ماللغالين الا الغالي ياغرابيل
[poem=font="Simplified Arabic,4,black,bold,normal" bkcolor="sienna" bkimage="backgrounds/2.gif" border="double,5,gray" type=2 line=0 align=center use=ex num="0,black"]
ياهوى بالي ترفق ترى الدنيا سعه = خل عنك الصد قلي وش الي تستفيد
جاك قلبي لكن أرجوك رده وقنعه = كان ودك تتركه علمه خله يعيد
هايمٍ قلبي بحبك عجزة استرجعه = في عيونك نظرتٍ تنهي القلب العنيد
عين حرٍ مع هل الصيد شالو برقعه = شده الصقار والحر في طلعه وكيد
قام يكفخ بالجناحين والسبق منعه = ثم فكه ورتفع لسماء يبغا المزيد
شايفٍ له خربن اخمر تتقى بشمعه = ثم صف الريش وهوا عليها من بعيد
كوبره لكن لفعها وعلقها معه = ورتكى بالقاع حتى قضبها من جديد
دايمٍ لا هد راعيه راسه يرفعه = ويتنومس به وفعله على غيره يجيد
كيف اوصف وانت زين الخلايق تجمعه = كان فالخفرات سيد تراك الي تسيد
كل من شافك تشهد ويصفق بصبعه = يدري انك فارقٍ فرق عن غيرك اكيد
يا هوى بالي ترفق ترى الدنيا سعه = خل عنك الصد قلي وش الي تستفيد
[/poem]
عبد الله بن راجس
رد مع اقتباس
المشاركة الأصلية كتبت بواسطة عبدالله بن راجس
