حياة أنت تمنيت تعيشها

[الشوق الحزين]

أعضاء غرابيل شباب أو بنات

دائماً أجلس أفكر بيني وبين نفسي
هل انا عشت الحياة الي ابي أعيشها

طيب أنت انتي
حياة تمنيت تعيشها ؟
امنيات بقلبك ؟
طموح ؟
تخصص تمنيت تدرسة ؟
مشروع تمنيت القيام به ؟





مثلاً حياة أي أنسان تمر بمراحل
الطفولة ماكنت أفكر بهذه الاشياء عادي حسيت انها عدت مرحلة الابتدائي
المتوسط لا كنت ساخطة على العادات والتقاليد وعلى القبيلة تمنيت اني امي والا ابي اجنبي
علشان اعيش حياة مقاربة الى حياة صديقات لانهم fre وأنا أهلي من المحافظين طيب
مرحلة الثانوي :- نوعاً ما كان فية شوي رضى عدت ولا كنت احس بشئ
بعدين في الجامعة أول مرة تمنيت اني قسم هندسة والا أحد الاقسام الطبية
علشان أعيش حياة مقاربة من صديقاتي طلعات اثناء دوام الجامعة كوفي شوب ووناسة
بعد الجامعة أول مرة اتمنى شئ
تدرون وش امنيتي غرفة بفندق اعلى دور تطل على الاماكن العامة أعيش فيها لحالي هع لاتقلون ممكن تصير ادري صارت لي فندق بس اقصد لحالي مو مع احد هدوء استرخي اشتغل على الكمبيوتر انظر الى التلفاز اطلب كوفي واستمتع بهدوء الليل واطل مع النافذة على العالم يوه دخلت جو
امنية ثانية اروح لندن 7 سنوات لاتسالون لية كذا مزاج اعيش بغرفة بفندق واعتمد على نفسي وابني نفسي من الصفر أفتح لي مكتب هندسة شفتوا عندي طموح
المهم
هذا حياة تمنيت اعيشها ورجاء رجاء ورجاء حار لاتخالطون الامور ما اطالب بالانفتاح هذي امنيات بقلبي فقط تمنيت تصير
ولا تخلطون أمور الدين

حبابي أنتظر ردودكم ودمت بحب
مع خالص شكري وتقديري
ملاحضة : حبابي هذا ما يعني اني مو راضية عن حياتي الحمدلله اعيش بصحة وعافية مرتاحة من الجانب المادي والصحي لكن اشياء بقلب الانسان ولايعني كتابة الموضوع سخط على حياتي لا بالعكس افكار تمر بفكري وفكر الكثير دمت بود

[لذيــــــــــذ]

كيف تعيشين لحالك بغرفه ما تخافين يجيك ابا الحصين ياكلك ؟
انا ما تمنيت اعيش حياه غير اللي عشتها ...
صحيح ان فيها احزان لكن كان فيها وناسه طلعة بر وقنص وصيد ضبان وجربعه واباعر نحتلبها ومكاشيت بالبران وقت الامطار يا ليت لو اقدر اترك الوظيفه عشان اتفرغ لهواياتي ذي
والامنيات كثيره بعضها تحقق وبعضها روح مراح مقيط ورشاه وبعضها الله يجيبه ...
والطموح ماله حدود ...
اقولك شي ؟
الله يعين زوجك عليك هههههه ...
يسلمووووو على الموضوع ...

تحيتي ...

