[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ان جيت ابشكي قالوا الناس لي عيب=وان قلت عندي راي قالوا عسى خير
وان قلت اعدي نايفـات المراقيـب=قالو يابن حمدان لاتخلـف السيـر
قلت القضية عاجله ياهـل الجيـب=فكوا حصـار الغاليـات المخاميـر
قالوا نبي بكرى نشـب المشاهيـب=والوضع مايحتاج لحظـات تاخيـر
قلت العدوا شمات وانتم اصاحيـب=وشلون لو بيحت سري على الغيـر
لو نعرض القصه على الزير وكليب=كان اتضح مايخفي كليـب للزيـر
قلت اتركوني والرجاء بعالم الغيـب=منجي ولد يعقوب من مظلـم البيـر
القلب يامشكـاي لـولا المحاديـب=امداه في عال الخضيرا كما الطيـر
ابي اتكل واقـول ويـن المناديـب=مندوب لوهو من حساب المسابيـر
ربعن بوقت الضيق عندي محاضيب=ماهمهـم كثـر العنـا والمشاويـر
دام الضحيه والولي عنـده الذيـب=هيهـات يالـدوار ويـن المداويـر
على عجل مادام يوجد هل الطيـب=نلقـاه لاصكـت علينـا المعاذيـر
نطق باب وباب حتـى المعازيـب=شيوخ الجهام اللي تقـود الطوابيـر
فـي شايـه الله والليالـي دواليـب=نلقا الـذي يجيـب علـم التباشيـر
ولاباس لو هو من الرجال الاجانيب=شعره تفيدك من جلـود الخنازيـر
نقطع بها الخمسه ونجلا بها الريـب=ويعود ماء هداج من عقب ماضيـر[/poem]