صاحب السمو الملكي الطالب

[اللوفر]

أخواني الطلاب الكرام

أيها العباقرهـ الكرااام

يامن حاربتم ببسالة في الأيام الماضية

يامن قاتلتم بشراسة

ومنتصرين بإذن الله

هانحن اليوم نخرج ****اتنا على اسياد من كنا نحاربهم

^^^^^

كيف المهايط اللي فوق

المهم تخيلو معي الحين يالله

انا العلماء الي اكتشفو المواد الي ندرسها

مجتمعين في برنامج

المهم جا إتصال من صاحب السمو الطالب الكريم

تابعو معنا وش قال صاحب السمو الطالب الكريم

طبعاً العلماء الموجودين هم علماء

الرياضيات

الفيزياء

الكيمياء

النحو

تابعو معنا ماذا حصل

::

::

مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو

الطالب : وعليكم السلام ياخي الحين انتم جالسين تبربرون هنيا

ولا تدرون وش القصة

عطني عطني علماء الفيزياء الي جمبك بالله
عالم فيزياء : هلا والله طال عمرك

الطالب : انت تعال تعال الحين الي معي نيوتن ولا انا غلطان ؟

عالم فيزياء ( نيوتن ) : اييه نعم ياطويل العمر معك نيوتن ملك الجاذبية

الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل ياكلب الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!

نيوتن : ........................ ( يعني ساكت هع )

الطالب : عطني عطني عالم الرياضيات الي جمبك عطنياهـ .

عالم الرياضيات : مساك الله بالخير ياطويل العمر

الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش هاهـ وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم ياخي والله عيب ياخي عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياهـ .

فيثاغورس : هلا والله ياطويل العمر

الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه لييه قامت عليك القيامه بلا هاهـ ليه ؟ جاوبني ليه ؟

فيثاغورس : هذا العلم طال عمرك العلم ..!

الطالب : قل قسم .. هذا علم ..! والله احسبه بوفيه تبيع كبدهـ .. ادري انه علم
انا اقول وراك مسوي فيها ذيب وجالسلي تكتشف لييه هااهـ لييه

فيثاغورس : عشان طال عمرك نشغل مخنا

الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالسلي تبربر هنيه ولا تدري وش السالفة عطني عالم الكيمياء الي جمبك عطنياهـ .

عالم الكيمياء : هلا والله طال عمرك

الطالب : لاهلا ولا مسهلا ابسألك سؤال لو سمحت .. انت حمار ؟

عالم الكيمياء : لا وش دعوى طال عمرك

الطالب : الا حمار الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياهـ

رذرفورد : هلا والله

الطالب : ياخي انت مريض ياخي ياخي خل الناس في حالها ياخي جالس تفتش الذرهـ وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك ياخي .

رذرفورد : بس ياطويل العمر ...

الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه

سيبويه : أهلاً وسهلاً بك ياصاحب السمو

الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاهـ أخبرني لماذا هل سندخل الجنه ان عرفنا اين المضارع واين الماضي اجبني يافتى ؟

سيبويه : لا طبعاً ياصاحب السمو

الطالب : اجل مرهـ ثانيه تلايط ولا تسوي فيها ذيب .

مقدم البرنامج : بس ياطويل العمر انت يعني

الطالب : اقول انتم اظاهر ماتربيتو تبينا نربيكم بنربيكم جالسينلي هنا تبربرون ..

عالم ( عندهـ واسطه ) : لاياطويل العمر حنا متربين

الطالب : لاماتربيتو لو انكم متربين كان ماسويتو الي تسوونه .. الحين انتم جالسين فاضين وكل واحد يشر للثاني هاهـ ابوفلان نكتشف شي جديد يالله قدام .. وحنا الي ناكلها ياكلاب .

مقدم البرنامج : ياطويل العمر انت فاهم الموضوع غلط حنا راح نوضحلك ..

الطالب : طوط طوووط طوووط <<< سكر بوجيهم
::

::

^^^^

يالبيه لو يصير صدق بس

المهم وفي الختام أتمنى اني طرحت الإبتسامة في وجيهكم <<< حلوهـ طرحت الإبتسامة

[نواف الغلا]

أقول عطني اللوفر الماسي :
انت الحين من الي قالت تحلل وتبربر عن هالعلماء . . الظاهر انك تبي من يمحطك بالعقال هنيا . .
عطني المشرف الي على القسم :
انت الحين وشلون تسمح لهذا الي شسمه : اللوفر يكتب في منتدانا . . المفروض تخلونه مراقب عام . . كل هالزين وعضو عادي
هذا ثروه كبيره . . وأعجبتني روحه الرياضيه بطبيعة الحال . . بطبيعة الحال . .


