[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي تدورم شكلة فالمشكلة وش تستفيد=ان طعتني ريح ركابك والمشاكل خلها
ترى المشاكل ماتفيد الرجل بالعلم الوكيد= والناس ماهية على كيفك تبي تحتلها
خل المشاكل خلها وابعد عن الفتنة بعيد=الا ليا وصلت حقوقك فالسيوف أستلها
محداً يلومك فالخطا ياراعي الباس الشديد=لكن واجب ماتسرع والدروب ادلها
كم واحداً وضيفته بين البشر ساعي بريد=ياخذ علومك يم ناس وجابلك هرجاً لها
مايستريح ولايهيد الا يبى الفتنة تزيد=الله ولا ناساً هذا منهاجها وطبعن لها
وليا سمع ناساً تسب افلان سب ابدون قيد=اخذ طرفهم والعلوم أمورخه بسجلها
لوكان ماجاء منه منقوداً ولامداً زهيد=أيجامل الحضار لجل اعيونها ورضاً لها
وترى العلوم الطيبة تبقى مع الطيب رصيد=ولا العلوم الثانية لعلها لعلها
ذية نصيحة قلتها وانا ولد ذايب رشيد=اناماقول الكلمة الاقدها وكفواً لها
[/poem]
رد مع اقتباس
