مــدخــل --
يـاهم نفـسي خالقـك رب(ن) كـبيـر .
.......... سبـحانـه الـخـلاق فـراج الهـمـوم .
تصبـري يـانفـس بإحسـاس وضميـــر .
......... يـمكن بعـدوقت الشقـا حظـي يقـــوم .
*******
أرتـاح لـقـلت كيـف الـحـال وشلـونك .
........ وأدخـل معـك جـو في هرجـك وضحكـاتـك .
الله يـخليـك ويـخلي لـك عيــونـــك .
........ ويـحمـاك مـن نـظرة الـحـاســد لـيـا جــاتــك .
*****
أدخـل بقلـبي يالغ ـلأ وأستحـلـه .
....... وأبن الـقـواعـد في زوايـاه . تـحميـك .
وأسس جيـوش ودولـه مستقـله .
....... تنصـرك لا سـاق الـجحـافـل معـاديــك .
******
أجـامـل المبسوط لو خاطري شين .
........ وأضحك وأنا عايش طقوسي .
واحلم ترى الأيام تبغى حلمين .
........ لا صرت لا كافر ولاني مجوسي .
حطمتني فالحب يا كامل الزين .
........ تحطيم عدواني بصاروخ روسي .
******
أسقيت حبك صافي الود ياود .
......... وكلفت حالي في محبتك تكليف .
معزتك في ذمتي مالها حـد.
........ لو جيت أُوصفها تضيع التواصيف .
********
حييت يالبى العرب وين ماكنت .
......... ولا على ماقيل يا مرحبا السـاع .
على أتصالك ياهـوى البال لاهنت .
......... من صوتك الجذاب بَرَيَنٌ الأوجـاع .
غزيتني من قو باسك وهيمـنت .
.........لين الجوارح أخضعت لك بالأجمـاع .
*******
منـين مارحت يالغالي معك روحي .
........ تروح وياك كنك مبتصـر فيـها .
ماودي الإ عليك تعالج جـروحي .
........ في خافقٍ عن جميع الناس مخفيـها .
*******
الناس فيها من يحب ويخوني .
..... وأنا ليا حبيت مافي حيله .
أشتاق لك من قبل تابس غصوني .
..... وأرتاح لك في كل يوم وليله .
*******
يازين صارحني يـابو هرج معسـول .
........ ترى التراخي بالمحبه مداني .
وان كان مالي فايده معك لحول .
........ على طريق التسليه لا تحداني .
******
أنا عشقت الصوت من قبـل أشوفك .
....... وعلمتك أن حظي ردي طايحٍ تحت .
وعذرك من الصـوره تحدك ظروفك .
....... وقدرت عذرك لجل صوتك وسامحت .
********
صـوتك دخل مع طبلت أذني بالجوف .
......... حتى تمكن داخل الجوف بعضاي
انا عليك أغار والقلب به خوف .
........ أخاف تتركني مع الرايح الجـاي .
من صوتك أغليتك ولا غيرك أشوف .
........ واطلب من الخالق تسوي سواياي .
*********
أسأل نجوم السماء يوم خلق الله نيـم .
......... تخبرك عن عينٍ ماغمضت بجفونهـا .
والله أني معك ماشي طريقٍ مستقيم .
........ والمحبه طول عمري ماغير لونهـا .
*******
يالطيف الحشـاء يأبو العيون الكحيله .
....... كن في نظرت عيونك سهوم المنايا .
أرحم اللي قضى صبره وحاله نحيله .
....... ودون رحمتك لا تقطع جميع الهدايا .
حلتني مير أنا ماشوف فيك أنت حيله .
....... والضماير جريحه وانت عندك دوايا .
*******
مـخرج --
ياهيه ياللي محرم(ن) نفسـي الزاد .
....... حبك برا حالي وانحل عظامي .
حبك بقلبي والضماير بها زاد .
....... أنوح من فرقـاك نوح الحمامي .
أمشي واجاوب بالعرب كل نشاد .
....... مـاهمنـي قـول العتب والـمـلامـي .
وسـلامتكم .
رد مع اقتباس
