][*][ عـنـدمـا تـعـوي الـقـطـط ][*][

[^][الفـيـصـل][^]

سلا1111م

كيفكم حبايب قلــــبي 00

إن شاء الله بخير 00

_________________



أكره شئ عندي المخوش اللي تجي بالوجه ..

واموووت قهر من الناس اللي تسأل ..

وش هالمخوش .؟ متخانق مع (قطو) انت ..؟؟

عاد أنا صارت لي قصه ..

مع المخوش ..

وخلتني اكره هالشئ ..

ومن كثر تفكيري طلعت بموضوع مدري وش جابه على بالي وقتها ..!!

مره دخلت خلاق ..

وكان العامل جالس على الكنب وينتف شنبه ..

وأول ماشافني نقز وقال ( نعيماً ) << شكله مايعرف غيرها .. :11ughboun

وأسمع ..

(كيجانو موووري هيناااا وي لااااني موووري )

كان مشغل شريط هندي <<< من كرهي للزحمه مالقيت إلا حلاق هندي

وانا جلست على الكرسي ..

وهو قاعد يترقص مع الألحان ويحلقني ..

وأنا طلعت بوجه أقبح من اللي دخلت فيه له ..

ولقيت هذاك السؤال :

وش ذاااا ؟؟ أنت متهاوش مع قطو ..؟؟



.. ماعلينا ..

ماهو هذا موضوعي اليوم .. <<< اجل ليش قايله

بس بيكون له علاقه بالموضوع ..

نجي للقطو ومدى تفاعله مع أحداث 11 سبتمر ..

أقصد احداث الحياة المحفوفه بالمخاطر والإثاره والمواء المشابه للعواء ..

القطاوه تنقسم بنظري وبعد تفكير عميق ..

إلى أكثر من قسم ..

من حيث المعيشه وظروف الحياه ..

الأول :

قطو ولد نعمه ..

وهذا ربي مطيحه في أيدي ناااس عندهم خير ..

وفاااااااااااضين ..

لدرجه إن هالقطو عنده شهادات طبيه وشهادة ميلاد وجواز سفر ..

تصدقون ..!! <<< انا ماعندي جواز ولا شهادات طبيه .. :icon_roll

مره شفت بإحدى القنوات عمليه جراحيه ..

وكانوا الممرضات والأطباء يشتغلون ومهتمين وأسلاك مشبكه وأكسجين ..!!

قلت اكيد هذا شخص مهم عندهم اكيد ..

آخر العمليه الصحافه تسوي مقابله مع الأطباء ويتكلمون عن حالة المريض ..

وبالأخير جايبين قطو على السرير ..!!!

نعنبوا بليسكم حنا نتوطاهم بالسيارات ونرجمهم بالحصى وبالزبيريات ..

وانتم تشبكون فيهم الاجهزه الطبيه من الخوف حلات من يتوطاهم هم وقطاوتهم ..

فهذا بإختصار قطو ولد نعمه ..

0
0
0

[^][الفـيـصـل][^]

0
0
0

ثانياً :

قطو مطابخ ومطاعم ..

وهذا رازقه الله بحظ يفتّح قواطي التونه واكيد امه داعيه له قبل تتزوج واحدن ثاني ..

هالقطو من النوع اللي مربّع ومتعافي وطافرته النعمه طبعا مقر اقامته عند باب المطعم ..

يتحكك في الداخل والطالع يذكرني ببعض العمال اللي يجي بفيزه حلاق ونلقاه يبيع في محل عطور ..

يترزز قدام الورود والزهور اللي تجي عنده وتدور ( هنيا له ) ..

يحمد ربه غيره يرعا غنم تلفحه الشمس ويصرمه البرد اما خوينا فهو حده يترزز ويكدد قصيصته ..

عموما قطو المطاعم دايم تلقى في اثمه عود خلال واحيانا خوصه في حالة وجود نخله جماليه عند المدخل ..

ودايم تلقاه يالله يمشي بحكم كبر الدبه لكن بعد ما حطوا لهم شارع اسمه شارع ( المواء مل ) ..

