[poem=font=",6,purple,bold,normal" bkcolor="burlywood" bkimage="" border="ridge,2," type=2 line=0 align=center use=ex num="0,black""]
اللي تبينه تم والرد ممنوع=ذنبي حياوي وإعتذاري شجاعه
يغلب علي طبعي وللعالم طبوع=يقطعك ياطبع الحسدواللكاعه
فعل الوفى والطيب للكل مشروع=بس الردي يبطي وهومااستطاعه
اللي يهد الجيروالصيدجربوع=يهين طير شايله في ذراعه
اناقلمي عن صاحبي دوم مرفوع=اشري خويي وأكثرالناس باعه
القلب ينظر كن مادونه ضلوع=يعطف ويرحم بس ماهو رعاعه
طعتك وأنامتبوع من نسل متبوع=لإني أشوفك سيده عن قناعه
لك مني الطاعه على كل مسموع=لاتنطقين أمرك بصيغة شفاعه
ياأبعد على عواد من حبة الكوع=وأقرب لقلبه من قريب الجماعه
وحده وتسوى من هل الخيرمجموع=انثى ولكن زاد بالطيب باعه
تكرم عن اللي حدهاكرت مدفوع=باعت كرامتها وصارت بضاعه
ياعلها تفداك قولي لها عوع=مالت على وجه النكد والقطاعه
لافاقد ونسه ولاشاكي جوع=الساعة اللي تبعده خير ساعه
عندي مكانتها مثل ضرس مقلوع=ذكراه لمحة صورته بالإشاعه
حده ثلاث أيام وإن طالت إسبوع=آخذ من الدكتور موعد زراعه
مقياس قيمتها من الماي قرطوع=مهماتزيدمن الدلع والمياعه
دام العلاقه بين نافع ومنفوع=قلت حياأومهزله أوفضاعه
نكبه ونشبه والمشاكل له فروع=وانا أكتفيت برايها وانطباعه
ياجودة المضمون والشكل والنوع=من لامني لاقلت سمع وطاعه[/poem]