من سيربح الم ** وووووووون ؟؟!!

[فايز ماجد]

[align=center]بسم الله الرحمن الرحيم


السلام عليكم


كل عام وانتم بخير بعد الزحمة



قصيدة من قديمي أردت المشاركة بها رغما عن أنف الناقد بداخلي ونزولاً عند رغبة أخي وصديقي

الأمير

أحد أعضاء غرابيل


أتمنى أن تنال أعجابكم واستحسانكم[/align]


















[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=1 line=0 align=center use=ex num="0,black"]

وينها اللي كانت احلى حلم بالدنيا خسرته؟! =وينها اللي في حياتي صارت أكبر مستحيل؟!!!
وينها اللي من سببها حتى قلبي ما ملكته؟!!= صار لعبة في يديها بالعيون وبالجديل...!!!
اتركتني غصب عنها.. ليت قلبي لي اتركته= ما اتركتني عقب فقده ..ضايع ابليّا دليل
صرت أحب اللي تحبه ..واكره اللي هي كرهته=صرت اشوف الكون كله.. عند طاريها قليل
ساهراً ليلي دموع.. وليلها عنها سهرته=بس أنا والطرس نسهر للصبح في كل ليل
حتى قافي لا تحدى قمت زعلان و زجرته= وانتخى بالصبح يفزع والصبح ردّه ذليل
والقصيد اللي كتبته ..يوم بكّاني رحمته= قلت أضمه وسط صدري لجل يبقى لكل جيل
قال يافايز واصرِّف..! قبل يسألني .. سألته = وش أحب من البحور اللي وضع فيك الخليل؟!!
قال أنا باحذف إجابة للسؤال اللي طرحته = بس انا محتار والله .. بالمديد وبالطويل
قلت يالله لا تطول .. يبقى كثر اللي حذفته= قال والله يا بو ماجد ..ودّي آزيد الحصيل
والصراحة هالسؤال وله جواباً ما عرفته= حارماً عيني تنام وما حصل لي لو مقيل...!
يا رفيقي لي ثلاث سنين نومي ما اغتنمته= يستر الله .. ما اتحوّل تالي أيامي .. هبيل!
لكن اسمع .. باتصل لي بصاحبن ليَّه ذكرته = الجميل اللي بجيله ما خُلِق مثله جميل
دامه الهامك وياما في طواريقي كتبته = خلني اسال حبيبك علّه يرد الجميل
قلت أنا قصدك فلانة؟!! قال أيوه ..! قلت شفته = حلم فيها منه خايف خلنا نجيب الدليل
واتصلنا و ردّ واحد..!! قال حكياً ما فهمته= مادريت الا وعيني تمنع الدمعة تسيل ..!
قال شعري : يا خسارة!! كيف اصدق ما سمعته؟!! = الثرى ضم الثريا في غيابك يا سهيل...!
كل حرفا كاتبه فيها يجاوب لانشدته = أرمني في مهملات الذاكرة عن كل قيل
وان بغت تطلب وصالك يوم خافقها أسرته = خلها تشقق شعور الشاعر الشهم النبيل
قلتها تذكير والا عز راسك ماخذلته = حتى لو كنتوا حبايب أنت هاللحظة دخيل
وادركت نفسي خسارة حلم.. بالماضي رسمته=حبها ليه ايحيا بي ؟! حبها أصبح قتيل..!
ياقصيدي قل لها هذا الطريق اللي اتخذته = ماالتفت للخلف وآنا عنها أعلنت الرحيل
ولو يفكر ..فيها قلبي.. عقب هاللحظة .. قتلته..!! = قل لها ماني من اللي يقبل الحب الرذيل
لو خسرت اللي خسرته كبريائي ماخسرته = لاتحاول بالأصيل ..ابن الأصيل.. ابن الأصيل [/poem]






[align=center]

تحياتي للجميع

فايز الحربي


[/align]

[خالد عبدالكريم]

[align=center]فــــــــــــائز ,.,,

كل عام وانت والجميع بـألف خير


حجـــــــــــــــــــــــ ـــز .. درجه أولى .. [/align]