خخخخخ نمزح معك . . وماقصرت على هالسوالف الي مزعت سبدي من الضحك

[IMG]http://java21.********************************************/files/73579.gif[/IMG]

[سر جمالي عفافي]

ههههههههههه ..
لو من جد نيوتن سيبه لي والله لأطلع روحه...
زي ما طلع روحي في الرياضيات...

مشكووووور أخوي والله رسمت الأبتسامه عن جد...
تقبل مروري..

[اللوفر]

أقول عطني اللوفر الماسي :
انت الحين من الي قالت تحلل وتبربر عن هالعلماء . . الظاهر انك تبي من يمحطك بالعقال هنيا . .
عطني المشرف الي على القسم :
انت الحين وشلون تسمح لهذا الي شسمه : اللوفر يكتب في منتدانا . . المفروض تخلونه مراقب عام . . كل هالزين وعضو عادي
هذا ثروه كبيره . . وأعجبتني روحه الرياضيه بطبيعة الحال . . بطبيعة الحال . .


خخخخخ نمزح معك . . وماقصرت على هالسوالف الي مزعت سبدي من الضحك

[img]http://java21.********************************************/files/73579.gif[/img]

هلا هلا يانواف


تحلل وتبربر نسيت كلمة يامسلم ههههههههههههه:مزون:


منور

[بندر النايف]

ذكرني هالموضوع بإتصال كان في الرياضية السعودية

<<< يبي يورط اللوفر ههههههههههههه


أضحك الله سنك أخوي وكلش إلا السياسة ^_^

[همس الرووح]

المناقشة حلوة وايد

[أنين الورد]

خخخخخخخخخخخخخخخخ
اللللله يغربل بليييسك
موتني ضحك

[سديم الفجر]

(جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم)
هههههههههه ناس ما تحمد ربها على النعمة يا صاحب السمو طال عمرك

يعطيك العافية بجد أمتعتنا بموضوعك

بس لو تركت (سيبويه) ما يستاهل الرجال والله يا إنه ونحوه شيئ يفتح النفس ويكسر ملل الحصص^!^

بحفظ الرحمن

[دفنت قلبي ~]

هههههههههههههه

يستاهلون الكلاب >>> امزح هههه ترقع

مشكور على موضوعك الرائع نورت الغربلة


تحياتي...


ا

[شمــوخ الأصآآيــل]

رذرفورد ..دالتون..مندليف وماير..موسلي
هايزينبيرغ صااحب مبدأ عدم التأكد..والشله كلهم (علماء الكيمياء)
لو امسك لو واحد ابرد حرتي فيهم..عالم فاضيه ذرة والالكترون ..الخ


اللوفر تسلم موضوع يشفي الغليل..

تحياااتي

[غلا أبوها]

أقول اللوفر الماسي

انت من قال لك تنزل موضوع فيذا ولا بعد تبربر على نيتوون وشلته هو ماعندي شغله الا انت


<<< براسها هوواش من ذاك اليوم


ههههههههههههههههههههههههه هه

أبدعت أبدعت أبدعت أبدعت بموضوعك

وبالتوقيت المناسب مع بدايه الدراسه

وكلمة ابداع قليله بعد

أضحك الله سنك وهاذي المواضيع الزينه

وبردت حرة الطلاب

ولاهنت أخووووي

[لطلتي هيبه]

احسست بان كاتب الموضوع طالب وشكى همومه بسبه وشتمه للعلماء..>>وش عندها الاخت..
يعطيك العااااافيه..
بانتظااااااار جديدك..

[[ شفق ]]

ههههههههههههههههههههههههه هه
ههههههههههههههههههههههههه هههه

ما بقّى وآاحد الله يهبله قنبلة
الف شُكر و سلمت

[ شفق ]
~

[اللوفر]

ههههههههههه ..
لو من جد نيوتن سيبه لي والله لأطلع روحه...
زي ما طلع روحي في الرياضيات...

مشكووووور أخوي والله رسمت الأبتسامه عن جد...
تقبل مروري..

نيوتن اجل هههههههههههه



منوره

[اللوفر]

ذكرني هالموضوع بإتصال كان في الرياضية السعودية

<<< يبي يورط اللوفر ههههههههههههه


أضحك الله سنك أخوي وكلش إلا السياسة ^_^

لا يابندر هذا موزوع خاص بغربله ولا دخل لسياسه هنا...!


وكلن فداء لهذا الوطن المعطاء


<<بلع ريقه ههههههههههههههههههه