[poem=font="Arial,7,black,normal,normal" bkcolor="transparent" bkimage="backgrounds/7.gif" border="groove,10,purple" type=2 line=0 align=center use=ex num="0,black"]
يا الله الا يا الله يا رب الملا = يا واحد(ن) في عالي العرش اعتلى
يعلم جميع اللي نكنه ما سلى=عنا ويعلم حالنا سر وجهار
رب الفضا رب السما رب الفلك = المالك الجبار ما غيره ملك
كم واحد(ن) عاصي تحداه وهلك=للمتقي جنه وللعاصين نــار
يفرج لحي(ن) كالذهب في ديرته= والسيره الزانه تراها سيرته
واليوم من حرصه وزايد غيرته=يبدي نهار ان الحصيني جوف غار
قل للحصيني ما تسوي نسمعه =ادرا قبل رمشك يحول مدمعه
بعض العرب ما ظنتي من ينفعه=مثلي قرار ولا يجيب الا قرار
قول لكبير القلب يرقد من عشا = مثلي ترا عاف المحاله والرشا
اللي هدملي دار يفعل ما يشا=لكن ابهدم له يجي عشرين دار
لو كانت القالات ماهي هينه =. القاسيه عندي تعود لينه
والمدعي دايم علاه البينه=والبينه عندي كما شمس النهار
الأوله بالراس مدري بالنحر= والثانيه والله لقص ابها الظهر
لن رحت عني بعيد ياصلك النظر=وان جيتني ميسمك جوف النار حار
هذا ويا راع المعاني سوقها=دوب المعاني وقعت في سوقها
تعبت بك الأقدام وانت تسوقها=والناس جتها ارزاقها والطير طار
يا راكب(ن) من فوق مطواع(ن) وحش=زايد جفوله لو اقول انحش نحش
لا يقبل السوقه ولا يحمل دبش=حر(ن) سلايل حر قانينه حرار
فوقه كتاب وشاف براق(ن) سرا=ثم قام ياطا الارض كأنه ما يرا
مثل السفينه صار قدام ورا=هو للصحاري والسفينه للبحار
كأن العظام اللي تقله من حديد = وظنتي والله يفعل ما يريد
امسى يسوق الراي بالعزم الشديد=ما غير تشر له ويفهم ما يشار
اليا مشى ف الارض كنه مهتدي= يمشي كما مشية صبور(ن) مقتدي
واليا عدا كنه عدو(ن) معتدي=لأمه وابوه وعزوته طلاب ثار
ينصى الذي بالحيل ما عنده نظر= الروح يرميها على جال الخطر
ما يدري ان الموج يلطم من بحر=لن كان جبت كبار جبناها كبار
احنا رجال ان كان عادت للفعول = اقسم برب البيت نفعل ما نقول
الارض سيرنا بها عرض (ن) وطول=اما شهاده وافتخر والا انتصار
صالح الازوري[/poem]
رد مع اقتباس
[/align]
