بسم الله الرحمن الرحيم
السلام عليكم ورحمة الله وبركاته
يابنت انا إنسان عادي ومحـروم=وسمتني الدنيا علـى قـد حالـي
لو ينكشفلك داخلي شبـه معـدوم=ولو دمعتي تنبيك سالـت ليالـي
شهادتي من جرح الأيـام دبلـوم=ووظيفتي من هم عمـري معالـي
بيتي كبير إبـلا نوافـذ ومكتـوم=وغربة سنين العمر عندي عيالـي
وسادتي كفي وبعدي عـن النـوم=ولحافي آهـات السنيـن التوالـي
زادي خيال العز طيـب ومفهـوم=وشربي لهيب القيض والغيم زالي
فعلاً قوي عزوم والحـظ مقسـوم=أمسي غريب الروح وأصبح تعالي
موجي قصيد الوجد للعمر مجزوم=ومجدافي أهمومـاً عليـه ثقالـي
ويابنت لوتقرين لإنسااان محروم=قولي انا في خير: وأبكيه حالـي
رد مع اقتباس
المشاركة الأصلية كتبت بواسطة يُتم
