[poet font="Arabic Transparent,5,blue,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
في ليالي ذكريات الهم وهم الذكريات
كلما صديت نفسي تستجن همومها
لوصحيح اللي تفوت تموت او مافات مات
كان ما يبقى وتبقى بالظلوع رسومها
لي مع الحاظر بقايا بي من الماضي سمات
منكسر خاطر ونفسي عن رداها اشومها
وعمري لبكره رسمته في طريق الامنيات
((واثق الخطوه ملك امشي ))و انا زيزومها
وعشره الطيب تجاره عن جميع المغريات
تشترى بالمال حتى لو تزود وسومها
ما حسب زلة عدوي واسأل الله الثبات
ما تتبع زلة الناس وخطايا رخومها
ما كتبت الشعر قصدي في السلاطين الهبات
ذل نفسي ما آرومه والمعزه آرومها
بكتبه باللي هواها علم الليل السكات
بكتبه في غاية النفس ومداد حلومها
الفتون اللي حلاها طاغي وفيها صفات
مترفه لمن حكوا عنها سمعت علومها
جادلٍ هزت كياني من خبرها ما يبات
كم قلوب هامت بعشقٍ رمته سهومها
راحت وياكثر والله في زماني الرايحات
بس هي لا والله الا صرت انا ملزومها
واه يالي من حصله من عسل هاك الشفات
والقمر لصار عنده وش يبي بنجومها
واه ووجدي عليها وجد من عاف السبات
شيخ قومٍ انكسوا ربعه وعز قرومها
من بعد عز ومعزه من شتات في شتات
صار في الدنيا ذليلٍ وانتهى مضيومها
ايه بسميها الغبينه والحروف الناعيات
والورق يبكي عليها من بكاء محرومها
العنود الفاتنه الخشف قاهرة البنات
راحت بليلٍ ظليم والعزاء لمظلومها
راحت وحلمٍ بعدها مات او ما مات فات
الا مات ولو بقت وسط الظلوع رسومها
[/poet]
رد مع اقتباس
