السلام عليكم ورحمة الله وبركاته
هذه إحدى قصائدي الجديدة ......
كل الأمنيات أن تنال إعجابكم .....
[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,darkred" type=2 line=200% align=center use=sp length=0 char="" num="0,black" filter=""]
إن قلت أنا فيها قصيدة غارت حروف القصايد=دوم ( ..... ) ,, تغار أبيات شعري من دلعها
لا حكــــــت ما كنّها إلا درةٍ بين القلايــــــد=ما ألــــوم اللي تلعثم في كلامه لا سمعــــــها
شتت أذهان عالم ,, واجمـــعت كل الفرايـــد=كنّ زين الناس ضاع, وصار في لحظات معها
وألبست تاج العفاف وكل خلق الله شهايد=هي فريدة بالمحاسن دام ربي قد رفعـــــها
لو يجي بين الخفوق وبينها كل الحسايد=ينزع الحاسد خفوقي ويبطي إنه ما نزعها
علّميهم ,, درسّيهم ,, ليه حسنك دوم زايـــد=ليه أنواع الدلال ,, يموت غيرك ما جمعها ؟!!
اكتبي بعيونك اللي غنجها بالحيل سايد=أيه أنا الجذابـــــــة اللي كل قلبٍ قد وسعها
عادتي ما أهتز والله في عظيمات الشدايد=وهزت الخافق بنظرة في دقايق ثم تبعــــها
حطها ربي بقلبي ,, وأشعلت فيني الوقايد=وأتحاشى حبــــــها ,, لكن الله قد وضعـــــــها
ما أبي أنشر غرامي بالصحف وإلا الجرايد=يكفي بس أكون عاشق حبَّها ما قد خدعــــــها
أثرها لا من طرت لي طوّعت كل القصايد=وأثرني لا من تهادت ذبت كلي من دلعها
[/poet]
للجميع أطيب التحايا .... من أخيكم سهم المنايا