الليل طوّل والطبيب ابطى على القلب الجريح = والوقت عيّا يرحم عيونٍ تهل دموعها
وين أنت ؟ يارب الكلام العذب والوجه المليح = تحن لك حدب الضلوع الله يطمن روعها
لا خافقٍ بعدك يهيد ولا قوافي تستريح = القلب يشكي غربته والروح تشكي جوعها
ضم الغلا لو الجفى يشره على القلب ويصيح = إليا متى من غربتك روحي تلج ضلوعها ؟
أبطيت والشوق إنتحى والورد بعدك شوك شيح = وش هالجفى يارشفة اللهفه وياقرطوعها ؟
إن كان بعدك ذل راس ..! أهديت عشقك ركب ريح = وإن كانها ظروفك ..! عسى الله مايعز شموعها
لو إنها تآخذ برآيي .. مايصح إلا الصحيح = بس الظروف إليا قست مااحدٍ يضد جموعها
تعال والقلب الحديد اللي تعرفه لا يسيح = لا تضحك العالم علي .. خبولها ودروعها
إليا متى وانا اترجى مدة الوصل الشحيح = وإليا متى والخلق ترخي للهروج سموعها
لكن تكفى .. لويطول الصد سدّك لا يبيح = دامك نويت الصد والدنيا حدتك بطوعها
رد مع اقتباس
