حزينــــه
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وتوقف في وسط عيني دموع حارقه بالحيل=وتنزل نار تتوقد على خدي بلا احساني
دموع ما يتحملها أحد صابر سوى المنديل=ولا حد حس في حزني بجوفي يتحداني
حزينة من طلوع الشمس الين يظلم علي الليل=وأناجي النجم والقمرا وطول الليل سهراني
رماني الحظ في دربه بلا موجز ولا تفصيل=مشيت الدرب متعني ولا دليت عنواني
وتهت بعالمه حتى غرقت بدمعتي بالحيل=وقلت انه بيفهمني ويتعطف على شاني
ولا ادري من بدا فينا دروس الكذب والتعليل =من المظلوم في القصه ومنهو فعلا الجاني
وفارقني وتناساني وحتى بالسلام بخيل=مابين النار والحيرة وبين الهم خلاني
وبعد سنيــــن همتني تزيد الكيل فوق الكيل=يجيني واثق بنفسه.. يحسب اني بعد حاني
رجع . ماكنه المذنب ولا واعي لكل ماقيل=يفكرني كما العاده وبنسى كل ما جاني
بعد ماحس بالوحده تجره مثل جر السيل=يقول مانيب متغير ولاني واحد ثاني
نسى أني عشت حرماني ولاعتني ظروف الويل=ونسى اني أقدر اتحداه مدام ان العمر فاني
كرهته وارفضه وارفض جميع الشرح والتحليل=وكرهت اللي من العالم يقصص كل جنحاني
أنا اقدر أهدمه وأهدم بقلبه كل حلم جميل =ولكن بتركه لله ويكـــــفي منه ما جاني
أنا مانيب مثل أول،معنّى للهموم يشيل=أنا عندي كرامه وعز مدام الأصل زهراني
دخيله يبتعد عني بلا تبرير أو تعديل =لأن الموقف أكبر من طعونه وسط وجداني
[/poem]
( بقلمي )
رد مع اقتباس
