[poem=font="traditional arabic,7,skyblue,normal,normal" bkcolor="darkred" bkimage="" border="none,4," type=1 line=0 align=center use=ex num="0,black""] ليه الغرام يعذب النفس تعذيب=ياكثر من يشكي عذاب المحبه
قالو جريح الحب ماظنه يطيب=وقالو سقيم البيّن معدوم طبه
يعني الهوى لوعات نار ولواهيب= أجل بلاش أغلي حبيبي وأحبه
ماهوصحيح..للحب شرع ومطاليب=من لا عرفها طاح طيحة مغبّه
الحب له قانون وشروط ترغيب= ولايجي حب ً على غير رغبه
والحب فن وطرق تعامل وأساليب=ولفت انتباه الشخص يمك وجذبه
وشعور ذاتك يم ذاته مكاتيب= مسجات ترسل بين قلبك وقلبه
والشوق ماهو لازم ان خلك يغيب= بعض البشر تشتاق له وأنت جنبه
وبعض المحبه فرض عين ومواجيب= وبعض المحبه سنة ٍ مستحبه
نعم غرام الحب نار ولواهيب= لاصرت تجهل غاية الي تحبه
لاتدفن أحساسك بدوامة الغيب=حاول تبين شوق بعده بقربه
ترى كلام الود والحب والطيب= يصحّي الغافل سوات المنبه
كم شخص عايش في هموم وعواقيب= يمثل أدواره بعشره وصحبه
وبعض الهوى مكروه لاصار أكاذيب= كلمة أحبك من ورى القلب صعبه
الحب جنّه في حلاها تعاجيب=فردوس بالدنيا وريضان رحبه
والحب فطره لا محرم ولا عيب= لاصار من يملكه بكتاب ربه[/poem]
[align=center]
شعر ابراهيم بن محمد ناشب
[/align]
رد مع اقتباس
(الحزن الرغيد)
