مستشارك .!

[مشعل الروقـي]

يسعد مساءكم ..




انتم لكم اجازه سعيده و تكونو بصحه وعافيه .!


باختصار .

هالموضوع بعد اذن الادارة .. راح يكون مستشارك .

من لديه استفسار قانوني او قضيه فلينفضل ..!

اتمنى ان اوفق في الطرح وفي الاجابه .


وشكراً لكم .


م ش ع ل

[بقايا إنسانه]

بوركت

[غـــربة الــروح]

الله يقويك يا مستشارنا ويعينك

جزاك الله خير


وبعد اذن جميل ومنصور بتثبيته

[мαηѕoя]

،،

الاستاذ الفاضل .. مشعل الروقي

موضوع جميل جداً

لك جزيل الشكرع طرحه و التكفل بمسئوليته

و الله يوفقك و يعينك ع القيام به ع افضل وجه

انا مستعد لأي خدمه تخدم الاعضاء و الموضوع

..

اشكر الاخت .. غربة الروح .. ع تثبيته

لأنه

يستحق التثبية للفكره المطروحه و الخدمه المقدمه

للأعضاء

و لنظير جهدك الذي ستبذله فأنت تستحق

التقييم بأمتياز

،

اطيب الامنيات لك و بتوفيق أنشاء الله

،،

[**عشــق البــدر**]

الله يقويك اخوي مشعل ويجعله شاهد لك لاعليك
فكره جدا رائعه
موفق بإذن الله ... لك مني أجمل تحية .
دمت بود

[مشعل الروقـي]

الله يسعد مساءكم جميعاً ..

كل عضو\هـ يستحق متصفح خاص لشكره

واشكركم للتثبيت والتقييم .


وباذن الله يوفقني الله لما يخدم الاخوه والاخوات .

وبانتظار الاسئله .

واتمنى طرح الاسئله بهذا المتصفح حتى تعم الفائده للجميع

شكراً للجميع

[غرابيــل]

الله يعطيك الف عافيه اخووي..

وربي يعينك ويجزاك الف خير,,,

وتسلم منصور على التثبيت,,

[أحلام فراشة]

بسم الله الرحمن الرحيم
السلام عليكم ورحمة الله وبركاته

الحمد لله الذي تتم بنعمه الصالحات
أنا مشكلتي اهلي الله يهديهم زوجوني انسان مريض نفسيا ومدمن،، أنا أعرف انهم تمنوا لي الخير بس مكتوب أتزوجه مع العلم اني الثانية بالبيت تزوجت الاولى .
المهم ربي رزقني بولد بس زعلت وتمنيت استغفر الله وانا حامل اني انزل الطفل لاني حملت من انسان غير مناسب . وتعوذت من الشيطان الرجيم وقلت لعل هالطفل يخليه يتغير للافضل ، لكن أنا ما قدرت استحمل رجعت لاهلي ومعي طفلي اصرخ ما أقدر اكمل معه المشوار اهلي ردوني قالوا رجلك ما يصلح قلت ابي الموت ولا ارجع له.
تطلقت بخلع وجلست عند اهلي 7 سنوات وولدي معي رافضة العرس وكارهه الرجال.
بعد السبع سنوات كلمتني وحده عن انسان ملتزم فكرت كثثيير واستخرت وتزوجته.
الحمد لله الانسان الثاني كان رااااااااائع وطيب ويخاف الله .
بس تنكدت لان أبو ولدي اخذ ولدي وانقلبت حياتي جحيم .
وكل ماجاني ولدي ينكد علي القيه مضروب ، ويبكي يا امي الله يخليك ابي اعيش عندك، مره كاويه ،و مره جالده وجلده ازرق انا ما استحملت انا ام غصب قلبي مال لولدي اكثر وطلبت من الانسان الطيب الطلاق وبلخلع اخذت ورقتي للمره الثانية.
وابو ولدي يوم عرف بطلاقي رجع لي ولدي.
وصار هالانسان الطيب يزن على أبوي يبي يرجعني وانا والله ماشفت منه الا كل خير بس ولدي بيضيع اخر مره كلمت المدرسة اسألهم عن ولدي قالي المدير ولدك متغير صاير يبكي ما يلعب زي العيال السندويشة ما صار ياكلها حتى المرشد مستغرب يقول كلام ولدك كبير يقول ودي اهج .عقبها قررت اختار ولدي، وديت ولدي لطبيب نفسي والحمد لله تحسنت نفسيته.
وعندي تقرير من المستشفى حكومي يشهد ان ولدي منوم عندهم بسبب تعرضه للضرب بس الضرب ما كان مبرح.
ما أدري أبي مشورتكم ولدي الان عمره 11 سنة وخايفة أرجع وأضيع ولدي؟ ولا بلاش أرجع؟
ممكن حل !!!!!!!

[بنت الريف]

تكفون شوفوا موضوع أحلام فراشة لان هالقضية تهم الكثيرات

اشرحوا لنا بالتفصيل مالقنوات التي تسلكها اصحاب مثل هالقضايا ويمكنها تحافظ على بيتها وابنها في ظل اب محسوب عليهم ؟؟

أحلام الله يوفقك بس حاولي واستشيري ولاتسكتين اتركي عنك الخنوع وضعف بعض النساء ...

اختك ام رند

[مشعل الروقـي]

يسعد مساءكم جميعاً ..

.
.



الاخت \\ ااحلام فراشه .

اسعد الله مساءك اختي بكل خير ..

اللي فهمته من كلامك

انك حالياً ( مطلقه )

وحضانة ابنك مع والده .

.
.

