[align=justify]
الأخوه مشرفي واعضاء وزوار منتدى غرابيل اضع بين ايديكم هذه الأبيات عسى ان تنال اعجابكم كمايسعدني مروركم ومشاركاتكم ومن لديه اي ملاحظه على أبيات المشاركه نتمنى منه شاكرين الأفاده ومساءكم عسل :-
[/align]
[poem=font="traditional arabic,7,blue,normal,normal" bkcolor="transparent" bkimage="" border="double,5,blue" type=0 line=0 align=center use=ex num="0,black""]
ياذيب لو تدري عن اللي على البال = هموم وافكار تزايد عددها
كن الهموم الي على صدري جبال = بين الضلوع الحدب مضرب وتدها
ماعاد لي حيله على الحمل واشتال = والروح بيح صبرها مع جهدها
جار الزمان وداير الحول ماحال = واخترت عن سو الليالي رغدها
فضلت اعيش بتالي العمر رحال = منحاش عن غبر الوجيه ونكدها
اهل الحسد والكذب والقيل والقال = اللي على الطيب كثير حسدها
واهل النميمه نعنبو ذيك الأشكال = الله يشيل اشكالهم ويحصدها
الي ليامنه هرج جاك مشتال = لأعراض ربعه بالنميمه هجدها
عساه يهجده المرض لين يغتال = بعروق قلبه والعوافي فقدها
طبعه قليل الدين تباع الأضلال = صلا ة ربه مابيوم سجدها
مغويه شيطانه وهو جاهل ضال = مسكين مايعرف ذنوب رصدها
قال المثل ياذيب من عرض الأمثال = مثايل يسلم لسان قصدها
النفس عز النفس في كل الأحوال = فأسمى مكانه بأذن ربك تجدها
وابعد مجالك عن متاهات الأنذال = ابعد مسافه تستطيع ابتعدها
تبقى عزيز النفس في نايف الجال = واهل النقايد مايطولك نقدها
[/poem]
رد مع اقتباس
المشاركة الأصلية كتبت بواسطة زقم الذيب
