جانبي للسعوديين فقط -
وظيفة محاسب في سوبر ماركت .. والمؤهلات بكالوريوس في الحاسب الآلي
!!بتقدير امتياز مع مرتبة الشرف .. مع شهادة خبرة لا تقل عن خمس سنوات
( مع كم اعلان عن محلات للتقبيل .. وكالمعتاد السبب ( عدم التفرغ
اف اف اف
الصفحة الثالثة
: مقال طويل عريض مالي الصفحة بعنوان -
( منظورات في الايديولوجية المعاصرة وانعكاساتها على البيروقراطية اللي ماعاصرت )
مافهمنا العنوان عشان نقرا المقال
وكاتب المقال ( راز ) عمره بالصورة .. ودي اقول له لاتتعب نفسك
ترى محدن يقرا لك
وتحت تتمات الاخبار اللي في الصفحة الاولى -
ماقرينا البداية نقرا التتمة
اف اف اف اف
الصفحة الرابعة
شؤون ثقافية
: شاعر حداثي يتغزل -
انتِ بحرٌ لا ساحل له .. وساحل لا بحر له .. انت عالم قائم بذاته )
(وذات قائم بعالمه .. انتِ فنون .. انتِ جنون .. انتِ من بني صهيون
وفي الصفحة المقابلة شاعر نبطي وكالمعتاد صورة حصان ووحدة متبرقعة -
: ويتغزل
( ياونتي .. انا لي وليفٍ مدري وش سوّى به )
اف اف اف اف اف
الصفحة الخامسة
كم صورة لاطفال .. مع رسمة وردة ونخلة ولغز بايخ والحل تحته
( هذي الصفحة حسوفة عليها اف ( حسوفة = خسارة
الصفحةالسادسة
هذي صفحة المشاكل لانها صفحة الرياضة
..الحكم ظلمنا .. اللاعب الفلاني كان خشن .. الاداري تلفظ علينا )
( المدرب لازم يقيلونه
اف اف اف اف اف اف
( الصفحة اللي بعدها .. كم وصلنا ؟ ( صح السابعة
لاتفوووووووووووتكم
اسعار النفط ومؤشرات الاسهم
وتحت صور لعمال منحاشين ويبلغون عنهم
خمسطعشر اف
الصفحة الثامنة
هذي تخووووووف
أم تقتل طفلها وتقطعه اربا اربا -
امرأة تطلب من زوجها أن يشتري لها ( بليلة ) فيحرقها -
رجل يشخر فتخنقه زوجته وتقذفه مع النافذة -
هالصفحة تخليك تخاف تطلب من احد يجيب لك ماء
هالصفحة مالها اوفات ( جمع اف ) لاني تعبت
الصفحةالاخيرة
بدء العمل في مشروع سكة الحديد -
( شرهتكم على اللي داري ان فيه مشروع اصلاً )
( العثور على فقع يزن 50 طن ( فقعتوا مرارتنا -
والحمدلله تلقى كاريكاتير
ان فهمناه و كان عن سعيدان وحميدان .. قريناه
وان كان يبي لك ساعة حتى تفهم وش يقصد الرسام .. ماله داعي نقراه
يعني صفت الجريدة على الكاريكاتير ...... وبس
يعني من الاول افتحوا على الكاريكاتير وارتاحوا
علموني ....؟
ليش نشتري الجريد ؟؟ وش نقرأ فيها ؟؟
منقول اخوكم
اسير العنى
رد مع اقتباس
