..
السلام عليكم ورحمة الله وبركاته ,,
هذه مساجله بيني وبين الشاعر :مقعد الدغيلبي وأرجوا أن تنال أعجاب الجميع .
ناصــر الجلاه :
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
من المسؤل فالشعـر ومصيـره=من المسـؤل لا راحـت ثريـره
شواعيرٍ نشـت فأتلـى الليالـي=تبى تسوي على العالـم خبيـره
تبى تصنـع ملاحـم بالقصايـد=تبـى يطلـق عليهـا بالكبيـره
وهـي والله محـدرتٍ بــوادي=تهيـم وفالنهـايـه مستخـيـره
قرادة حظ يأهل الشعـر قومـوا=كسيـره وافزعولـي بالجبيـره
مـدام الشعـر ميـراث وراثـه=نرد اللـي تغثـرب جـم بيـره
ومـدام الشعـر لـونٍ نشتقيبـه=نوقف عنـه عميـان البصيـره
مدام إلنا مصـادر فـي عمـاره=رحانـا فـي مجالـه مستديـره
لزوم إن قولهـا كلمـه صريحـه=علـى النـاس الغنيـه والفقيـره
ترى شعر العرب بريـئ منكـم=وكم من خير جاء من باب خيره
هـذا قولـي وقولـك بإنتظـاره=يامقعـد ياحزامـي فالمغـيـره
يامقعد ويش رأيك فـي كلامـي=أنا أعدك مـن كبـار العشيـره
رجل بالعرف مايلحقـك قاصـر=وأنا من هو سواتـك بأستشيـره
مـدم إنـك موردهـا المـوارد=وبحبالٍ تـرى ماهـي قصيـره
أقول انظر بوضعـه يابوفيصـل=وناظر سيرتـه فالوقـت سيـره
نشوف الشعر وضعه صار مزري=غشاه الجهل في شبـه الجزيـره
ابيـك تقـول للعـراف كلـمـه=وكلمـة عـارفٍ مثلـك مثيـره
وابيهـا منـك للجهـال حكمـه=وتبقى بأسمنـا فـي كـل ديـره
ابـي ردك تقولـه فـي محـلـه=وألـك بالفعـل وقفـاتٍ شهيـره
وابـى أختـم مابديتـه بالتحايـا=عدد طيـرٍ تقلقـل مـن مطيـره
علـى محمـد نبـي الله شفيعـه=لنا فـي يـوم شـره مستطيـره
[/poem]
وهذا رد الشاعر مقعد الدغيلبي :
[poem=font="simplified Arabic,5,darkblue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
على غبة بحر ضلما غزيره=هواجيس الضمايره مستثيره
أوردها مواريد القراحي=ويروى ضاميً نوّخ بعيره
بعد جتني رسالتها من اللي =يسد الماقف ويحمى قصيره
رساله حرفها فايح بنده=جذبني حرفها بريحة عبيره
مشاعر شاعرً هاضت هجوسه=شكالي وأظهر اللي في ضميره
يقول الشعر في حاله صعيبه=قليل العرّف حوسله مريره
معانيه أستشلت في زمانه=مابين أرضوض وكسورً خطيره
على وسق السرير وفالعنايه=ويندبلي ويشكي من سريره
سعابه جاهل وغثرب قراحه=وشام اللي بغا صافي غديره
هذا مضمون ماقال ابن عاصم=وينخاني وقبقب في هديره
وناصر مايلام ومن يلومه=عساها تالي الهجره ضريره
لكن أخذ الحقيقه وافتهمها=ولو ماضاعلك حبة شعيره
أفكر والتفاكير أزعجتني=وكله من سمير ومن سميره
سمير يجر موالً مكسّر=ويسرق من لحن ليلى وأميره
ماجاب الا الرديه والنطيحه=على سلك المهازل دق زيره
شعبها بلا خطام ولا شدادي=وعرضها العسر وأم العسيره
زعم نفسه وجاك وقال شاعر=يدفونه جماهيرً غفيره
برئ الشعر من هذا وشكله=وبرئ من الكلا واهل العميره
ضعيف الفكر لو شاور وشاور=على ذمة شويره؟ ياشويره
ترى شورك سبايب نكبتً له=حسب شورك مزوزي بالشكيره
دمار الشعر اله كم عام حايم=وأنا شفته قبل يرسل نذيره
وانا وانته ياناصر والعوارف=نلاحض ماحصل في كل ديره
لكن أخذ بشوري واستمعلي=دخيلك جنبوا نفاخ كيره
تعلق بالرجال أهل التجارب=بحور الشعر وسيوفً شطيره
ترى مازال ابه عالم وفاهم=تبشر والسعد مقبل بشيره
هذا واقبل تحياتي وشكري=ياراعي مدةً ماهي فقيره[/poem]
رد مع اقتباس