[الشوق الحزين]

اقتباس:
المشاركة الأصلية كتبت بواسطة لذيــــــــــذ

كيف تعيشين لحالك بغرفه ما تخافين يجيك ابا الحصين ياكلك ؟
انا ما تمنيت اعيش حياه غير اللي عشتها ...
اباالحصين مصطلح بدوي ذكرني بجدي المهم
لاوالله أخوي ابي اعيش بهدوء
طيب صحيح ان فيها احزان لكن كان فيها وناسه طلعة بر وقنص وصيد ضبان وجربعه واباعر نحتلبها ومكاشيت بالبران وقت الامطار يا ليت لو اقدر اترك الوظيفه عشان اتفرغ لهواياتي ذي
والله أتفق معك 100% على طلعة البر بس الباقي لا ضبان ................................الخ لا عاد وقت الامطار الوناسة وقمة الرومانسية
والامنيات كثيره بعضها تحقق وبعضها روح مراح مقيط ورشاه وبعضها الله يجيبه ...
حلوة مقيط ورشاة أمين الله يجبية
والطموح ماله حدود ..صح
اقولك شي ؟
الله يعين زوجك عليك هههههه ..بدون تعليق هع
يسلمووووو على الموضوع ..

تحيتي ...
ولك الف شكر مشكور على المرور

[عجيز حارتنا]

عندنا امنيات تسثيره **

بس بشكل عام يارب لك الحمد

تبقى الامنيه جمالها بانها امنيه


يعطيك العافيه

[الشوق الحزين]

اقتباس:
المشاركة الأصلية كتبت بواسطة عجيز حارتنا
عندنا امنيات تسثيره **
والله الي فاهم يرد علي هذي سبة والا
بس بشكل عام يارب لك الحمد

أكيد يارب للك الحمد بكل وقت

تبقى الامنيه جمالها بانها امنيه

وجهة نظرك انتي OK نرحب بها هنا في غرابيل

نتقبلها في غرابيل بس ؟؟؟؟ دائماً يسألون يوم كنا أطفال وش تتمنى اذا كبرت ؟؟؟؟؟؟؟ طبعاً كل الاطفال طبيب مهندس معلم
ولا واحد فيهم طلع من هولاء هع
الا وحدة اعرفها من اعز اقاربي كنت اسألها وقالت دكتورة فعلاً هي الان في اكبر مستشفيات السعودية وتحضر نفسها لبعثة خارجية


يعطيك العافيه


ويعافيك يارب مشكورة حياتي على المرور

[عجيز حارتنا]

ياعل ربي يبيض وجهك الشوق الحزين

معنى تسثيره +كثيره


طيب اتمنى اني اكون عجوز ريحتهابخور زينه مصليه مسميه عندها عيال كثيييييير وبنات كثييييير مصلحهم ربي

وعندها شايب محترم ^^ فاهمها ويعينها ويحترمها والا الحب خلصنا منه بشبابنا ههههههههههههههههه

واسولف على عيالي وبناتي عن سفراتي انا وشايبي يوم كنا شباب ومشاريعنا المثمره ....

واجلس وسط المجلس واكون عمدة قبيلتنا




الشوق الحزين يعطيك العافيه فاهمين موضوعك والله وعاجبني فيك الطموح
وترى الامنيات طريق الامل والنجاح

[أنـ الذكريات ـين]

كثيرة الأماني.. ربّنا يحقق أمانينا وأمانيكمـ..


لكن عندي امنية تعجيزية.. من صغري اتمناها.. وبعجّز ولا يمكن تصير..






أبي اخت أو أخو أكبر مني.. ^^'

خخخخ



الحمد لله وضعي كذا حلو وعادي بس ودي أجرّب شعور ان عندكـ أخ أو أخت أكبر منكـ..

دايم أقول لاخواتي ياحظكمـ.. الله يخليني لكمـ هههههههههههه << براااااااااااااااااا



الشوق الحزين..


يسلمو ياعسل ع الموضوع..




تحيتيـ

[درويش]

بكل صراحه وصدق تمنيت اعيش حياة فلونه واهلها في احد الجزر البعيدة
عن الناس وعن العالم لا منغصات ولا قيل وقال ولا اش عندك وما عندك
ووين كنت ووين رايح وشفت فلان ودوووام وانتظار رواتب ومن هالخرابيط .

