سبحان من هو عالمن كل الاحوال
سبحانه وسبحانه وجل شانه
سبحان من هو بدل الحال بالحال
الواحد القهار سر وعلانه
من بعدها مافيه شين ترى محال
والكون زايل لو يطول زمانه
امس وهم عندي كثير الازوال
واليوم وينهما عسا في جنانه
اقفو وخلو ها لمقبله الاجيال
والموت دربن كلنا بامشيانه
قد راح عايض طيب الذكر والفال
وراح الطريس مقفين بتبعانه
اللي لهم في سكه الطيب مدهال
ولهم ترى عند الجماعه مكانه
عسا لهم في جنه الخلد منزال
وعسى لهم فيها قصور ومكانه
دنيا تدور وكلها شمس وظلال
والله والله ماعليها ضمانه
والادمي لو هو جمع كل الاموال
لوهو جمع مالاقدرت احصيانه
لابد مايومن يزولن ويزال
ولابد من يومن يجي في كفانه
واختامها صلو على سيد الال
اللي ومرنا ربنا بتبعانه