[مهدي بن مسفر الحبابي]

أخوي فايز بن ماجد

هـلا وغلا ومرحبا

من طول الغيبات جاء بالغنايم والجزلات

صح لسانك وبيض الله وجهك

رايعه بروعة حضورك

وافيه من راس وافي

لك فاائق احترامي وتقديري

[محمد الجبريني]

اخي

الشاعر فايز
ماجد

صح السااانك

يالذيب

وكل عام وانت طيب

تقبل فاااائق احتراااامي

[عبدالرحمن بن صباح الفاضل]

فايز




صح لسانك


قديمك يأكد لنا ابداعك التراثي





وجديدك يأخذنا الى مالا نهاية للبداع

[زايد الروقي]

فايز الحربي



صح لسانك


قصيده من شاعر ليس بحاجه الى شهادتي



دمت مميز


......

[محمد الشمراني]

فايز ماجد


صح الله السانك

مدد بلا عدد

مبدع كما انت

دائما

تحياتي

وصادق مودتي

[خــــالـــــد]

[align=center]
فايز ماجد

تسلم يمينك

وصح لسانك يا أبو الإبداع

الله يعطيك العافية

لا تحرمنا من جديدك

[/align]

[فايز آل بذال]

ونعم ونعم ونعم يافايز


ولو يفكر ..فيها قلبي.. عقب هاللحظة .. قتلته..!!
قل لها مانـي مـن اللـي يقبـل الحـب الرذيـل
لو خسرت اللـي خسرتـه كبريائـي ماخسرتـه
لاتحاول بالأصيل ..ابن الأصيل.. ابـن الأصيـل


تصدق عاد اول مره اشوف لك ليحانيه


التنويع شي جميل ومفيد للشاعر


وانت ما شاء الله عليك شاعر تجيد كل الطروق


عسى اعوامك كلها سعاده


ومن العايدين

[عبدالعزيز الناصر السبيعي]

الكبير كبير يابو ماجد


صح لسانك الى مالا نهاية

كتيت وابدعت


لاهنت

لاهنت

ويسلم راسك



تقبل مروري

[محمد الروقي]

فايز الماجد


وقفت للاستمتاع بما انتج فكرك وخط قلمك

وارحل واترك لك ود وباقة ورد ودام ابداعك

[محمد بن ضاوي]

والقصيد اللـي كتبتـه ..يـوم بكّانـي رحمتـه
.........قلت أضمه وسط صدري لجل يبقى لكـل جيـل

ياسلام يافايز......... مبدع

قال شعري يا خسارةكيف اصدق ما سمعته
...............الثرى ضم الثريا فـي غيـابـــك يـا سهيـل

هي كذا مقاسيم وحظوظ


لو خسرت اللـي خسرتـه كبريائـي ماخسرتـه
............لاتحاول بالأصيل ..ابن الأصيل.. ابن الأصيـل

هذا اجمل مافيك كفو يافايز كفو وصح لسانك

[سـعـد الحويماني]

اعجاب يتجدد



لا تحرمنا من هذا الابداع



تحيتي لك

[وجد الغلا]

[align=center][glow=FF0066]وينها اللي من سببها حتـى قلبـي مـا ملكتـه؟!!
صار لعبة فـي يديهـا بالعيـون وبالجديـل...!!!
اتركتني غصب عنها.. ليـت قلبـي لـي اتركتـه
ما اتركتنـي عقـب فقـده ..ضايـع ابليّـا دليـل
صرت أحب اللي تحبه ..واكره اللي هي كرهتـه
صرت اشوف الكون كله.. عنـد طاريهـا قليـل


ابداااع تعدى الحدووووود


صح اللسانك مليووووون

تسلم يمينك على ماخطت من ابداااع ...



تحيتي [/glow][/align]

[فايز ماجد]

[align=center]فــــــــــــائز ,.,,

كل عام وانت والجميع بـألف خير


حجـــــــــــــــــــــــ ـــز .. درجه أولى .. [/align]

ياهلا وغلا

أخوي خالد


وانت بخير ان شاء الله

تشرفت بمرورك الأول

الف شكر

لاعدمتك