وهذي فلونه
YouTube - &#x202b;ظپظ„ظˆظ†ظ‡ ظ…ظ‚ط¯ظ…ظ‡&#x202c;&lrm;

[غـــربة الــروح]

اقتباس:
المشاركة الأصلية كتبت بواسطة عجيز حارتنا
ياعل ربي يبيض وجهك الشوق الحزين

معنى تسثيره +كثيره


طيب اتمنى اني اكون عجوز ريحتهابخور زينه مصليه مسميه عندها عيال كثيييييير وبنات كثييييير مصلحهم ربي

وعندها شايب محترم ^^ فاهمها ويعينها ويحترمها والا الحب خلصنا منه بشبابنا ههههههههههههههههه

واسولف على عيالي وبناتي عن سفراتي انا وشايبي يوم كنا شباب ومشاريعنا المثمره ....

واجلس وسط المجلس واكون عمدة قبيلتنا




الشوق الحزين يعطيك العافيه فاهمين موضوعك والله وعاجبني فيك الطموح
وترى الامنيات طريق الامل والنجاح



ههههههههههههههه


اي بالله امنية حياتي


ويمتلأ بيتي باحفادي واتعامل معهم معاملة راقية


واكون الصدر الحنون لاولادي والداعم لهم في تكملة مسيرة حياتهم


امنيات يا الشوق لان اللي فات علينا لا يمكن نعوضه ابي امنيات يمكن تحقيقها



الله يعطيك العافية على هالموضوع

[حلم السراب]

راق لي هالموضوع الاماني الاحلام كثيره مدري ح سيت بودي ماقلتيه اروح بفندق اسكن لحالي ماشوف اي احد اعرفه ماعرفه ولااي احد اخذ قلم اسود ودفتر احمر واوراقه بيضا ء واكتب لاني احب الكتابه يوم يومين شهر شهرين مدري لاني مرتبطه بوظيفه والتزامات ثانيه يعني معندي وقت لهويتي الي احبها احلم اصير كاتبه مشهوره والكل توقع اصير بس كانت كلمه لا............احب اسافر احب السفر كثير سافرت بس ودي بالندن كثير ولكن اظن ماتصير احب اجمع الفقراء واجلس معهم تصير بس موكثير اريد اجلس بارض خضراء مافيها احد غير انا وكتبي واقر اواقرا ياشوق اثارني موضوعك سلمتي على الطرح

[غلا أبوها]

يالبييييييييييييييه يالموضوع ..


والله تمنيت كثيرر وحلمت كثيرر وماتحقق الي آآبييييييييه .. والحمد الله على كل حآآآل رآآضيه بالي ربي كتبه لي ..

طفولتي .. كنت آآتمنى آن آآبوي يكون رآآآعي البقاله .. عشان آآشتري البقاله كلها

وآآتمنى آن آآبوي يخلينا نبيت عند جدآآني وخوآآلي آسبوع ..هع

المتوسسسسط .. كنت آتمنى تنهد المدرسه وتغيب آبله نوره .. ونعيشش لوحدنا بسس بنات بالبيت << ونااسه

الثانوي .. تمنيت آآني موب سعوديه عشآآن آآسوق وآآروح لصحابتي ونفلها وتسذآآآآ ...

وآآمنيه شوي تضحك آآآقابل الآمير نواف بن فيصل فيسسس لفيسسس

وكنت آتمنى آآجيب عيال وآتزوج

الجامعه .. تمنيت آدخل تخصص .. آآعلام .. آداراه وآعمال .. آنجليزي .. آي تخصصص من هووذلي وللآسسف مادخلت

والحمد الله على كل حال .. ودخلت تخصص تاريخ ودجيت بالجامعه وآآحلم آآني آآتوظف وآآدرس ماجستير

وآآحلم آن آسافر لو حدي آآغير جوو

حآآآليا .. تحققت آآحلى وآآجمل آآمنيه تمنياتها بحياتي زوواجي << وهــ فديته عوضني عن كل آحلامي ..


وعوآآفي يالغلا ..

