[read]
والله الموضوع مش ولابد ,,!
اولا انتي لو جاك وولد ماله اصل ولانسب !! بتقبلين فيهـ ؟
ماتوقع لان احنا تبنتا فطرة وبيئه مرتبطه بالاشياء هاذي يعني لزوم يكون له اصل ونسب والخ ,,
وفعلا اجدادنا ماحاطو هالقانون الا لاسباب معنويه ونفسيه واجتماعيه...
يعني لو انتي قبلتي باللي ماله اصل لكن معه اخلاق ودين ومكانه او شخص عاتي اوك ,, عيال اختك ابوهم ولد قبيله ,, بيجي يوم يتكلمون بالاشياء هاذي ويتفاخرون فيها وبانجازات ابئاهم واجدادهم !!
انتي عيالك وش بيسون وقتها بتنجرح مشاعرهم ويتعبون وبيرجع هالشي عليهم نفسيا سالب بحياتهم ’’ مراح يفكرون وقتها باخلاق ابوهم او شي ثاني بشخصيات اللي ينتمون لهم ..
وعاتي في قبايل تزوج قبايل ثانيه بدون اي مشكله ,,
وبنسبه للموت كلنا ماشيين بهالطريق واحنا ماعشنا بالحـــياة وحكمتنا هالقوانين الا لمصالح الانسان ومصالح الفطرهـ ,,
يعني كل شي اللي تسمونه عادات وتقاليد وضعوه ناس واجداد قبلنا ويمكن ماعندهم الثقافه الكافيه لوضعهم بهالقوانين ,,لكن احنا اقتنعنا فيهم ومشينا على طريقهم ,, وماعترضنا يمكن انزاحنا شوي وطورنا او غيرنا بتقاليد والعادت شوي لكن مهما سوينا وفعلنا نبقى تحت رحمه العادات والتقاليد وفيها اللي موجب وسالب ..
بس حتى بزمن الماضي كانو مايزوجوون اللي مالهم اصل يعني الاغلبيه مو كلهم لانهم يشتغلون عندهم وغيره ومالهم شي يبثتون فيه انفسهم ولانسبهم ,, فكانو ياخذون من اللي نفس وضعهم ومشت الحياة ومشينا احنا على هالمسميات ..
يعني مرات نحصل ولد اخلاق ودين بسس ماله نسب يرجع له او مو ولد قبيله لاكن افضل بكثير من ولد قبيله ,,
وليش البنت تقعد تتنظر ولد عمها او خالها بأأأي حق يعني شنهي الداعي اللي تتنظره !!
يمكن انتي تتكلمين عن مجتمع محدود وليس الاغلبيه !!
انا عن المجتمع اللي اشوفه وعايشته والاغلبيه كذالك انهم مايحكمون للبنت انها لولد عمها الا اذا صار شي رسمي واعلاني ,,
ومو شرط البنت تاخذ ولد عمها او خالتها او من فخذها عاتي من اي قبيله اهم شي ان له اصل !!
وجهت نظري الصراحه ماارضى ان بنت عمي او اختي تاخذ واحد ماهو قبيلي نهائيا لاندراجه تحت اصناف شبه سلبيه مستقبله عديده ,,
ليش جدي ماخذ وحده ماهي قبيله لانه عارف شنهي الضرار النفسيه اللتي تلحق بوالاده بعدين ,,
الحين حتى لو هي اخذت من قيبله ثانيه تسمع بعض الكلام التجريحي شلون عاد اذا اخذت واحد مو قبيلي !!!
وش بيكون الوضع ,,!؟
موضوع متميز ورائع ولاكن لانتسطع باحرفنا تغير مجرى اتبعته دهور وعصور وقبايل مضت عليها سنين ,,
تحيتي لك ,,
[/read]
رد مع اقتباس
المشاركة الأصلية كتبت بواسطة لذيــــــــــذ
