[poem=font="Simplified Arabic,4,darkblue,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
اعمل لدنياك وخلّ الآخره همّك = ولا تنخدع في حياةٍ عمرها فاني
ان كنت عاقل وبعض الحس في دمّك= ما تجهل الموت شال فلان وفلاني
كم من عزيزٍ رحل ولا رجع يمّك = جرحه ولا زال ما يطويه نسياني
يمكن صديق وقريب ويمكنه امّك = ويمكن حبيبٍ ولا من يشبهه ثاني
ولا تدري الموت بايّة لحظه ايخمّك= وابليس مطغيك ما فكّرت بالشاني
فرصتك فكّر قبل ما ينتهي جمّك = ياقف قليبك وتيبس مثل الاغصاني
ارجع لربك يفرّج همّك وغمّك = فالشهر فرصتك تبدا ضبط الاركاني
شهرٍ كريمٍ اذا اكرمته جلى همك = واعطاك نورٍ يريح النفس ربّاني
لكن ترى الصوم ماهو منعتك فمك= عن شرب واكلٍ وطول اليوم نعساني
الصوم جد وعمل بارهاق يعتمّك= وتهجّدٍ تطلب الرحمن غفراني
وتمشي بدرب الفضيله وين ما ضمك = وتعامل الناس بالحسنى عن ايماني
ولا فار دمك من اللي سبّ أو ذمّك = تقول انا صايمٍ والصوم ينهاني
عن كل فعلٍ ولفظ او شرٍ ايزمّك = وركّد عظامك باحاديثٍ وقرآني
ولا من بغيت الشهر من خيره ايعمك = تقرأ بتأمل لتفهم سر الاكواني
هذا اذا بعد موتك امرك ايهمك = والاّ مع ابليس لا تسمع لعثماني!![/poem]
رد مع اقتباس
انا كلي لجل عينـــك 
