المشاركة الأصلية كتبت بواسطة عشق ليل
[poem=font="Simplified Arabic,4,darkblue,normal,normal" bkcolor="white" bkimage="" border="outset,10,darkblue" type=2 line=0 align=center use=ex num="0,black"]
تدرين وش هي الفكرة المستحيله = إني أفكّر بس في لحظة انساك
قد قالوا العاشق خفوقه دليله = وأنا خفوقي طاح في كف يمناك
وإن كان قربك يستفز القبيله = ما همني لو تزعل الخلق لرضاك
يا الفاتنة يا الناعمة يا الجميله= أنا وقلبي مع عيوني ضحاياك
يا الغالية يا العالية يا الكحيله = لا تعذلين الشعر لا قال ما اغلاك
يا المهلمة يا المبهمة يا الجليلة = الله يعين اللي يعدد مزاياك
فيك الحسن ما فيه شئٍ مثيله = يصعب على العالم يلاقي حلاياك
حتى منامي صار طيفك يجي له = والحلم يبكي لا قرب وقت مسراك
لو كان ما لي في العمر غير ليله = لاعيشها جنبك قبل يوم فرقاك
لا شفت دمعك ينتثر في مسيله = ودّي أضمّ الدمع وأبكي مع بكاك
ليه الدقايق في لقانا قليله ؟!= ما امدى أشوفك يا حياتي ولا امداك
وليه الثواني في غيابك طويله؟! = بالله من مثلي يصونك ويرعاك
ليت المواجع في عطاها بخيله = وليت الليالي تضمّني دوم واقراك
انسي الليالي القاسية والثقيله = وانسي زمانٍ مرّ من دون لقياك
والوقت الأقشر ودي أخلي سبيله = وافتح معك صفحات قلبٍ تمناك
والعاذل اللي ما لقى له وسيله = إلا يدوّر كيف تجفين واجفاك
يموت دام إن المكايد هزيله = ما يدري إني لو تناسيت ما اسلاك
لو كان في قلبه مشاعر نبيله = ما حطني في موقف الشك ويّاك
يكفي خفوقي ما قبلتي بديله = ويكفيه صدقك والثقة يوم ناجاك
أنتي الغـلا لاشك محدٍ يشيله = ولا تسألين القلب وشلون يهواك
روحي وشوفي الفكرة المستحيله = وأنتي وضميرك كان تبغيني أنساك !![/poem]
رد مع اقتباس
