نهديكم هالمتواضعه وان شاء الله تعجبكم
[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
حبى لك ابلغ من جميع الروايات =احلى عتيبيه مع اوفى عتيبي
وفصولها اروع من فصول الحكايات = وأول مشاهدها بدت فالمغيبي
ما أحتجت في تجسيد دورى بروفات =أخلصت فيها للغرام و حبيبي
الها ثمان اسنين للحب مهدات =العرض سارى والعهد للمشيبي
قصة غرامٍ عف معنى وغايات =في نقدها يعجز مقص الرقيبي
تفرق عن أهل الفن والمسرحيات = بالصدق والاخلاص والله حسيبي
ماصاغها راوٍ يجيد الكتابات =مكتوب ربي ماكتبها اديبي
فيها من العذال ذقت النكايات =قالو وزادو مير مامن مجيبي
ناسٍ لهم فرقا المحبين مشهات =اقلوبهم سود ونباهم حليبي
مير انت بفعالك فضحت المكيدات =وخليت امانيهم بكسري تخيبي
وانا كشفت مكبرين الصغيرات = وعسفت واحدهم يذل ويهيبي
هبلتهم عن لمس عرض الستيرات =واما كسرت اخشوم مانى بذيبي
لجلك يهون الهم هو والمعانات =وحشمة عيونك كل جرحٍ يطيبي
متبادلين الحب رغم المسافات =وبعد المسافه فالمحبه قريبي
ياملهمة كل القصايد والابيات =اليا طريتى كل معنى يصيبي
انت المنى من بين كل القرابات = لو فيهن الزين الاصيل العجيبي
ولو هن بغنى عنك مارضي البديلات = واقول للي جاينى وش تبيبي
اليا حضرتى غاب حسن الجميلات = وكلٍ لقت في زينها الفين عيبي
على جمالك تتفق كل الاصوات = يبطي الزمن لارباب حسنك يجيبي
زاهيه علم ودين ياعذبة الذات = مع ثقل روز وعقل أصل عريبي
على وفاى الك الزمن شاهد اثبات = بالصبر في ضيم الثمان الصعيبي
يارب تجعل قصتى في النهايات = استارها تسدل وهى من نصيبي [/poem]
رد مع اقتباس
