السلام عليكم ورحمة الله وبركاته
احبتي اعضاء منتدى غرابيل مساكم الله بالخير
انني مشتاق لكم كثيرا وقد غبت كثيرا بحضوري وتواجدي ولكن لم اغب بقلبي عنكم ولكنها الظروف اشد وطئا علي ومنها وفاة والدي رحمة الله عليه واسكنه الله فسيح جناته والفردوس الأعلى منها وجميع موتى المسلمين
راجيا من الله ثم منكم الدعاء بظهر الغيب لأبي ولجميع موتى المسلمين بالرحمة والمغفره
وقد كتبت هذة المرثيه بعنوان الموت فرقنا
يالله انا طالبك يارب الأرباب ** ياواسع الرحمة ومنشي الخيالي
يارب يارزاق يارازق الداب ** ياخالق الدنيا عليك اتكالي
راجيك واللي يرتجي فيك ماخاب ** داعيك وانت اللي تجيب السؤالي
ترحم ابوي اللي رحل عقب ماشاب ** اقفى وخلاني وحيدن لحالي
اقفى وخلاني جريحن ومنصاب ** واجاوب الونات ولحدن درالي
الموت فرقنا وكلن له كتاب ** ولابد ما يومن نشد الرحالي
اقفيت عني يابعد كل الأحباب ** ياتاج راسي يابعد كل غالي
ياساكنن في وسط عيني والأهداب** ذكراك في قلبي وروحي وبالي
انت الكريم اللي ملك كل الاعجاب ** وشيدت عزك فوق رووس الطوالي
وكلن شهد بالطيب يافخر الانساب ** شي ن اكيد بالمجالس يقالي
علمتني من جود طيبك والاداب ** وعلمتني وشلون كسب المعالي
وعلمتني ماعمر فعل الردي طاب ** والأجودي فعله كما الحر عــالي
وعلمتني اني فلا أكون كذاب ** وأصبر على الشدات مهما جرالي
وعلمتني أعز جاري والأقراب ** وأعز ربعي عزوتي راس مالي
يالله انا طالبك تفتح له أبواب ** أبواب خيرك ياعظيم الجلالي
وعساه بالجنة بلا ذنب وحساب ** وانهارها تسقيه عذب الزلالي
وختامها صلوا على سيد الأطياب ** أعداد ذرات الهوا والرمالي
رد مع اقتباس
المشاركة الأصلية كتبت بواسطة علي عشوي العنزي