يقلدون فيه شارع (الحوا مل ) صارت اوزانهم معقوله وانواع الترقيم هناك ..

ما يرقمون الا بجناح دجاجه والا ظهر سمكه ما عرشه راعيه :11istling..

لكن الشي اللي قاهرني هو قطو المطاعم ... يكون خشن والا ناعم ؟؟ ..

يمكن يكون خشن عشان يضمن مركزه << راس حربه ويدافع عن لقبه :غمزه:

ويمكن يكون ناعم بحكم ظروفه المعيشيه والبيئه الحلوه اللي هو قاعد يتمرغ فيها ..

لكن الله يهنيه يبطي والله يلقى شي عقبي :icon_twis شوفوا تكفون وشلون طافرته النعمه ..

في احد اوقات الراحه قاعد يناظر قناة كات موفز ..



هذا رزقه من وقت لوقت ..

حسب الظروف وحسب المكان وحسب طيبة قلب راعي المطعم .. :غمزه:


ثالثاً :

قـطـو مسترزق ..

هذا النوع من القطاوه على نياته ماغير يطارد ويدوّر رزقه ..

مره في الزبايل ومره في الشوارع ومره يصيد له جرداه تشبع رغبته ..

ومره يطيح في سماط ناطلينه ناس ما كملوا عشاهم ويلقى فيه عراش من بواقي الدجاج المشوي ..

ومره يطيح في شغاله تكب الزباله بدون ما تتغطى عنه ولا شي ..

ولا بينهم اي حاجز ويكفي انه يسمع منها كلمة :



( اوووووو سويتي كات تيك يور لنش )

ويمكن تتهور وتمسح على رقبته وظهره ..

<< سرا ليلك يبو بس استر ما واجهك ..

وعلى طاري ( بس ) خذوا هالنكته :icon_bigg ..

( اربعة فيران يلعبون بلوت قال واحد منهم الاول قال الثاني (بسّ)

والا يوم تناحشوو كلهم ماعاد بقي احد << اقول يابيخك مير :نيني:

0
0
0

[^][الفـيـصـل][^]

0
0
0

رابعاً :

قطو حواري ..

قطاوة الحواري هذولي ياحبايبي لهم انواع الهواش والتسكع والسربته ..

كل واحد منهم حاجز له برميل ومخليه زي الاستراحه له يجمّع فيه شله فاسده ..

وخذ سهر الين الصبح والمشكله ماهمّهم الجيران ولا شي ..

تسمع الهواش ( وعووعووآآآآوووو ) وياردي حظ اللي ينام في الحوش ..



عز الله بينهبل وبيتكدر نومه << وهذا الشئ اللي خلاني اكتب هذا موضوع ..

أكيد بتقولون ..

قول لنا وش خلاك تكتب الموضوع ..

وأكيد بقول لك ..

لا معليش ..

فأكيد راح تقولون ..

الله يخليك قول لنا ..



فبطبيعة الحال راح تكسرون خاطري واقول لكم وش صار وش السبب <<<< من جد الولد واااثق حرام خلوه يشوف نفسه شوي :نأ:

اللي صار ياحبايبي ..

إني بيوم كنت آخذ قيلولتي << متعوب على الكلمه بقووه ..

وخلال استجمامي ..

واسمع قطوين يتهاوشون ..!!

ميااااااااااااااوو ابوك لبو اللي جابك لهالحاره ..

مياوااااه << استغراب يعني .. :هاها:

ابوك انت لبو من علمك الصياعه ..

وطاخ وطيخ ومياو وميو ..

طالت بينهم وانا طفشت ..

وقمت من نومي وخذت الزبيريه وادور الصوت وينه والقاهم فوق السور واهاوش يمين يسار ..

انقلع انت وياااه هنااك يالله يابس <<< على باله سبه الحين :icon_roll

خافوا وهربوا ..

وما امداني احط راسي الا ويجتمعمن وآآآوعو ..

يلعن ابوك قطو والله ان ماعقلت انت وياه لطلع الشوزن ..

قلتها والا ماقلتها وتقوم امي على هالصوت وش فيك يحبيبي ..

عسى منتب تحلم والا شي الله يطامنك باسمه ..

