[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="groove,4,gray" type=1 line=0 align=center use=ex num="0,black"]
البارحة جفني جفا النوم مره= ليلة فراق ولا يوالا سهرها
ياللي تمر البال ياللي تمره=وين أنت يانور العيون ونظرها
وين أنت ياجم الجمال ومقره= ياللي شبوحك ساكنتني صورها
تعال لم واعتب علي وتشره=تعال ياورد الحياه وزهرها
وارسم تباشير الفرح والمسره=وامسح عجاريف الزمان وكدرها
ماتدري إن العمر فالعمر مره=ولاتدري إن النفس عافت قدرها
داله وأنا اللي مع نجوم المجره= في ليلة ٍ ماأسرج سماها قمرها
سريت والفكرة على الكيف حره=ماعاقها الهاجوس وإلا حصرها
راحت تسوق القاف مدري تجره=والسحر مرساها وفكري بحرها
تومي على راس الغرير وتغره=وإلا غزير العرف مايحتقرها
ليا ضيقت جول الصدور الأزره=كم من مسيلة سيلها ماحدرها
وكم خالفت وقت الفواق المدره=وكم غيمة ٍ ترعد وتمسك مطرها
ماكل من غاص البحر جاب دره = ولاكل من قال المعاني صخرها
والشعر أنا قد عفت خيره وشره =من ناس ٍ يقدي عماها عورها
خلوني أقفي عنه حلوه ومره =لو هو على صاف المشاريب يرها
واليوم مافي نقض حلفي مضره =ليا صرت أبا اوجز كلمتي وأختصرها
وأقول خل الشعر للي يبره = اللي عنود الشعر عنكم حجرها[/poem]