[frame="1 80"]اخواني الاعزا
اخواتي الكريمات
اليكم هذه القصيدة
التي اتمنى ان تحوز على شي من اعجابكم
[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
ياليل يامشكاي في كل ساعة=مثلك حياتي ظلمة(ن) مابها نور
ضاعت حياتي بين وصل وقطاعة=عايش على الذكرى من سنين وشهور
مجروح انا والجرح زاد اتساعه=جرح الهوى في داخلي صارله دور
الضيق في نفسي يزيد اندفاعه=ويظلم سما نوري من الود معذور
على حبيب(ن)عاف حبي وباعه=تايه بعد فرقاه والقلب مأسور
هلت دموع العين لحضة وداعه=مافي يدي حيلة ولو كنت مقهور
شايل غرامه وسط قلبي وداعه =عايش على ذكراه مخلص ومجبور
الحزن في قلبي ويطبع طباعة=عزاه ياقلب(ن)به الحزن منثور
لامر عيد او فرحة(ن)للجماعة= جاملتهم مع شدة الضيق والجور
مايعلمون بداخلي وانطباعة =ولا يعلمون اني على الحزن مفطور
ناديت باعلى الصوت ياهل الرفاعة =واسمع صدى صوتي يعاود على الفور
صوت(ن) بعيد (ولحد)يقدر سماعه= مثل الغريب اللي سكن دار مهجور
يازين طال الصبر مابه مناعه=ارجع لمن حبك وانا اقول مشكور
ترخص حياتي لجل عينك بضاعة= حللت بيع النفس لو كان محظور
هذا الهوى مافيه عطف وشفاعة=احد(ن) لقابه مر واحد(ن)لقا سرور
لحكم القدر لابد سمع(ن)وطاعة =لاقدر الآمر وش يقول مأمور[/poem]
وسلامتكم[/frame]
رد مع اقتباس
المشاركة الأصلية كتبت بواسطة أمل عبدالعزيز
