اول مصافحة لي في المنتدى اتمنى ان ترتقي لذائقة الجميع
[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياصاحبي يالمشعلي ويش سويت =الوقت غيَر في طبوع اصدقانا
اللي زعل صوت له الشر تصويت =واللي بقى يضحك علينا عدانا
لين انهم كثروا علينا الشماميت =هذا مقابلنا وهذا ورانا
والقافلة تمشي ولا ردها الهيت =وان باروا الاصحاب حن ماعلانا
بالعز نطرخ ونتسابق على الصيت =ومن فازبه منَا مكمل حدانا
مابيننا ضغن الكبود المكابيت =اللي بتيطي ماتذري ذرانا
الود والتقدير في كل توقيت =والسمع للماجوب كانه دعانا
ناقف ليا جات الصمايل عناتيت =ونحطها في زور من هو نوانا
واليا حصلت بعض الهروجالمفاليت =مانستمع لفلان ولَا فلانا
أكبر من اعلوم الردى والهتاهيت =واقرب من الاخوان قدرٍ وشانا
وان وصل في الموضوع حد الشباريت =انبادل المخطي بطيب وليانا
ونقول يالنقال عذراً تماديت =التفرقة ماهيب بين الخوانا
تتعب على التفريق وان رحت وان جيت =حنا على اللي قد مشوا فيه آبانا
صحبة وفاء ماهزها ريح تشتيت =تبقى معا الاجيال مهما حدانا
دوَر وتلقى غيرنا يوم ناديت =خوة رجالٍ ماعليها ضمانا
في مصلحة ولاَ مكابر ابلفيت =ادنات شعرة يفلتون العنانا
عساك عالقوة مجمل ولا اخطيت =عليك في تفريقهم لاتوانا
وحنا بيبقى غلك ابقلبك الميت =ماهزنا صفق الهبوب وسفانا
[/poem]
رد مع اقتباس
المشاركة الأصلية كتبت بواسطة أبوعبدالرحمن