وراحت تجيب لي عصير ليمون على طريقة المسلسلات المصريه ..:خجل:

وشوي واسمع مووايل القطاوه وانقز من القهر والقط الشوزن واتربص ( امشي على اطراف اصابعي ) ..

واركد على راس واحدن منهم وطعععععع والاهو مسلفط على اذانه ..

وينحاش خويه يلطم خدوده واسمعه يقول ( الحئئئئئئوني قطيواان ماااات )



وتجتمع شلة قطاوه ان كانهم اكثر من 60 قطو وقطوه فهم شويين ويمتلي بيتنا قطاوه ..

وامي تنحاش وتصك على روحها وانا اللي كلتها الشوزن معي وخويهم طايح غرقان في دمه ..

وهم يناظروني شوي ثم يناظرون قطيوان وهم محاصريني مع كل جهه ..

اللي مطلع مخالبه واللي مطلع سنونه واللي في يده عظم ( فخذ دجاجه ) وناحته على شكل خنجر ..

واللي رابط راسه مسوي ( نينجا قطاوه) واللي قاعد يعوي على باله بيخوفني ..

وتجي لحظه الصفر وينقزون علي نقزة قطو واحد والمشكله ماجبت الا رصاصه وحده ..

كان اضرب في المليان واسدحهم مثل سدحة قطيوان ويطبون علي لين تغبيت ماعاد انشاف ..

وخذ يا تمخيش وتجريح مع وجهي وخدودي وتعضيض مع يديني ..

وامي سمعتني اصوت ابي احد يساعدني جت يمي تركض ومعها معصاد العصيد ..

يوم شافت الدعوى خليطي قالت وجع شكلك طالب مساعدة الجمهور ..:نيني:

هذولي كلهم جايين يساعدونك اجل خلهم يعرشووووووووونك قصدي ينفعووووونك ..

وعاد طلعت منها وانا وجهي ..

تقول صاير فيه حرب عالميه ..

وكذا انتهت سالفتي مع القطاوه ..

وانهزمت وطلعت مخش وجهي ورايح فيها ..

وهم طلعوا يعوون ..

ايه ايه يعوون ما يماوون ..

وهكذا ..

يكون عواء القطط ..



_______________

أتمنى يعجبكم الموضوع00

ولكم مني أجمل 00

( `•.¸
`•.¸ )
( `•.
¸.• )
( .•`
×`¨) تـحـيـتـي (¨`×
¸.•`¸.•`¨) (¨`•.¸`•.¸
(¸.•` ( *الفـيــصـل* ) `•.¸)

[المشاعر]

وتجتمع شلة قطاوه ان كانهم اكثر من 60 قطو وقطوه فهم شويين ويمتلي بيتنا قطاوه ..

وامي تنحاش وتصك على روحها وانا اللي كلتها الشوزن معي وخويهم طايح غرقان في دمه ..

وهم يناظروني شوي ثم يناظرون قطيوان وهم محاصريني مع كل جهه ..

اللي مطلع مخالبه واللي مطلع سنونه واللي في يده عظم ( فخذ دجاجه ) وناحته على شكل خنجر ..

واللي رابط راسه مسوي ( نينجا قطاوه) واللي قاعد يعوي على باله بيخوفني ..

يمه بصراحه يروعون<<<<<<<<<<<<<<<<<ماتطيق القطاوه

اما ذا اللي ناحتها على شكل خنجر شكل فيه عرق جنوبي هههههههههههههههههههههههه

يسلموووووووووووووووووووو الفيصل

[*أهداب*]

تسلم فيصل .....من جد ونستنا .....وسعة صدورنا .......

واللي بالفعل أعجبني .....
سالفة القط ..اللي في غرفة العمليات .......

وصدق صارة معي ......

جالسة اتفرج على التلفزيون على بالي مترجمة ......

وجلسنا .....منهمكين نطالع في العلمية .......

وآخرتها طلع قط ..........

ويومها كنت اتفرج مع صباح الله خير واللي يدق تأخرتي ....>>>تبي تذلف للكلية

وتاليتها ..
أقوووووول سبحان الله ....
عندنا اللي ماعنده إقامة يرفضون علاجه ......
في المستشفيات الحكومية ..والمراكز .....

