هذه القصيد اتت بلاقيود في لحظة استغراب وتعجب من شخص .
من خارج اطار قبايل الجزيره
وهو يتهم البدو بالعنصريه ونكران تاريخهم
مع احترامي للجميع
[poem=font="simplified Arabic,6,darkblue,bold,italic" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
عزتي للي تعذب في شبابه=ماتهنا بالحياه النرجسيه
وعزتي للي زمانه صك بابه= عقب ماضلاّ على ورك المطيه
من طلوعه في نزوله واعتلابه = حب ربعه والوفا والمقدريه
في زمان أتيوس سموها ذيابه=ينعتون اهل الوفا بالعنصريه
والحقيقه ياجماعه لاغرابه=لنّ حنا في زمان الفوضويه
ان زرعت الطيب منتوجك هبابه=مايميّز بين ذيك وبين ذيه
لو طيبك كبر مردوم السحابه=ضاع طيبك بين غلّ وعنجهيه
مير انا من روس قومٍ من عتابه=سم كبدك باليمين المخلبيه
وانشد التاريخ وأبحث في كتابه=يامغني وردتين ومزهريه
من هوازن من عتابه من شبابه=يوم جدك مالقينا له هويه
جدك اللي جاب في مكه زهابه=بقشته فيها الثياب الفارسيه
ماخذينا الطيب من حضرة جنابه=يالِفيض الموج مدري ياللهميّه
إيه حنا بدوّ ونشكل عصابه=تحت رآية صاحب الكف النديه
الملوك اللي لها شأن ومهابه=لابغونا في اليال الخرمسيه
ننتخي والسيف عزه من نصابه=في زمنا والعصور الاوليه
وأحمد الله يوم اللي عزوه ولآبه=مسندي لاوردت حوض المنيه
خلها تسري على قوس الربابه=لاتخلينا نفتش في القضيه
في نظرنا ماتجي حجم الذبابه=لو علمك كبر برج الفيصليه
الكلام اللي تقوله وش تبابه=وانت عايش في الحياه النرجسيه
الكلام الي ذكرته صك بابه=منت كفوٍ للشداد و للمطيه [/poem]
رد مع اقتباس
المشاركة الأصلية كتبت بواسطة صالح الروقي
