اخواني واخواتي
اليكم هذه المساجله
بيني وبين الشاعر/كريم
بن سعود المطيري
وردي عليه عسى ان يلقا
قبول في ذوئقكم الرفيعه
والبدايه من كريم المطيري
[poem=font="Simplified Arabic,6,white,normal,normal" bkcolor="sienna" bkimage="" border="double,4,darkred" type=2 line=1 align=center use=sp num="0,black"]
حيث يقول
.
قابلتها ياحسين في يوم الاثنين=وفي وجهها شفت الحزن والكآبه
قلت اوقفي يابنت من وين لاوين=ابسألك باللي علينا سحابه
اسألك انا بالله ياكامل الزين=وش غير البسمه وذيك الرحابه
قالت زمانٍ يخلط الشين بالزين=والوقت هذا ماحسبنا حسابه
واقفى ودمعه ماليٍ وجنة العين=يصفق بكف بكف من حر مابه
كانت معي دايم على العسر واللين=واليوم جاء فيها عليّ انقلابه
الوقت خلاها سوات إم... =عقب الموده والوفا والمهابه
تغيرت دنياه من زينٍ إل شين=وتغيرت حتى ملامح شبابه
ياحسين انا لولالك ماقلت ياحسين=حيث عزيز ومن رجالٍ ذيابه
.
فرديت عليهِ قائلاً
.
يامرحبا مااذن وصلى مصلين=وطاف محرم بالحرم وإستعابه
بخطاب جا من شاعره عقب شهرين=من يوم خبرنا بطبعة خطابه
يابو سعود الخط ماله عناوين=مجهول مدري كيف جتبه ركابه
خليتني في حيره الف يومين=مدري طلبك المال والا الحرابه
والا تبي جاهي لكن جاهي إل مين=مادام راحة بين ضرسٍ ونابه
والا تبيها سلم إل سور برلين=والا لبرج إيفل مع من رقابه
إبشر وانا بو بندر حسين هالحين=فزعة شبابي وانت تعرف شبابه
خل المقفي من يحب المقفين=يكوى بميسم ما يداوى صوابه
يبقى ألمه ايام وشهور وسنين=بين الضلوع العوج صاطي عذابه
دور على اللي ماتعرف المحبين=مصيونةٍ مابين ربع وقرابه
متعلمه ومثقفه دنياً ودين=تعرف حقوق الله وتقرأ كتابه
مولعها من صغرها بالحرمين=والمسجد ااقصى تمنى الصلابه
مطيعة الله والبشر طاعة اثنين=وهني ثالث ساقها الله لبابه
هذي لها يُدفع إلوف وملايين=ويُطلب لها جاهٍ ومال ومجابه
من غيرها ماني محرر فلسطين=لوكان فيه القدس عاثت كلابه
وسلامة الجميع
[/poem]
رد مع اقتباس