وهم مهتمين .... بـــــــ قــــــط ..!!!!

ويعدين شكلك متقاشر مع ذا ......
7
7
7
7
7


فيصل .....نصيحة ......


He kept away from the cats

[مشاعر حالمه]

ياحلو القطاوة والله الصغار بس اما الكبار وع منها ..


مشكور اخوي على القصه الحلوة ...


تحيتي لك /مشاعر حالمه ..

[^][الفـيـصـل][^]

المشاعر ..
0
0
0

اما ذا اللي ناحتها على شكل خنجر شكل فيه عرق جنوبي هههههههههههههههههههههههه

أحــم أحــم

من معلمك إني بالجنوب ..!!

:خجل:

بس لو شفتي شكله ..

:هاها:

يسلموو على المرور الذوووق ..

00تحيتي00

[ونة حزن]

الفيصل

ههههههههههه ...

الله يعينك ..
شكلي برسلك قطوتنا المتشرده

[^][الفـيـصـل][^]

أهداب ..
0
0
0

تسلم فيصل .....من جد ونستنا .....وسعة صدورنا .......

واللي بالفعل أعجبني .....

إن شاء الله دوووم يا أهداب ..

بس ترى إسمي الفيصل .. مهو فيصل.. :غمزه:

عندنا اللي ماعنده إقامة يرفضون علاجه ......
في المستشفيات الحكومية ..والمراكز .....

وهم مهتمين .... بـــــــ قــــــط ..!!!!

ومن سمعكـ بس .. :icon_roll

الله يرحم الحال ..

He kept away from the cats

ههههههههههههههههااااي

لا تخافين ..

I Kept All The Taime

يسلمووو ياذووق ..

00تحيتي00

[^][الفـيـصـل][^]

مشاعر حالمه ..
0
0
0

ياحلو القطاوة والله الصغار بس اما الكبار وع منها ..

الغااار يكبرون ..

ويصيرون من احد الأنواع اللي فوق ..

فلا تحبينهم .. <<< ياشينك وانت تحب تحطم

ههههههههههههههاااي

يسلمووو على مرورك العطر ..

00تحيتي00

[^][الفـيـصـل][^]

ونة حزن ..
0
0
0
ون قلبي ونــّــه ..<<< مدري ليش جت على بالي :نيني:

ههههههههههه ...

الله يعينك ..
شكلي برسلك قطوتنا المتشرده

قطوتكم المتشرده ..

تجي جنب (قطيوان) ملاك أليف ..

يعني عادي ارسليها ونسوي تهجين لقطاوة الحاره ..

ونردها لكم .. :هاها:

يسلموووووووو على المرور الحلووو ..

00تحيتي00

[سعود]

الفيصل

موضوع جميل ورائع


بس ياليت تكتب اسفل الموضوع ( منقول )


لاني اي موضوع يكون منقول


ولا يكتب تحته منقول

سوف يرحل للمحذوفات فوراً


تحية عطرة

[نويت البعد]

[blink]المخوش[/blink]

شو يعني؟

[مــوادع]

مره دخلت خلاق ..

وكان العامل جالس على الكنب وينتف شنبه ..

وأول ماشافني نقز وقال ( نعيماً ) << شكله مايعرف غيرها ..

ههههههههههههههههههههههههه هههههههه

ههههههههههههههههههههههههه ههههههه

خلاق

والا اخلاق

والا حلاق

خخخخخخخخخخخخخخخخخخخخخخخخخ خخخخخ

ماني مكمل

خلاص بفطس ضحك

اجل خلاق

ههههههههههههههههههههههههه هههههههههههه


اخوكم/عبدالله الشمري

[@السيف الصامت@]

المخوش هي عبارة عن علامات فارقة بالوجة نتيجة مضاربة مع قطة صائعة على اغلب الظن وملقوف اللي يقرب منها خصوصا اذا كانت من قطط الحواري ههههههههههههههههههههههههه هههه ويالفيصل الله يعافينا واياك من ها المخوش هههههههههههههههههههههه:هاها: