عسيب /في الطبخ لأول مرة من تسع سنوات....

[إعصار نار]

.
.

آنساتي الفضليات ...

عسيب يحييكم |4|.. في مطبخه الفاخر ... بعد أن توشح اللباس الذهبي للطباخ المثالي ... في سلسلة طبخات وطبخات ...

طبخة هذا اليوم ( كسبة العزوبية ) ...



كبسة أربعه نفر .... مع لحم( بط )صغير |96|

المقداير ....

أربع غرزات رز ( عنبر) أبو أبوكاس ...

نقيعيه جيدا ومن ثم إسكبي الماء ...

أمسكي البطه سيدتي .. وأقطعي الرأس بسرعه ولا تتركيها تفرفش ( تتعذب)

ضعيها في ماء مغلي 100% في الغالب ليصهر الريش ويفتح مسامات الجلد عن جذور الريش فيه ليسهل نتفه ويتيسر تنطيف البطه منه بسرعة .. وبدون عناء ..
أقطعي الزوائد من الأرجل والأجنحه .. وأخرجي المقانص من جوفها والمراره .. ولكي أن تتركيها كاملة بشكل مفطح ... أو تفصيلها اذا الضيوف كثيرون ...

أوقد الموقد العين الوسطى واجعلي النار متوسطه ...

وضعي القدر فوقه...

ثم أسكبي زيت عافية عساه بالعافيه .. 2ملعقه ..

ثم قطعي 2فص بصل أحمر ..

ثم حركيه حتى يتكشن جيدا ..

بعد ذلك ضعي 2حبه طماط بلدي أو مستورد لك حرية الإختيار ..

ثم ضعي الماء بمعدل ثلاثة أرباع قدر الطبخ حسب حجم القدر ...

ضعي بهارات مهران ملعقه أوإثنتين ...

و2أصبع فلفل حار ( شطه) كي تعطي الطعام نهكة مميزة ..

خمي خمة ملح بين أصابعك الأربع وذريه في القدر ... حسب ذوقك ...

أتركي الماء حتى يغلي ثم ضعي البطه بعد تنظيفها جيدا مع الرز .. وغطي القدر ... لمدة خمسة عشر دقيقة ..

أثناء طبخ البطه وملحقاتها ... قومي بتجهيز السلطه .. والفواكه ... والحلى .. حسب امكاناتك ... ولا تنسي أن تطلبي المهضمات من المشروبات ...

بعد ذلك أفرشي السفره وبالهناء والعافية ... جربوها ... تراها ممتازه طبخي وانا عزوبي .....

أتمنى أن تنال إعجابكن ...

هذه المشاركة الأولى ... قهرني منتدى الطبخ ودي أشارك فيه ولا أدري وش أسوي .... لذلك تذكرت العزوبية .. فقدمت لكم هذه الطبخه ....

عسيب يحييكم من خلف البتوجاز:D



|567| |567| |567| |567| |567|

[الأميرة الناعمة]

ههههههههههههههههاي

و1111111111و يا حركتاااااااات انت

و بديت تفرد عضلاتك في المتبخ

يمي يمي اكلتووون رخيبتوووون

تحياتي لك

حثوووووثة يمي يمي

[إعصار نار]

.
.

شكرا ياحسوووووووسه
على هذه الزيارة وتشجيعك
لمطبخنا الفاخر .. لك هدية
مقدمه .. منا .. حضورك أكل
كبستنا فبالعافية والصحة ...
ويدك على الحساب ... ي الله
خالصي ...

شكرا شكرا ...

[][*+عجــايب+*][]

والله انك عجيب يا عسيب

تصدق ؟؟

والله ما صدقت يوم شفتك طابن عندي في المطبخ

وقلت في نفسي أكيد هالرجال ناوي يحط موضوعه في الإسلامي
أو انك ناوي تحطه في العام بس جا بالغلط عندنا

بس لما تمحصت وتقحصت في الموضوع ليق السالفة جد

عسيب عندي ؟؟؟ ووين في المطبخ ؟؟؟؟

يا مرحباااا يا مرحباااا

والله انك مبدع بشكل غريب ياعسيب
ويازينها من مشاركة والله ,,,,
بصراحة عجبتني كم جملة وودي أعلق عليها ::

أوقد الموقد العين الوسطى واجعلي النار متوسطه
>>>> يعني إذا الفرن أربع عيون أي عين أستخدم؟؟؟

خمي خمة ملح بين أصابعك الأربع وذريه في القدر
>>>> يعني عندك تعبير جناااان مدري وين دارس الأخ؟؟؟


و إلى لقااااااء قريب في طبخة ثانية

تقبل تحياااااااتي المقرررررررررمشة
عجيبكووووووو اللي تعجبكوووووو

[الرئيسة]

عسيــــــــــب في المطبخ هذا ليس عجيب

وصراحة عجبتني الطبخة

بس ذبح البطة مو هذا الأرهاب الي يقولون

بعدين وش معناة غرزة رز

عسيب نبغى طبخ الخرفان والمفطحات والحنيذ والمندي والعلوم الزينة

وحنا خلي علينا الخرابيط الي حول الذبيحة

ننتظر الذبايح والقعود ،،،،،،،،،،،

[إعصار نار]

كاتب الرسالة الأصلية ][*+عجــايب+*][
بصراحة عجبتني كم جملة وودي أعلق عليها ::

أوقد الموقد العين الوسطى واجعلي النار متوسطه
>>>> يعني إذا الفرن أربع عيون أي عين أستخدم؟؟؟

خمي خمة ملح بين أصابعك الأربع وذريه في القدر
>>>> يعني عندك تعبير جناااان مدري وين دارس الأخ؟؟؟

سلام عليكم كيف حلكم وش لونكم

آسف نسيت إني مركب القدر وجالس أطبخ
ماتذكرت الا هالحين .. فالمعذره وزين إني
لحقت الكسبه ما بعد أحترقت ...:D

لا تستغربون وجودي ... أنا فاضي والفاضي يعمل قاضي ..

وديت العائلة للبرجون .. ورجعت للبيت .. وجلست أفكر وش أسوي

ياولد وش تسوي ,, ياولد وش تسوي ...

قلت ياولد البيت فاضي والمطبخ جدامك ... والبطه توطوط .. وتوطوط .. قلت خلني أجيب أجلها لوثت المسبح علينا .. وأهي فرصة أذوق أم عمر طبخي هالمرة

والله ومسكت البطه .. وتنفلت مني .. وطردي .. وطردي .. وطردي ... لين ماطلعت روحي ... وأنا أمسك القاصوده .. وأهش عليها لين دخلت داخل البيت ... حتى حقوق الطيور مايشوفوني بالأقمار الاصطناعية .. بعدين يجون يحررو الطيور من الإرهابين الوهابيين ... ويوم دخلت ... وأنا أومي عليها ... وعن رأسها ماتخاطي ... قلت بسم الله والله اكبر حلال مانتي حرام ... والله واسوي الطريقة اللي ذكرتها لكم ... وهم نفس المقادير إلا خطوة وحده ماعلمتكم بها ... علشان ما أحد يتفوق علي وتروح الصنعه:D

المهم يوم جت أم عمر ... بدى وجهها يتشكل .. قلت وشقومس .. قالت مافيه شئ ... قلت عاد صدق ... قالت صراحه أحسن فيه شئ ...:D قلت عاد يابنت الحلال وش قومس .. قالت صراحه فيه ريحة حريق وشئ ماني عارفه وش شكله ...

قلت لها فيه مفاجأه ... قالت وش انهي ... البطه تطلبك البيحه ... صرخت وأغمي عليها ... ورشها بالماء .. ورشها بالماء ... ورشها بالماء ... وبالكود إنها فتحت عيونها قالت وش قلت قلت البطه ... ماتت ... وترجع .... وانا أجلسها ... يوم إجلست .. وانا أتحامى لها .... وطراق .. يوم انها فتحت عيونها ... قلت خير إنشاالله ... ألحين المسلمين يذبحون في مشارق الأرض ومغاربها ولا حرك لس ساكن والجنادرية وأفراح الأعياد وتبادل التهاني .. ويوم ماتت بطه بفعل فاعل محدود على شان يجهز العشى لبعض الناس يغمى عليس ... والله وانابو عمر إنها تحرم عليس ...

المهم تربعت انا وعييل ( مي .. عمر .. في ... محمد ) وجلسنا على سفرتنا ... مقابلنا بوش على مائدته وفي نفس الوقت شارون على مائدته ... وربيعنا على خيبتهم ... وهتك ياكل هم ياكلون أطفال البشر ... وانا وعييلي أطفال البط ... وربيعنا أطفال الذل والهوان .... وهتك ياكل ... وهتك يا اكل .... لين شبعنا وهم ما شبعوا .....

بعدها غلسنا ايدينا وصحيناتنا وجيناب الشاهي وهتك ياسوالف مع عييلي ... أم عمر محاصرينها ... عليها عقوبات إقتصادية ... مفروضه مني وانا بو عمر ....

قال واحد من الوريعات بوي ... قلت سم .... قال ماتسوي لنا نوم ... قلت كيف ؟
قال رسونا صدعت ....:D

أمممممممممممممممممم إإإإإإإإإإإإإإإإإإيه

عندها دريت إني طولت عليكم ياحبايبنا ... غرابيل عاشق

فتكم بالف مطرقه ..... أقصد مفراص ...قصدي قاصوده ... يووووه وش ذالخبطه ... عافيه ....

تحياتي الوتيرة لك أختي عجبوووووبه ... يعطيك الف عافيه ربي على إطرائك وتعليقك الشيق ...

اما الموقد والله ماخبرته الا خمس عيون ... واذا عندكم اربع عيون ... حطيه على الكبيره ....

ذريه ..... انا عندي قاموس الخليج للكلمات المعتجه ,,, الجديمه يا وخية ...

اكرر تحياتي ....

[إعصار نار]

.
.

الرئيســـــة

يامرحبا .. يامرحبا .... يامرحبا ..

تسلمين ياوخية ... عساس إستفدتي من الخبرات الفتاكه ...

صحيح ذبح البط والحيوانات ارهاب ... أششششششششششش

لايسمعس بوش ولا واحد من أذنابه ... بعدين يرميني بصاروخ من الذكيه ..

تراه صار يتصيد وهو جالس في بيته ... تعلم الرماية فينا ...|584| طخ طخ طخ طخ طخ طخ |593|

ياساتر ... ياساتر .... نعنبوه هو سمعني |584|

أششششششش .... خلااااااااااص ... بالاشاره

اوخية ... ماتعرفين الغرزه وش انهي ... هي ( اجمعي كفس واصابعس وسويها مثل المغراف ... هذه تسمى غرزه ) وفيه أشياء جدميه حيل ... اذا بغيتي اعلمس اياها يمكن نرجعلها ماندري ....

أبشري الطبخه الجايه بتكون على الوبر البري بنكهة العشب البري هذا شكل الوبر والعشب حقه|103| بعدها إنشاء الله نجي للربيان والسمك ثم نروح للكبار من تيوس ومفاطيح وبعران .... وكل ماتبون حتى نوصل الرأس الكبير الله يطيحه في يدي والله لا اجيب أجله على طول :D |11|

شكرا لزيارتك الميمونه التي اسعدتني بحق .... واذا جيتي رهوبه تراها معزومه .. ورانا ماشفناها ... وبقيت الربع ...

أرحبو يارجال|25|

[قول فصل]

ماهقيتها منك ياعسيب .. ماهقيت !؟

بعد ماتاكل انت وبزارينك ( الله يحفظهم ) تقول لنا ارحبوا !؟

ماصارت على ويش ارحبوا !؟

على الفضلة والعظام المعرمشة والصحون الملحوسة !؟

هذي بحق ...

لا زم تعزمنا على الوبر البري بالأعشاب البريه ....
ولا يقلطون عيالك معنا عقوبة وردعاً !؟

الحقيقة الآن راح اشوف لي أقرب مطعم آكل فيه !؟
ماراح انتظر أوصل للبيت !؟

طبختك فتحت شهيتي للأكل !؟

ولا وقت للإنتظار ... ولا عزاء للسيدات !؟

ومع السلامة ..

أتركك أيها الطباخ الماهر مع طبختك المأكولة ....
واللي حرمصتنا وأطعمتنا منها ( بالريموت كنترول ) !؟
( مأدبة ووجبة طعام على الريحة ) !؟

وعلى الخيال المطعمي أكلنا !؟
ووجبه على الهواء مباشرة شاهدنا !؟

( قول فصل ) .

[إعصار نار]

.
.

هلا بك .... ياقول |32| مشعاب فصل بنيه|581|

أنا أقوله ... أنت جاي تهد ما أنت جاي تيبي العشاء

والسمره .. والقصيد ... والمحاورة ... والمداخله .......

أنا ذالحين عازمك على الوبر ... وتجي تجنى علي

بعزيمة فايته ....

على كل حال أبشر باللي تبي .. يابو مشعاب

عشاك الليلة باتل على كيسك ولا تزعل .. أقرب

مندي يرحب بالنيابة عني ..

أما العزومة الرسمية .. فهي على الوبر .. فيامرحبا

ومسهلا .. بك ياضيفنا ......

تحياتي لشخصكم العزيز ....

عسيب ... مع كل شئ يطيب

[معشوق غرابيل]

وانا أتحامى لها .... وطراق .. عندي فيها تحفظ .

وبعدين ( إنشاء الله ) تكتب أخي الحبيب هكذا ( إن شاء الله ) ومثلك أعرف

وبالهناء والشفاء أنت والعيال

[إعصار نار]

.
..

معشوق غرابيــــــــــل

الله يهداك بس ... مشها يارجال .. لاتدقق حنا ترى بعيد من...:D

خلنا نفس عن شئ كاتم على نفوسنا |348| |486|

تحفظك في مكانه .. ياصدق عينك صداقاه .. والله كانك تراني

ولسان حالي يقول .... ياسالمني ...:D
ـــــــــــــ

الجزء الأخير لم أفهمه ... ياريت تشرفني بتوضيحه ...

تحية طيبة مباركه عبقا المحبة في الله لأخي العزيز ...

عسيب .. مشوها له تكفون ... خلوه يحلم لو مره ....|4|

[JAWAD]

كاتب الرسالة الأصلية عسيب
.
.

خمي خمة ملح بين أصابعك الأربع وذريه في القدر ... حسب ذوقك ...
عسيب يحييكم من خلف البتوجاز:D[/SIZE][/COLOR]



|567| |567| |567| |567| |567| [/B]

اقول حبيب القلب .... وش قالولك عنا وززززز باربع اصابع

تسلم على الطبخة بس اول مرة اعرف ان العزاب يطبخون بط حدهم بيض واذا جينا للطبخ تمحلسنا عند اخويانا المتزوجين..... يا اخوي اعزمنا يوم تراني عزوبي لي اربع سنوات ((على وزن اربع اصابع)) وما قد احد من العزوبية عرفني على البط كله دجاج محروق من عند ابو هنود.

أييييية "أبن البط عوام"

سلمت يداك يا مولينكس


اخوكم/ أبو كلام كثير

[إعصار نار]

كاتب الرسالة الأصلية JAWAD
اقول حبيب القلب .... وش قالولك عنا وززززز باربع اصابع

تسلم على الطبخة بس اول مرة اعرف ان العزاب يطبخون بط حدهم بيض واذا جينا للطبخ تمحلسنا عند اخويانا المتزوجين..... يا اخوي اعزمنا يوم تراني عزوبي لي اربع سنوات ((على وزن اربع اصابع)) وما قد احد من العزوبية عرفني على البط كله دجاج محروق من عند ابو هنود.

أييييية "أبن البط عوام"

سلمت يداك يا مولينكس


اخوكم/ أبو كلام كثير

هههههههههههههههههه

يامرحبا والله ومسهلا ... بالغالي

شرفتنا أخوي جواد ...

الطبخه تراها قريب جدا ... وأنا متأهل .. بس الفكره من العزوبية ..

حكاية أربع أصابع ما خذها من الوالده الله يحفظها ... وترى أخوك

أخو يعجبك ... والله ما بقى غير البعران اللي ماطبختها :D

على فكرة قرأت لك مواضيع وعرفت أنك في جده ... ولو إنك عندنا

في الرياض كان والله أبشر بالعشاء والعلوم الزينه ...

بالنسبة للدجاج يمكن عندكم متوفر لأن فقيه عندكم يكت عليكم كت

من هالصوص ... لكن هنا جالسين نتصيد الطيور المهاجره :p واللي في

حديقة الطيور المحميات ..... بعدين اذا لقيت أرانب ولا ركب مشها خلها

تروح:D:D لاتدقق ....

تحياتي الوتيرة لشخصكم المبجل ...

أخوك اللي تحداك في كثر الكلام ....

[الهُمامْ]

هههههههههههههههههههههاااا اااااي
أولك عسيبووووه شو هيدا يأطع حريشك خيو ..

بس بصراحة عليك مفردات عجيبة افهم ويحده وعشر افوتها ..
تسلم على هالطبخه .. الانارب ..
والله شكلك مريح ام عمر ..
*
*
*
على العموم لاتنسانا يالعزوبية بمثل هالطبخات السهلة الحليوة وبالتوفيق :)

[معشوق غرابيل]

من الخطأ الشائع في المنتديات وهو كتابة ( إنشاء الله ) بهذا الشكل ، وهي بعيدة عن المعنى المقصود ..

والصحيح أن تكتب هكذا ( إن شاء الله ) كما هي في القرآن العظيم لكي لا يختل المعنى ..

ولهذا وجب التوضيح