[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
طلاسم حْروفـي تمتثـل لانزفهـا البـوح=أوسّع بهـا صـدري ولاهيـب مفهومـه
عليها غشاوه لو كتبهـا القلـم بُوضُـوح=تـوارد مـن الخاطـر ولاتظهـر عْلومـه
تسابق مع عْروقي على الخافق المجـروح=تثير الشجـن وتحـرك الجـو وغيومـه
تْداعب رنين الحس مع صوتـي المبحـوح=وتْلاعب غموض النفس لو كان محرومـه
ورى سْتار صدري من صداها بنيت صْروح=تطارد معه ورْمـوز الاحبـاب محكومـه
على نغمة العشـاق لـو مالهـا مصلـوح=تهاب الحروف مْـن المتاهـات واللومـه
تْقدّم بعد ماتستـوي مـن بخـار الفـوح=على يْديـن راعيهـا لذيـذه ومهضومـه
عسى ياعسى يفهم على الرمز والمنضوح=وأنا غامضـه والحـر ماينكـر سْلومـه
تقاليد وحـده والمواقـف تجـي وتْـروح=والانفاس مهما ينـزف الحـرف مكتومـه
معانـي هدفهـا لامستّـر ولامفـضـوح=عليهـا علاماتـي جديـده ومرسـومـه [/poem]
رد مع اقتباس
