اخواني واخواتي في منتديات غرابيل من
مشرفين واعضاء وزوار هذا الصرح
اليكم هذه المتواضعه والعذر والسموحه
.
[poem=font="Simplified Arabic,6,white,normal,normal" bkcolor="transparent" bkimage="backgrounds/32.gif" border="double,4,gray" type=2 line=1 align=center use=ex num="0,black"]
ياللي ملكت القلب بالله به روف=إرفق عليه وخاف يازين ربّك
ماهو بحق تولع القلب وتعوف=وانته تعرف انه من الصغر حبّك
عسفتني يازين واصبحت معسوف=عزالله اني واقعٍ في مطبّك
إن رحت عنك وجيت بالودّ مكتوف=والشاهد أني ازعل ان شخص سبّك
يمرني طيفك وأفز إله ملهوف=كني ضريرٍ قالو ابشر بطبّك
ياللي عليك من الحر إسمات ووصوف=حرٍ طليق جناح ماهو مشبّك
وعليك من شكل الظبي لأونس الحوف=سرعه وخفه والخطر ماقربّك
وعليك من جود العرب والتقى إحروف=والطيب والاخلاق ورثٍ من أبّك
لو لا الحيا والعيب والثالث الخوف=لاعلن لكل الناس واجهر بحبّك
واصرخ وانادي كل حاسد واقل شوف=زندٍ قدحته تال الايام شبّك
وتعب تعبته ضاع ماهو بمخلوف=واكبر دليل اللي تمناه كبّك
لاتحسب الحب ثوب وشماغ منسوف=ومهاتراتٍ في هواتف تشبّك
وأرقام تلقط من بلوتوث مكشوف=بجهاز بندى والا دمعه بعبّك
الحب صدق شعور واحساس معروف=إحساس صادق بالمحبه ينبّك
على النقا مايدخله عيب وكسوف=وش فايدة حبٍ وعيبه يهبّك
قال المثل والقول واضح ومألوف=من لبّ غيرك قدم عينك يلبّك
والخاتمه يامالك القلب به روف=إرفق عليه وخاف يازين ربّك[/poem]
رد مع اقتباس
المشاركة الأصلية كتبت بواسطة السنافيــة
