السلام عليكم
اقدم لكم هذه المره قصيده وهي اول قصيده قلتها منذ قلت الشعر وقبل اكثر من 14 سنه تقريباً
لعلها تنال بعض استحسانكم
وفيها اشيد بخوة خوي من زملائي فى العمل وليلة العيد
[poem=font="Simplified Arabic,4,darkred,normal,normal" bkcolor="transparent" bkimage="" border="double,4,deeppink" type=1 line=0 align=center use=ex num="0,black"]
الله من قلبٍ همومه ملايين = فى داخله تصلاه نار صليه
يلعبي الهاجوس ايسار ويمين = معاد اعرف اللي لي وعليه
العيد بكره والاهل وينهم وين = صوب الحجاز ابعيد ماهم هنيه
ابسري الليله ماهو خل معدين = ابوي قبل اشوي كلم عليه
نويت اسج وقلت وين الخوي وين = ابي خوي(ن ) مايهمل خويه
وسمعة ابو سعد يقول حطنى ايمين = ايقول انا مخاوي الاجوديه
ورحبت به حياك يامرحبى اهلين = اركب على يمناي والباقي عليه
يابو سعد ياصبي الزهارين = خوتك تشري فى الليال العظيه
انت الخوي والله على العسر واللين = ويانعم والله بالرجال الوفيه
شرواك يا ا براهيم يسوى ملايين = وطرقه بدونك مالها قابليه
اجهز وانا بفلل الجمس بنزين = اسرع وعجل لاتوخر عليه
انا بروح أفلل التانكيين = وبحكر البراد والشاذليه
وسكر اذانك عن هدير الشكامين = انا بتل الجمس تله قويه
بنمسك طريق اخريص ذلحين ذلحين = بطراف ساعات انتعدى الحويه
واصبح بدار اسليم بين الحرمين = شمال مكه بعد ريع الثنيه
وأعيد على ربعي ذوي جبرين = زبن الدخيل اهل البيوت الذريه
مليت من مقعاد مع عيد وحسين = ومقابل اوجيه الشله العربجيه [/poem]
وسلامتكم جميع ونص القصيدة والله ناسيه وهذا اللي تيسر والمعذره