[نـــوور]

لــــــــــسى ... انتظر تحقيق أمنــياتي

وظيفه حكومي

بيت العيلة

فارس الأحلام




النونو



تهي تهي .. نحنو بانتظار لياااااااااا متى...<<< عاشت جو

[الشوق الحزين]

اقتباس:
المشاركة الأصلية كتبت بواسطة عجيز حارتنا
ياعل ربي يبيض وجهك الشوق الحزين

معنى تسثيره +كثيره


طيب اتمنى اني اكون عجوز ريحتهابخور زينه مصليه مسميه عندها عيال كثيييييير وبنات كثييييير مصلحهم ربي

وعندها شايب محترم ^^ فاهمها ويعينها ويحترمها والا الحب خلصنا منه بشبابنا ههههههههههههههههه

واسولف على عيالي وبناتي عن سفراتي انا وشايبي يوم كنا شباب ومشاريعنا المثمره ....

واجلس وسط المجلس واكون عمدة قبيلتنا




الشوق الحزين يعطيك العافيه فاهمين موضوعك والله وعاجبني فيك الطموح
وترى الامنيات طريق الامل والنجاح



ههههههههههههههه


اي بالله امنية حياتي


ويمتلأ بيتي باحفادي واتعامل معهم معاملة راقية


واكون الصدر الحنون لاولادي والداعم لهم في تكملة مسيرة حياتهم


امنيات يا الشوق لان اللي فات علينا لا يمكن نعوضه ابي امنيات يمكن تحقيقها



الله يعطيك العافية على هالموضوع

الله يعافيك يالحب تأخيري بسب ظروف الحياة العابرة

[سوسو]

كل بنت في هالدنيا تتمنى انها تتزوج ويرزقها ربي بأاولاد وتكوون سعيدة بحياتها الزوجية

وكذلك تتمنى ان يكون لها وظيفة حتى لاتحتاج للأخرين وتحب ان تسافر وتمتع نفسها ولكن الحياة الدنيا اغلي من ان يمضيها

الانسان في مثل هذة الامور والسعيد الحقيقي من عاش في هذة الدنيا بما يرضي اللة ويرضي والدية ويكون لة بصمة في هذا المجتمع حتى يحبة اللة ةيحبة الناس قال الشاعر (وليست السعادة جمع مال ولكن التقي هو السعيد)

ولكى منى اجمل تحية

[منبع الإبداع]

آآآآآهـ يالموضوع دموعي بعيوني محبوسه لما قريت الطفوله والأمنيات والحياه والهم ..

حياة كنت أتمنى أعيشه كل شيء تمينت أعيشه تحقق ولله الحمد ولكن ...!!

لكن هذي تحتاج مذكرات والله يعينكم علي اليوم ..

بالنسبة لي أنا يامن أكتب لأهرب ..

وأهرب لأرتاح

وأرتاح لأبعد عما يضيق صدري من هالدنيا بما فيها ..........

تمنيت أكون مثالي في حياتي وصرت وليتني ما صرت ..

تمنيت أبني فيلا وبنيت وليتني ما بنيت .من راتبي طبعا ولم يتمنن علي أحد ..

تمينت أتزوج وهذي الحاجه الوحيده اللي ما تحسفت عليها .. وليتني مبدر فيها ..

تمنيت أشتري سيارات وأشتريت اللي في بالي من راتبي ولله الحمد ..

تمنيت أبيع الفيلا وأعمر فيلا جديد وفعلا بعتها قب سنتين وألحين بدهان الفيلا الثانيه وعلى وشك تنتهي ..

تمنيت كل شيء والحمد لله حصلت عليه ..

أن أبوي الله يرحمه أعيش معه أكثر وأكثر لأنه مات وأنا صغير ( يابعد عمري يابوي )

اللي تمنيته فقط يكون عمام فيهم من ريتحة أبوي .. وعيال عم ...

تمنيت أني ما أكون مظلوم من خوالي وماصار لأني انظلمت كثير ومازلت أعيش في ذا الظلم .

تمنيت أن يكون لي صديق صادق مخلص للأسف اغلبهم مصالح ...

تمنايتي كثير بعد بس .......... يمكن لي عودة

كل الشكر لكـِ يالشوق ع الأختيار الرائع .

تسلم يدك