السلام عليكم ورحمة الله وبركاته
بعد غيبة عن الكتابة
كانت هذه المتواضعة
اقبلوها كما هي
واعذروني لغيابي المتكرر
/
\
/
\
/
\[poem=font=",6,black,normal,normal" bkcolor="transparent" bkimage="" border="double,4,deeppink" type=2 line=0 align=center use=ex num="0,black""]
يانبرة الحزن يكفي فارقي صوته = ما اعتادت اذني على حزنه ونبراته
يكفي هماليل عينه غرّقت توته = يومين مانورت دنياي ضحكاته
المرهف اللي عزف عمري على النوته = وانا من اول نشاز وعكس رغباته
الشاعر اللي عسف قافي على بيوته = حتى تناغمت مع قافه وكلماته
الناعم المترف اللي شربه وقوته = خلاصة الغنج والصبح ابتساماته
الفاتن اللي كلامه سحر وسكوته = يغار منه الحكي ويعض بشفاته
الباذخ الحسن لولوّه وياقوته = تعجز تحاكي ربع مافيه مرآته
كم ليلة ٍ والفرح نايم بتابوته = طل وبعث روح فرْحي وانعش رفاته
اجيه وانا مشاعر ضيم مكبوته = ذبلان روح الزمن بذّه بلوعاته
عاري غصون وثمر واوراق محتوته = تايه محى الوقت حتى آثار خطواته
وارجع وانا اللي رجع نبضه عقب موته = يسمع خفوقه ترج الكون نبضاته
يانبرة الحزن يكفي فارقي صوته = خليني اشنّف اذاني بضحكاته[/poem]/
\
/
\
/
\
وسلامتكم[align=center][/align]
رد مع اقتباس
المشاركة الأصلية كتبت بواسطة فيصل فرج العتيبي
