امل ان تعجبكم هذه القصيده
[poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]
احب القمر كلاُ يحـب الضيـا والنـور
احب القمر حتى ولو مـا اكتمـل نـوره
انا يابشر يكفيني انـي القمـر مشهـور
ويكفي انه امن الشمس يعكس لنا صـوره
ويعجبني اكثر يوم بيـن النجـوم يـدور
اكيـد النجـوم تغـار لكـن مـعـذوره
بعضها تبان ونورها بالسمـا محصـور
والاخرى تظل من اول الليـل مستـوره
يازين القمر يوم اكتمل صار بدر بـدور
ونجوم السما صـارت حواليـه منثـوره
انا احبها ؟ وانـا علـى حبهـا مفطـور
وروحي على حب الشي الزين مفطـوره
ولكن عن حب القمر مقدر اصف شعـور
ولااقدر اناظر بالسما غيـر بحضـوره
تراني محب اكذب ولا اشهد شهـادة زور
عيوني وقلبـي ياقمـر فيـك مسحـوره
ابطلع على سطحك وابغرس شجر وزهور
وتكتب في التـارخ لـي اول اسطـوره
اذا عشت عم الكون كله فـرح وسـرور
واذا مت كنت على القمـر اول احفـوره [/poem]
رد مع اقتباس
[/align]
