[align=center]صباح الخيرات .
كل واحد تمر عليه ايام خايسة وايام حلوه <=== مايعرف يبدأ موضوع ابد :)
والايام الخايسة تطغى اغلب الايام على الايام الحلوه <=== مالي دخل طلعت اهي بلحالها .
فلو استعرضنا يوميات الشباب والبنات ونآخذ كل المستويات كل واحد بلحاله
ونخمن وش يسوون اوقات الفراغ .
بالنسبة للشباب .
الشباب عارفين انهم تماسيح وضبان وشيون إلا من رحم ربي .
والشين تلقى وجه كانه ( موطى خبل ) مادري وش يبي من الدنيا وسنونه كل واحد يدف الثاني يقول انا ابي اجي قدام .
طبعا الاشكال الشينه ايامهم مادري وش تبي من الدينا . تلقاه متحطم ويقضي وقت فراغة بالدجة والتنسيم
والدوران بالشوارع وابتكار اشياء جديدة . ومافيه طعس بالسعوديه ماتلقاه مجلس فوق ومعه براد ابو ريالين وفيه حبتين ليبتون وتلقى راس جراك باعشن.... وتلقى عجته ودخنته سحابة فوقه ماباقي إلاتمطر ..
وبعد مايخلص الجراك حقه يطلع دخان ابو بس .. ويقعد يمزمز فيه .شوي .
طبعا من غير طلعات البر تلقى دجه بالشوارع . وتفحيط وماغير تلقاه عند بقالات الحارة اللي علىالزويا عشان يكشف كل شاردة وواردة بالحالة ..
واي واحد يدشر بالحارة يحطونها براسه .. .
النوع الثاني من الشباب .. وهو الشباب العاديين . يعني ماغير دوام ويمسك سرى عند الخباز والصراف.. وماتلقاه إلا مع اهله وقهوه وشاي .. وخدوم الولد وزي العسل . لو يبي احد السوق قال تم وبالعكس يستناهم بالسوق لين يردون . هذا إذامانزل معهم .. وتلقى كل اخوياه يطلبونه من كثر مايدينهم .
وزي العصفور بالدوام لو يهش عليه احد دنها بتسوه .
النوع الثالث من الشباب .. الشباب الهاي كلاس . او الناعمين . تلقى الدهونات والكريمات بغرفته اكثر من اغراض اخواته .. يحب يتعطر واجد . قمة التحطيم عنده لما تطلع فيه حبة .. تلقاه يتعقد ولا يطلع بالشارع لان الشمس تأثر على بشرته ( عمى يعمي قلبه والله ) وماغير يتسدح في الاسواق لدرجة ان الهيئة يعتبرونه بنت ولا يقولون له شئ لانه ماله اي تأثير ولا يهش ذبانه ماغير يناظر ولا يقدر يسوي شئ ..
طبعا النوع هذا اللي تحبه البنات لانه من نوع الدجاج البياض . ماغير يدح فلوس وانواع بطاقات الشحن :)
البنات .
النوع الأول ..
البنت الخبلة . هذي البنت اللي ينهضم حقها واهي تناظر ولا تقدر تسوي شئ ماغير تآكل بعمرها وتطحن بحياته على الفاضي . تلقاها ماتطلب تطلع من البيت ولما تطلع تبي تتشقق من الوناسه لدرجة إنها لما تركب السيارة تلقى نص عبايتها طالعة من السيارة من زود العجلة .
وناستها بقراءة المجلات وخصوصا الرياضة والشباب .. وتحب تناظر الشباب الزيون بس ماتحب تتحارش معهم تخاف اخوانها يسطرووونها .
ومن النوع اللي يخق بسرعه يعني لو سوت شئ تلقاها تعترف بسرعة .
مهضوم حقها بالبيت . لدرجة إنها تشتغل حتى شغل الشغالة..
البنت العادية .
طبعا اغلبهم موظفات ومدرسات . هذي ماغير دوام ونوم . عاقلة جدا محافظه جدا( طبعا مو الكل :) ) تستانس على جلسة الشيبان . وماتلقاها إلا مع ابوها .. تعتبر مخزن البيت وكل الاغراض الثمينة تنشال عندها .. يعني زي البنك بالتمام .
البنت المهسترة .
هذي البنت مسويه مع الموضه وهاي قيرلز .. انواع الارانب تناقز منها . همها الاول تجميع اكبرعدد من الأغراض بغرفتها . تحب الحيوانات المروحه والمعفنه ( كالكلب والقطوه ) ويطيح شعرها وتقول نقص تغذيه وإلا من الجو.... بلاك والله من الخياس اللي في غرفتك :p ...
انواع العطور بغرفتها .. لدرجة إنها تشتري ( جليد ) <== ملطف جو
عشان تقول إنها جايبه شئ جديد .
قمة المتعة عندها لما تخلي الشباب يسعبلون بالسوق . والفخر قمة الفخر عندها لما تقلب بشريحتها وتلقى فيها 600 خبل مسوي مشبكها .
لبسها مادري وش يبي من الدنيا . وماغير تحط مناكير .. احمر <== مادري ليه حاس :)
تحب السفريات والتسدح بمناطق النقاهة العالمية ..
تفق خشتها مع الاجانب :)
وبس
خلاص تعبت باروح اطق لي زقارة وارجع :)
بدوووووووووووري[/align]
رد مع اقتباس
