مرحبا يالربع
ألا ليت الزمان يعود شهرًا .. لأخبره بما فعل الحبيبوووو << يلعن ابو الشعر وبحوره .. ويسلم فمي يوم نطق هالدررررررر ولا النابغه الذبياني بآخر ايامه
يوووووه خلوني احكيلكم سالفة الهندي حسبي الله عليه مدري منين طلعلي
ومير الله يسلمكم اليوم طلعت من الكليه بدري .. عندي مشوار .. بروح شركه التدقيق ((خبركم بعد طول عمري مهمة )) وقلت امر السوق افصلي طرحه جديده <<<<<<رايقه للسوق بعد الدراسه
المهم يا جماعة وانا امشي في حال سبيلي ويدوب السواق بيطلع الشارع العام
والا اشوف لكم هذاك الهندي يرمي نفسه على كبوت السياره الأمامي من فوق
والله حسيت بنفسي في السينيما اطالع فيلم هندي
بالله تخيلوا شكله .. مثل القرد ناقز من الرصيف على السياره ويرمي حاله على الأرض ويتألم ويتقلب .. ضربنا بريك قوي ونزلت اشوفه .........
انا : بيا .. بيا ايش فيك ؟؟ << مو منها من الفيلم الهندي اللي شافته
الهندي : ماما .. انا في موت
.. يمكن بعد دقيقه .. انت يدعم انا .. انا موت
انا : انا دعمتك يا قررررررد ؟؟!! .. الحين مو انت اللي نقزت على السياره من الرصيف كأنك طرزان .. وش درانا عنك!!
الهندي : كل شي في جسم انا يعور
.. ارجول في كسر .. خشم في كسر .. وجه في خفس .. ايد في كسر .. انت لازم يعطي انا 500 ريال عشان انت يدعم انا .. يمكن انا في موت
.. بعدين انت يروح سجن .. انت يعطي انا فلوس انا يسكت مايخبر شرطه
انا : أول احلف .. لا والله .. مع شكلك .. والله انك خبل .. شقلت 400 ريال ؟؟!! مجنونه انا اعطيك 300 ريال؟؟!! اصلا لو انا بعطيك200 ريال ما عطيتك 100ريال .. تدري شلون؟؟ خذ ريال واتكل على الله .. كسرت خاطري وبعدين هالريال مو عشانك .. لا .. عشان هالفيلم الهندي اللي مثلته قدامي
الهندي : آي آي .. انا في موت .. ماما انت يدعم انا .. انا رجال طيب .. ما يصرخ و يلم ناس ويقول انت يدعم انا .. انا يسامح انت .. بس انت يعطي فلوس انا يروح دكتور لحالو وما في قول أ حد
انا : وآخرتها معك ؟؟ يعني منت بقايم من على الأرض .. ترا شوف لا تعصبني وتخلي عرقي ينط واوطي بطنك بالسيارة صدق عشان تعرف تصيح وتقول بتموت .. شوف اذا تبي فلوس ..اسكت وقوم من على الأرض فشلتنا قدام خلق الله .. الله يخسك .. انا الحين يعطيك سطل المويه ومنشفه .. انت سوي صفا للسياره وانا يعطيك 10 ريال اوكي؟
الهندي: ماما حرام انت ما في قلبك رهمه .. انا رجال فقير مسكين .. هازا في حرمه يبي دهن دابر حق شعر مال هي .. هازا في بجه صغير يروه سكول هنديه انا ما في فلوس يشتري اكل يدفع فلوس حق مدرسه
انا : وشو ؟؟ دهن دابر !! .. لا .. والله اجل لا طبنا ولا غدا الشر .. وبعدين هاذي حرمتك يعني ما تقدر الا تحط لها هالفليت في شعرها؟؟!! مو لازم تدهنه اصلا هالأيام موضة الكشة والشعر المنكوش .. والا بعد ايش سالفة هالبجه والمدرسه الهنديه .. اقول طير بس طير .. اذا ما عندك فلوس وشوله تعلم ولدك ها؟؟ اخذه المطوع يعلمه قرآن يكسب فيه اجر .. وبعدين يعني لازم تكشخ وتسجله في السكول وتحط راسك براس عمامك
الهندي: جين ماما الحين انت يعطي فلوس والا لا؟؟!!
انا : قلت لك تبي 10 ريال غسل سيارة سوي صفا .. ما بتغسلها وتلمعها وتخليها تشرق وتبرق انقلع والا مثل ما قلت لك بدوسك بالسياره عشان يصير الفيلم الهندي حقك حماس واكشن وحقيقه ومش خرط
الهندي: جين ماما انا يغسل سيارة انت بس يعطي 20 ريال اوكي؟
انا : انت سوي صفا ولا يهمك << ولو تنبح وتصيح من اليوم لبكره ما اعطيك غير 10 ريال اجرة تنظيف السياره
>> بخيله:)
والمسكين الهندي غسل السيارة ونظفها
الهندي: ماما .. خلاص انا في غسل سيارة انت .. جيب فلوس
انا: ماما؟؟!! حسبي الله عليك .. الحين انا امك ؟؟ ما بقا الا انت تناديني ماما .. وش شايفني قدامك .. لا تقول ماما والا ما عطيتك فلوس خذ 10 يال وانقلع
الهندي : انت يقول 20 ريال .. ما يصير كزا
انا: وشو وشو ؟؟ 20 ريال ؟؟ كاني سمعتك غلط .. عيد كلامك اشوف
الهندي : زين ماما عطي 10 ريال .. انت عور قلب مال انا .. انت واجد مُشكل
والسواق الخبل صدق كلامه وقام يناهق ويبكي
انا: تدري اشلون ؟؟ رحمتك والله .. هاك 15 ريال ولا تنسى تسلملي على حرمتك والبجة حقك
(( مسكين الهندي ما تسوى عليه .. وبعد ما نظف السياره وخلاها تلمع قلت ايوه تسذا الواحد يروح يكشخ فيها مو قبل شوي حالتها حاله من الغبره .. وتو بس بمشي عنه ناديته وجاء يركضضض ومستانس على باله غيرت رايي وبعطيه كم ريال لكن يحللللللللللللم ((
انا: بيااااااااا
الهندي : يس مدام
صار محترم الرجال من بعد ماما صرت مدام:(
انا : أسمع صوت سياره جاية من بعيد .. انت تسمع صوتها ؟؟
الهندي : يس مدام
خخخخخ اســـــتــــــلـــمــــــ هــــــــا وسولها الفلم الهندي الي سويته لي
وأذا كسبت من ذي الشغله كثير لا تنسى وخيتك عاد
ويمكن أشتغل معك أذا شفت منها مكسب
الهندي: ماما أنت واجد يهب فلوس
أنا: أقول أنطم وأنثبر عطيتك وجه عاد قمت تسب
الهندي : معليش ماما سوري :(
أنا :رجعت لكلمه ماما جعلك العمى يلله بس سو الي وصيتك به
الهندي: أنشالله مدام
وينطلق عند السياره وبعد ماعاد شفت خشته الغشاش:o
رد مع اقتباس
