السلام عليكم ورحمة الله وبركاته
ماسمح قلبي يروح ولا يرى
زول محبوبه ولو هو من بعيد
آه واويلاه ياليته درى
كيف حبه في حشا روحـي يزيـد
أو درى إني منه قد حالي برى
ذايب بالي عقب ماهو حديد
وإن من الأبعاد موحي المقبرا
يحفرونه لي وموقن بالوعيد
يا لزيمي قول للي يحفرا
يوسع الملحد على شان اللحيـد
ويحجز بيني وما بين الثرى
عن عظام ناحلات كالجريـد
وانت يا دفان ياللي تقبرا
يامهيل الترب بالسرعـة مجيـد
حط من فوق القبر حتى يرا
بنيتين كالنصايب لـه شهيـد
يعرفون القبر من جا ينظرا
يعرفونه قبر مذبـوح الوديـد
قبر من صان المودة واسترا
قبر من لاخان عهـد للعهيـد
كود لا من جاه علمي يذكرا
وانعتوا قبري لمعلوقي وكيـد
ياتي لقبري ويذكر ما جرى
يوم انا وياه في الدنيا عضيـد
ويترحم بالدعاء لي من قرا
يوم خلاني وسط قبري وحيـد
مما راق لي
و سلامتكم