[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سألني عن وصوف الحب ,,يبغى للهوى توصيـف = وقال ارجوك ياعيــوني غرامك اوصفــه ليّــه
وقلت الجهل من دونـك وحبـك زادني تثقيـف = غرامــك يجبر الخـافق يودع عـــهد الاميّــــــة!
أنـا لاجلك كسرت عناد قلبٍ يعشق التسويــف = وبانت لي أحاسيـسٍ بقــت في القلــب مخفيـــّة
أنا قبلك مااعرف الحب واحطه خارج التصنيف = ولا قد مر في بالي أحب اثنين في الميّـة!!
أنــا برجوك لا تحسب غرامي لك سحابة صيـــف = يمر الوقت وابقــالك حبيبٍ صـــادق النيـّة
أحبــك ايه,, لاتسأل,, وحبــي مايبي تعريف = هو المغرم بنظراتك يبي إ ثبات شخصيــة ؟؟
وهذا الحــب من ربي يجي من غير ليه وكيف = يجي بين البشر دام المشاعر وسطهم حيــــّه
أبسيّر على افكــارك ,,دخيلك واعتبرني ضيف = وابسولـف مع احساسك وامر في بالك شويّـــة
أببحر داخل عيــونك ولو يصعب بها التجديف = ولو ضاعــت مجاديفي قطــعت البحر بيديّه!!
حبيبي لا كتـبت الشعر لاجلك زاده التشريـــف = تجي فيك القصايد دوم روعــة غيــر عاديـّة
ولو عمـــلات هالدنيا يجي في بعضها التزييف = أنــا عملة غرامــي لك ترى عملة حقيقـيّة
تجي وتــروح قدامي بعيــنٍ حدهــا كالسيــف = وتـاخذ قلبي بدربك مع المرواح والجيـــّة
وقالوا روعــة العالم تجلّت في ضواحي جنيف = واقول الزيــن ياعالم سكن بعيونــها هيّـه
واذا ودك خذ الموجز,, وباعطيك أبلغ التوصيف =أنا شخصٍ جفـــا الدنيا وهام بنظرة بنيّة[/poem]
رد مع اقتباس