انا لن ادخل معك في شرح طويل ونصوص قانونيه وشرعيه حتى لا يختلط الموضوع لديك

عزيزتي :

حضانه الولد بعد السابعه (( يخير )) بين الاب والام .!
هذا اولاً :
ثانياً :
الحضانه في مفهومها الشرعي هي للاصلح والاقدر على رعاية الابن وتربيته تربيه صحيحه ..
وبالتالي في حال كان احد الابوين غير صالح للحضانه فان الحضانه تنتقل للاخر
فياتي بعد الام .. ام الام ..
وباختصار شديد .

بامكانك رفع قضيه طلب حضانه تتبعي الخطوات التاليه :

1- عليك اثبات ان والده غير كفؤ وغير صالح للحضانه
عن طريق امام المسجد ومدى مواظبه الاب على الصلاه ( التدخين يكفي لمنعه من الحصانه )
2 - وتطلبي من القاضي مخاطبه المستشفى لاثبات حالة والده الصحيه .
3- بما انك لم تتزوجي فان حقك بالحضانه يبقى اصيلاً ولا يسقط متى توفر السكن المناسب
4- الزام الاب بالنفقه على ابنه في حضانتك وتحمل جميع المصاريف التي يطلبها الابن من علاج ودراسه وغيره .
5- احتفظي باي تقرير صحي يخص ابنك سواء مما تعرض له من والده او من خلال حاجته للعلاج .

-
التقدم للمحكمه التي تقيمي في منطقتها بدعوى ( حضانه ) .
الاجراءات سهله ولكن تحتاج وقت ( طويل ) قد يصل الى سنه . سنتين .
بحسب تجاوب الاب .

وان شاء الله اتابع معك اول باول .

ومثل حالتك كثير جداً ولكن لاتجعلي الياس يدب في قلبك .. وثقي بالله والله لا يخيب جهد عبده .

تحت امرك باي استفسار اخر .. وانا اسف للتاخير بالرد عليك لاني كنت مسافر .

احترامي لك وللاخوه والاخوات .

[غـــربة الــروح]

مشعل الروقي


الله يعطيك العافيه ويكتب اجرك ويكثر من امثالك


انا متابعة موضوعك وبشغف لعلك بعد الله ان تساعد كل مظلوم

[غرابيــل]

اخوي الله يعطيك الف عافيه,,

وربي يجزاك الجنه,,

اختي احلام الله يفرج همك..

بس اصبري وان شاء الله تنحل الامور..

<<متابعه للمواضيع التي تطرح...

[أحلام فراشة]

الله يجزاكم ألف خير كلكم والله ذوق وجعله في موازين حسناتكم
،
،
يااستاذي الفاضل مشعل
أنا خايفة
الولد الحين بحضانتي برضى أبوه بعد ماصرخت بوجهه بسبة الضرب ويوم عرف اني مطلقة وافق يخلي الولد معي
ومازال يهدد يقول تراني مخليه برضاي مو خوف منك وخايفة أتزوج يروح الولد مني
والولد كاره ابوه بسبة اسلوبه السيء
التدخين والصلاة هذي واثقة منها لأن ولدي يعلمني
حتى الدخان يرسل ولدي للبقالة يشتري له ولدي عرف أنواع الدخان.........
بس عندي استفسار:
لازم يكون عندي سكن خاص لي عشان اطالب بحضانته ؟ أنا اسكن مع امي وابوي...
وهل أقدر أحصل على صك ولاية شرعية على ولدي؟
وتقرير المستشفى الحكومي كان منوم اسبوع بسبب كدمات زرقا بسيطة بجسمه والطبيبة بعد الاسبوع شخصة حالته انه مريض جسديا ونفسيا بسبب الضرب المستمر مادري التقرير مو قوي؟
أنا لو بغيت أسافر أخلي أهلي يترجونه علشان يوافق يجدد جوازه؟
وهل لجنة العنف الاسري تقدر تخدمني بشي؟
ويوم طلبت مصروف قال أنتي أخذتي الولد تحملي مصروفه...

واسفة للاطالة

[مشعل الروقـي]

يسعد مساءك اختي العزيزه
وجمعه مباركه عليك وعلى الجميع .

.
.

بالنسبة لسؤالك عن السكن ؟

لا يلزم ان يكون لك سكن مستقل بل يكون السكن مؤهل لحضانة الطفل حتى لو كان مع اهلك وعائلتك .

2-

زواجك يسقط حقك في الحضانه وينتقل الحق من بعدك الى والدتك .


3-

بالنسبة للتقرير الطبي عن حالة والد الطفل الصحيه القاضي وحده هو من يقرر

مدى حالة التقرير بناء على ما كتبه المستشفى .

4-

بالنسبة لصك الولايه :

هذا لا يستخرج الا بعد وفاة والد الطفل .. والبديل في هذه الحاله ( صك الاعاله ) واجراءتها سهله جداً ولا تستغرق الا ساعتين بالكثير .. وبامكانك التقدم للمحكمه العامة بطلب استخراج صك اعاله لابنك ويلزم اثنين شهود ومعرفين لك .
ولا تنسي تضيفي في الصك حقك في اخذ ابنك في اي مكان تسافري له

5-
بالنسبة للجنة العنف الاسري .. طبعا ًهذه هدفها حماية الاطفال والاسرى التي تعاني من العنف الاسري وهي بلاشك سوف تقدم لك خدمات وتضمن وتوفر وتكفل لابنك حقوقه
وهاتفهم بالرياض ت 012075242 ف / 012075172


واتشرف باي سوال اختي العزيزه .

احترامي

[أحلام فراشة]

[align=center]
شاكرة ومقدرة لتجاوبك معي يا كل الذوق
وجزاك الله خير
الله يوفق الجميع لما يحبه ويرضاه
[/align]